8
Nuamageta yana veveifufu
a miamia mulieta nani matatabuna i 'idewadi.
23 Yau nagamidiotoga i silakaiku a miamia,
mulieta fwayafwaya i velamuya.
24 Yau nagamidiotoga a tubuga, mulieta malaveta i 'idewai,
we'e ufa luluvuala i vemuli.
25 'Oya bwaikidi wata siaidi kebu i 'idewadiga,
we'e yau nagamidiotoga a tubuga.
26 Tutuyanina yau a tubuga, 'Auvea bola fwayafwaya kebu i da 'idewaiga,
wata bakula kebu.
27 Tutuyanina yau a miamia abama i 'idewai,
abama wata malaveta yadi tugusa i yatoi,
tomotoga matadi 'adi 'etowava bei i nago i 'ailove.
28 Yau a miamia waowa i yatodi 'awasasa'aveye,
wata eyaga i luluvuala i yatoi malaveta dibuneye bega i na luluveadagi.
29 Yau bei a miamia nika 'Auvea malaveta 'ana tugusa i yatoi,
bega kebu 'ana fata i na ulatagotagoniga,
we'e fwayafwaya 'ana kabutu'u i talakikili.
30 Tutuyanina 'waineye yau Nuamageta 'asa'aiana yana tofolova,
'aiata 'aitamogana 'aitamogana a kikiavesosoani,
wata tutuya matatabuna ma yaku sosoana taiadi 'a miamia.
31 A sosoana-'afo'afo fwayafwaya wata tomotoga i 'idewadiga faifaidi.