Vona-awatabai
'Eba kiavemageta
Buki de'e nageneye i veveifufuga Yaubada yana tomotogavo bani'odi i na munega yadi mia i na ve'atumai. Awave'eda'eda fuedi Kini Solomoni i kilumidi, we'e 'ifwaidi mali tomotoga i kiluma, bani'odi Agula, ('wa na 'iseni daba 30) wata Kini Lemuela ('wa na 'iseni daba 31).
De'e kilumanina nageneye tamu nani bwaikina faifaina i veveifufu, Yaubada tomotoga 'aseta wata nuamageta i na veleveleda. Egavogi nuadi magemagetadi Yaubada i na veve'ililibuyeni.
De'e nuamagetanina i na 'ivaiseda yada mia matatabuna 'waidie, bani'odiga yada 'atamane, kabemani wata yada folova 'waidie. Wata kilumanina i na veda sauluva tonovidi ta na 'i'idewadi. Kebu ta na nualaka, we'e mogitana ta na vetoketoke ta na folofolova wata ta na vevesauluva-'atumai 'ifwaidi tomotoga yadi mia vitana 'waidie.
1
Bani'odi ta na munega nuamageta ta na veluagai?
1 1 Kin 4:32Vona-awatabai de'e Solomoni i kilumidi, Devida natuna, kumanina me Isileli yadi kini.
7 Iob 28:28; Same 111:10; Voa 9:10'Ai'edi nuanuada 'aseta wata nuamageta ta na 'ewai, nagami 'Auvea 'ana ve'ililibu wata 'ana kololo ta na ve'edakumetai.
We'e tomotoga 'wava'wavadi i vo, 'Aseta wata nuamageta de'e nani-'avo'avovo.”
8 Natuku, i lubwainemu tamamu yana awave'eda'eda 'u na noganogaidi,
we'e inamu yadi veifufu kebu 'u na bailedi.
9 Yadi venidi i na 'ivaisemu sauluva tonovidi 'u na 'i'idewadi.
'Ai'edi bani'odi 'u na vevesauluvediga, yamu mia i na ve'atumai,
'wa da vo 'unu'unumu i da 'i'ivivigavuya 'alo fwasalu i da lutalauleni 'odomuye bega 'amu 'isa i da 'ive'atumaia.