2
1 Isaa avalua o me eunaakookoo me kosa ateva me isaa akapaaili asease voto etana ghe ruula.
2 Tale aiaaghaituna ateva nau, God ang ghe ruula niuungu ghe gheleila, liuna avalua o me tale aiaaghaituna ateva nau ghe ainoanala tale uunguaane. 3 Me God ghe arangisela aiaaghaituna ateva nau, me ghe aimatongainiela va manga ia, poli tale ia o nau eteva ghe ainoanala tale isaa akapaaili niuungu ghe gheleila.
Adam me Ivi
4 Kiukiu nge eunaakookoo me kosa ateva nau laghe gheleilaluela, tale nau eteva Vau ngepona Iaue ghe gheleila kosa ateva me eunaakookoo.
5 ... 6 ...
7 Vau ngepona Iaue ghe ghaala kosa me ghe posoa ngaitauaala me ghe gheleila taumattu ngateva. Me ghe avu velu ssola inoa maulue ateva tale ngusunguna, me taumattu ngateva ghe mauluela.
8 Vara me Vau ngepona Iaue ghe atokala utana atingiu* utana atingiu Tarala Malloeana inangari. eIden, tale pai sinaka esae, me ghe atokala taumattu ngateva ghe gheleiela. 9 Me ghe gheleila asease ai etoa la piipinosa sae tale kosa ateva, ai masi taataraane me ai etoa, ueira masina tani nama. Elome tale utana atingiu ai eluae, kateae ai etautau maulue, me kateae ai etautau alomasaanga tani kila masina me sesa.
10 ... 11 ... 12 ... 13 ... 14 ...
15 Vau ngepona Iaue ghe ghaala taumattu ngateva, me ghe atokaie ssola tale utana atingiu eIden tani uungu etana, me tani aitarainia. 16 Me Vau ngepona Iaue ghe aulia ngakorokoronganala ta taumattu ngateva va, “Ue ngai tale isaa akapaaili ai urooroo tani nama tale utana atingiu, 17 me karika poi umene nama ue ngai tale llo ateae ai tani kila masina me sesa, ta nau eteva unamaia, aue umate.”
18 Vau ngepona Iaue ghe uela va, “Karika masina va taumattu ngateva ie nonga etoka. Aghelei teva masi tau ngai sausina.”
19 Nau Vau ngepona Iaue ghe gheleila tale kosa ila akapaaili ghaata kkena atoa, me isaa akapaaili ghila atoa la looloo elomarase, ghe ghaaila lao sio ta taumattu ngateva tani tara vaalua ease kateva kateva etaira, me saa arari taumattu ngateva ghe asela, ghe arariirala. 20 Liuna avalua o me ghe asela arariira isaa akapa ghaata kkena atoa ita aaitara, me llo ita tam aaitara, me ghila atoa elomarase.
Me ta Adam,† Adam Tale inangarina nge Hibru, adam, malloeana va “taumattu”, me tee, ararina ateae aitiutiu eteva taumattu. karika ghe tarala teva masi tau ngai sausina. 21 Vara me Vau ngepona Iaue ghe ghelei ellusu elokoila taumattu ngateva, nau eteva ghe asoaso me ghe ghaala kateae riu ngaasongina, me ghe mene ghelei rungaala tale malatauna nongina ghe ghaa vella riuna ateae. 22 Vara me Vau ngepona Iaue ghe gheleila vause ateva tale riu eteae ghe ghaaiela tale taumattu ngateva, me ghe laoainie sio ta taumattu ngateva.
23 Taumattu ngateva ghe uela va,
“Iaaili o, tani kapughu eteva o, ta riuna oia ghe kasula tale riughu,
me malatauna ghe kasula tale malataughu,
me aue akolo ararina ateae ta vause,
poli ghe mae sio tale taita ateva.”‡ Tale inangari nge Hibru, arari vause ateva la ue va ishah, ghe mae sio ta ish, taita ateva.
24 Liuna avalua o me taita ateva ekasu vuli tamana me kinna, me elaa toka tee vausenna ateva, me lalu kateva nonga.
25 Taita ateva me vausenna ateva lalu ghe tam aitiitii, me karika lalu ghe paapalata.