1 Kasina nau ang ghe lange sio, God ang ghe tootoonga Abraham, me ghe kolokoloainiela va, “Abraham!”

Me Abraham ghe liula me ghe uela va, “Aghi toko.” Kasina nau ang ghe lao sio God ghe tootoongala Abraam eghe uela tange tana va “Abram” Abram ghe liula me ghe uela va “aghi toko.”

2 God ghe mene uela etana va, “Ughaa natum ateva, ie nonga o natum ateva ia o uaielousieinia ta Aisiki, me ulao tale pai nge Morea. Nau eteva ulaa rekataa, ughuvi ematea, me ughelei aiaavusuvusuena eataata akapa etana tale motouru eteva aue aghapsungainia etam.” Vara me God ghe uela va, “Kolola natum taita ateva ta Aisik uaielousi einia me amalu sae tale voto ateva eMoraia tale kateva tani motouru aua ghapasungainia me ughelei aiaavusuvusuena tange tana nongina ugheelei aiaavusuvusuena nonga.”

3 Elue talaua poopooa me Abraham ghe totula, me ghe aipanipaniaala kiena dongki eteva. Ghe kolo teela kapuna tau ngai nongonongo anna alua me natuna ta Aisiki. Nau eteva ghe ruula tani sapa kura aighelei aiaavusuvusuena, me laghe tiuaala tani kasu tani lao tale voto ateva God ghe uela va aue elao etana. Eluetalaua poopooa Abram ghe totula me ghe aimonomonosiaala ghaata kkena ateva (dongki ia) me ghe kolola kapuna taungai nongonongoanna alua me natuna ta Aisik. Nau ghe roola kura ghe saila tani ghelei aiaavusuena, me laghe kasula tani lao tale voto ateva God ghe aulieiniela. 4 Kotolu nau ang ghe lange sio, me Abraham vara ghe taatara lao me ghe tara lao sio voto ateva ghe laolao etana masaueili ia. Aia kotonna ateva nau Abram vara ghe sae taatara me ghe tara amasau elaosio voto ateva oia. 5 Abraham ghe uela ta kapuna tau ngai nongonongo anna alua va, “Amalu toka oia tee me dongki eteva, me angalua me natughu angalu mene lao tale voto ateva amalu taataraie lao, me angalu laa turru me angalu kaua, me angalu mene mae.” Eghe uela ta kapuna taungai nongonongoanna alua va, “amotolu toka oia me ghaata kkena ateva me angalua me natughu angalu lao okae. Angalu laa kkaua me aua angalu oghia mae.”

6 Abraham ghe alokoi saela kura aighelei aiaavusuvusuena ta pappane natuna ta Aisiki, me ia ghe saula kura ataata ateae me iema ateva. Me nau eteva lalu ghe kasukasu elaolao me Abram ghe sau elokoi saela kura ta Aisik me ia ghe posola kura ateae me iema ateva me lalu ghe tiuaala tani kasu. 7 Aisiki ghe uela ta tamana va, “Tamaghi!” Me ghe uela Abraham va, “Ue, natughu.” Me ghe uela Aisiki va, “Kura me kura ataata ateae oia, me ea teva sipsipi aighelei niaiaavusuvusuena eataata akapa?” Lalu ghe kasukasu elaolao me Aisik ghe uela va “Abram tamaghi!” Abram ghe liula me ghe uela va, “Ue natughu,” me Aisik ghe uela va, “Kura me kura ateae oia me eaa natu ghaata kkena ateva (sipsipi ia) tani ghelei aia avusuvusuena?” 8 Abraham ghe liula me ghe uela va, “God aue etau mae teva sipsipi, natughu, tani ghelei aiaavusuvusuena eataata akapa.” Me ilalu ghe kasukasu eitaua elaolao. Abram ghe uela va, “Natughu God aue tau mae ghaata kkena ateva,” me lalu ghe mene tiuaala tani kasu.

9 Nau lalu ghe rekatala tale voto ateva God ghe aulieiniela etana, me Abraham ghe gheleila liu aighelei niaiaavusuvusuena ateva, me ghe alokoi saela kura epona etana. Me ghe irila natuna ta Aisiki, me ghe alokoie saela epona tale liu aighelei niaiaavusuvusuena ateva epona tale kura. Nau lalu ghe rekatala tale voto ateva God ghe aulieiniela, me Abram ghe atulula voto ateva lalu ghelei aia avusuvusuena tange tana me ghe alokoi saela kura me ghe irila natuna ta Aisik me ghe sau elokoi esaela tale kura. 10 Me ghe ghaala iema ateva tani pasi pule alona atiulu natuna. Vara me ghe ghaala iema ateva tani pasa amate natuna. 11 Me karika, ta kapuna ensolo ateva Vau palepale epona liu ghe kolokoloainiela va, “Abraham, Abraham!” Abraham ghe liula me ghe uela va, “Aghi toko.” Vara me kapuna ensolo ateva vaupalepale ghe kolokolola eponaliu va “Abram, Abram” me Abram ghe uela va, “Aghi toko.” 12 Vara me ensolo ateva ghe liula me ghe uela va, “Urau mene pasi pule alona atiulu natum, me urau mene ghelei righi voto etana. Ta God euela va, ‘Ia oia ngakilala va uoneoneainaghi, poli karika uarongi poila ie nonga o natum ateva.’ ” Ghe uela ensolo ateva va, “Karika umene saoa nimam ta aliki eteva me karika umene ghelei righi voto tange tana. Ghaine nga kiilala va io uaielousiaa God poli karika angu poso aoghila natuma aliki eteva kateva nongaia tange taghi.”

13 Abraham ghe aitaraa see me ghe tarala taita sipsipi eteva, unna kom alua lalu ghe koe atokala tale pattuvui erighi, me ghe ghaaiela, me ghe gheleila aiaavusuvusuena eataata akapa etana, tani ghaa liuna ateva natuna. Vara Abram ghe sae taatara me ghe tarala ghaata kkena ateva (taita sipsipi eteva) tale tuku pattu vui eteva unna aisile alua ghe ghoeghoeanga tokala. Ghe laosio me ghe ghaala ghaata kkena ateva me ghe ghelei saela aia avusuvusuena tani gha liuna ateva natuna. 14 Abraham ghe asela arari voto ateva o ta “Vau palepale ateva aue tau mae.” Tale isaa oia nau, taumattu ngatoa la ue va, “Tale unna motouru eteva Vau palepale, aue tau mae.” Abram ghe asela voto ateva oia va vaupalepale aue etau mae tale isaoia nau te la ueva tale iao motouru eteva vaupalepale aue taumae.

15 Kapuna ensolo ateva Vau palepale epona liu ghaluene ta ghe mene kolokolola, Kapuna ensolo ateva vaupalepale ghe mene kolokoloaala Abram ghaluene me ghe uela va, 16-17 ghe uela va, “God euela va, ‘Ngaghaulia ngakoronna tale ararighi eteae va aua akaarasi tani arangiseio, poli ughe gheleila voto ateva o, me karika ughe arongila natum taita ateva, kateva nongaia. Ngaghauliaa inangari nialokoi va aua aghelei mangalim atoa aue la oroieili, nongina katto atoa elomarase, me nongina rira ateva elosamarra. Mangalim atoa aue la apala tau ngai ssateeira atoa. Aghi aghauliaa inangari nialokoi tange tam va poli angu ghelei la isa oia voto me karika uposo aoghila natum taita ateva. Aua agharangiseio me aghelei natum atoa la oroienaaili nongina katto atoa utaataraila sae eponaliu me nongina rira ateva elosamarra. Natum atoa aue la gha peiira tale masaliki ira taungai ssate ira atoa. 18 Me anua akapa atoa aue la kolomieghi tani arangiseila nongina aua agharangise mangalim atoa, poli ughe nongo usilala inangarighi.’ Me aue ta natum atoa anua akapa atoa tale kosa ateva aue la gha niarangise, poli unongo usilainaghila.” 19 Abraham me Aisiki lalu ghe kiria alao sio nongina kapuna tau ngai nongonongo anna alua me laghe mene lao sio eBesiba, me Abraham ghe toka liula okae. Vara me Abram me natuna lalu ghe oghi laosio ta kapuna taungai nongonongoanna alua me laghe kiria laosio eBesiba Abram ghe tokala eBesiba.

20 Kasina nau ghe laosio me laghe uela ta Abram va Milka ang ghe sussula ang ghe ssula natuna taita atoa tuem ta Naoo. 21 Aitiutiu eteva ta Uz nengane atoa ta Buz, Kemuel (tamane ia Aram) 22 Kesed me Hazo, Pildash, me Betuel. 23 Betuel tamaneia Ribeka. Milka ghe ssula ghaoalu natuna taita Naoo tuena Abram. 24 Reuma mene kateva vausena Naoo karika va vausena tuungiia ghe ssu tela natuna taita ta Tiba, Gaham, tahash, me Maka.