6
Awave'eda'eda mia 'atumaina faifaina
20 Natuku, i lubwainemu tamamu yana veimea 'u na vevematayakeyakedi,
we'e inamu yadi veifufu kebu 'u na bailedi.
21 Tutuya matatabuna yadi venidi nuamuye i na 'eno'eno,
'wa da vo kukuafou fwasalu.
22 'Ai'edi 'u na yabayabaga, yadi velu'ase'asenidi i na 'e'eda-kumesemu.
Yamu 'eno 'waidie, veifufunidi i na 'i'ibababalemu.
Tutuyanina 'u na tovoi 'enoyega, vonanidi i na totolinuata'iemu.
23 Yadi venidi sauluva 'atumaina faifaina i na vevemu,
'wa da vo bani'odi mageta dudubala nageneye.
Yadi kiavetonovanidi 'ana sala i na 'ivaisemu,
yamu mia i na tonova faifaina.
24 Veifufunidi i na 'ita'ita'iemu vavine tosakona 'waidiega,
wata toalagogona yana veifufu 'eba nua'ewa 'waidiega.
25 Kebu 'adi 'isa 'atumaina faifaina nuamu i na 'ewai,
kebu yana 'isadewa 'wainega i na 'onamuga.