15
Aŋpak Piŋkop da nin da aneŋ do nandɨsak
Dewit dakon kap kɨnda.
1 Yawe, namɨn da gak da telagɨ yutgwan tagɨ wɨgɨsak?
Telagɨ kabapgokon namɨn da tagɨ egɨpjak?
2 Amɨn kɨnda suŋ kɨnda aban amɨn da yaŋba yokwi tok dɨma aŋ ɨmgwit,
ae aŋpakni kɨlegɨsi,
ae burɨkon da nandaŋek gen bamɨ gɨn yosok,
uŋun amɨn da tagɨ egɨpjak.
3 Amɨn do yaŋba yokwi tok dɨma asak,
ae notni do aŋpak yokwi dɨma aŋyomɨsak,
ae notni do top dɨma yaŋ yomɨsak.
4 Yokwi pakpak amɨn do dɨma galak taŋek Yawe do pasolgoŋ amɨn do nandaban wukwan yomɨsak.
Yaŋ teban tok asak uŋun jɨgɨ noman taŋ ɨmaŋ bɨsapmon dɨma kɨrɨŋɨgek geni guramɨk kɨmokdok.
5 Amɨn da goman aŋ ɨba dɨ gat saŋbeŋek ɨmni do dɨma yosok.
Ae amɨn da topni paŋteban aŋek si yumaŋ naŋakwa amɨn kɨlegɨ gen pikon yop do aba geni dɨma nandaŋ yomɨsak.
Uŋun aŋpak kɨlegɨ morap yolgaŋ amɨn uŋun dagok dagogɨ mɨni arɨpmɨ dɨma mokdaŋ.