31
Vavine nua'ai'aiwabudi
10 Vavine nua'ai'aiwabudi 'ana veluaga vitaotogina,
vavinenidi 'wa da vo bani'odi kukuafou, mulieta nani 'ifwaidi.
11 'Ai'edi tomogo vavinenina bani'odi i da veluagaiga, ma 'ana vetumagana yana lamoga 'wainega,
tomogonina kebu tamu ava'ai 'wainega i na ve'ale'usa.
12 Vavinenina yadi sauluva matatabuna 'atumai'avana yadi lamoga 'waineye,
yadi mia matatabuna 'waineye.
13 Sifi vutuvutuna wata 'imo'imoa i 'ewa'ewadi, ma yana 'idumwebika i vevefolovedi.
19 Yadi bulava taunidi i 'ivunivunidi,
nika 'waidiega talauma i agiagilidi.
20 Vavinenina 'a'anivelenina tovewekowekoma wata
egavo i veve'ale'usa talauma 'wainega i 'i'ivaisedi.
30 'Ana sala tamu vavine yana vona 'eba nua'ewa 'wainega tomogo i na vekalieni,
'ana 'isa nua'ewa'ewana siwe i na 'watu-matayo'o.
We'e vavinenina 'Auvea i veve'ililibuyeniga, tomotoga fuedi i na awalulakai.
31 I lubwaineni yana folova ma 'ana tutula,
wata 'ana subia i na veveluagai tomotoga fuedi 'waidiega.