1 *Rom 13:1-7; 1Pi 2:13-14Banasi evaráne siamesin ná kamanin má beni ánon banta kéká bái aránaópa sá báken betin oo yaiyiyan ná kama avúavá barano van utaaren ná bano. 2 Inká ída vá ena oyampá baya siren aruve asive iyáken ná bempáke sá ará kusen bano. Betí ankan puntáden báken ná ena nanin banta fura avúavá aní ino.

3 *1Ko 6:9-11; Efe 2:1-2; 5:8Pefá tetin má dere vaya átakharé iyáké maka siré óen avúavápin timusin dosé nókun mai ano setin damuádá baré tiféuno. Maifin ma vá tifékun maen namu avúavá bá ume avúavá bá ano setimpin bíkakhá ena ina yana san tiran niyáké ben ará namu uantan maran iyaré uno. 4-5 *2Ti 1:9; Ibu 10:22Máan tiyaré tifé umpo setí ankan ma Evaránen Tivíkein Tiyarafenui anunu vá avábá bá ma afoká ein nan mi véi setin evaránen tivíken mifo seti ma funtákein avúavá bariyaré é tiferuna rasa ino. Ída ino. Bei arunanápói setin evaránen tivíken mino. Tiyarafenu ano Kantá Aunan pói setin tesé uren evaránen maman auyení urá bá tiféuno. 6 *Apo 2:17-18Tetin ma Evaránen Tivíkein Yisas Karaisin pintéi uaren Tiyarafenu ano vei Kantá Aunan ída fákan tetin timaniná banaen mino. 7 Máan turanti mae Tiyarafenui sarisarirá tetin nan ída umeí ukhein mino siren para van oriyan ban aunan nan ma iyátintan bain ída aa iyarantí barano van ma ave ukharé eruna kasaé tetí ankan bará tifanté uno. 8 Taitasi oe, ma ma éin tiameruna vaya vará pura sen puntákein baya ino vá teno. Mai vará éi ma vaya fara e siame oriya vasin ná Tiyarafenurá ma mumunan iyain kéká ano yafíben kama avúavá ana vá barano. Mai vaya ánain ma vákurin nain kéká mai vaya ano kama ayairí inten mino.

9 *2Ti 2:14, 16Máan tinten mifo mai ma ída kama ineine van ma asuse vaya kayo sen nóken ma vanasii ineine máden namu iyan ma inká be anafu aráon aví para vano van ma séi ven ana ayavéno uno siriyan ma vetíi man bayará bákuriyan ma aruve asive en noin kéká ádé ída vá orono. Mai fara vara seyo, mai vaya kayo maen asuse vaya kayon báken mai ano ída kanaíen éin aya inten mino. 10 *Mat 18:15-17Manáa uman afoká inafo vá mai ma nóken betíi vayará ma ákona e nóken kampun baya kayo fóké ma ena monó kéká arápiníen ma noin kéká ma siamesin ída ininti inká evaráne enádá tiamesin ma ída ininti mai ída vá oo aí iya mairasá mo ifá ano. 11 Éi afová ukha ono. Máan bantai avúavá ano ída funtákan bei umefin bákan mai anon béin daimiyan mino.

12 *Efe 6:21-22; Kor 4:7-8Ínaimpáké ma Atemasin nafi Tikikasin nafi ma siantékun ma eni varu varen eni yoran aya ono van ma éi vaonará ma o unintiya éi aine vá aaí ureya Nikoporisí barurá ereno. Mai fara vara seyo, iyon aú ma afoká inaimpin mai varurái o vanté unon té inikhé uno. 13 *Apo 18:24; 1Ko 3:5-6Aporosin nú man baya afova vanta Senasin nú ma mairá onóben ma intéa yanasará inten nafi mai éi ayampaí ure vá mai yanasinta ayaesin ná mamaren orino. 14 *Efe 4:28Tetin má ma monó tiyain nanin banta ano kama avúavá ana ma varen oriyan bani ana ma afová uren maen mi yunan má ona vá ma ída van nain kéká kasaien aya iyáken asese nanin banta anan banten mino.

15 Téin má ma minó mumunan nanin banta ma vain mano amusin baya siádákan éi vaípá oren mino. Taitasi oe, éi vá Kirití ma mumunan nanin banta váken tetin nan anunu iyain kékasá amusin baya siameno. Tiyarafenui sarisari ano vá tiretí ankan má bano.