Mo꞉fo꞉s We Fo꞉l Eyo꞉
Galasia
Kaluka꞉isalemo꞉ Sa꞉sa꞉liga꞉fo꞉
Asuluma꞉no꞉ towo꞉ we
Fo꞉l eyo꞉ Ya꞉suwa꞉ to nafa wida꞉li ha꞉nakiyo꞉, Galasia sa꞉so꞉ a꞉na mo꞉mo꞉do꞉. Tif amio꞉ Yu widan kalu nowo꞉ a꞉na ha꞉na꞉sa꞉ga꞉ a꞉widakiyo꞉, “Gio꞉ Godeya꞉ siwa꞉l amio꞉ digalo꞉ doma꞉nikiyo꞉, Mo꞉sa꞉sa꞉ ele saefa꞉ a꞉no꞉ mada kudu ha꞉na꞉bi” a꞉la꞉wido꞉. Galasia tilidabu kaluka꞉isaleyo꞉ halayo꞉ mo꞉asuluma꞉ki, Fo꞉l eyo꞉ iyo꞉ asulo꞉ dimiakiyo꞉, mo꞉fo꞉s we a꞉na sa꞉sa꞉liga꞉fo꞉.
Mo꞉fo꞉s us wenamio꞉, Fo꞉l eyo꞉ sa꞉sa꞉lakiyo꞉ a꞉la꞉sio꞉, “Gio꞉ Ya꞉su amilo꞉ tilida꞉dab a꞉namio꞉, Godeya꞉ si wa꞉l amio꞉ digalo꞉le fa꞉la꞉doma꞉ib” a꞉la꞉sa꞉sa꞉lo꞉. A꞉la꞉ta꞉ga꞉ Fo꞉l e iliga꞉felo꞉ kalu nowo꞉ elo꞉b a꞉la꞉sama꞉kiyo꞉, imo꞉wo꞉ mo꞉fo꞉so꞉ a꞉la꞉sa꞉sa꞉lo꞉, “To we ni asulo꞉ amilo꞉wo꞉ ko꞉lo꞉ sa꞉ma꞉nigo꞉ba. Ya꞉su Kelisowa꞉lo꞉ nemo꞉lo꞉ fanda wido꞉ aumbo꞉ gimo꞉ so꞉lo꞉l” a꞉la꞉sa꞉sa꞉lo꞉.
Fo꞉l elo꞉ to sa꞉sa꞉lo꞉ nowo꞉ we. Nio꞉ Godeya꞉ siwa꞉l amio꞉ digalo꞉le doma꞉nikiyo꞉, nili tilidabu a꞉ma꞉ ilikiyo꞉, digalo꞉ fa꞉la꞉do alifa꞉ib. A꞉la꞉ta꞉ga꞉ Ya꞉su eyo꞉ nio꞉ ga꞉li sili alita꞉sa꞉ga꞉yo꞉, ene Mama eyo꞉ nio꞉ tililia꞉ ha꞉nabiki, nio꞉ Godeya꞉ enedo꞉ asulab man a꞉no꞉ ko꞉lo꞉ kudu ha꞉na꞉sen.
1
1 Ne Fo꞉l, iliga꞉felo꞉ kalu nowo꞉ ne. Ne nanog dima꞉kiyo꞉, kaluwa꞉ halaido꞉ a꞉ma꞉ da꞉fea꞉sa꞉ga꞉ iliga꞉foma. Ya꞉su Keliso o꞉lia꞉ Do Gode, Ya꞉su sowo꞉lo꞉ a꞉ma꞉la꞉ dasi alifa꞉ a꞉no꞉lia꞉ma꞉yo꞉ ne ene nanog a꞉no꞉ dima꞉ki da꞉fea꞉sa꞉ga꞉ iliga꞉fo꞉. 2 Mo꞉fo꞉s we ne o꞉lia꞉ Keliso kaluka꞉isale wilo꞉ sab niliyo꞉ sa꞉sa꞉la꞉sa꞉ga꞉, sa꞉s tambo Galasia hen a꞉namilo꞉ a꞉lab gimo꞉ iliga꞉to꞉l.
3 Nili Do Gode o꞉lia꞉ Alan Ya꞉su Keliso o꞉lia꞉ma꞉ ha꞉fo꞉ disa꞉lan man a꞉no꞉lo꞉, ha꞉sa mesa꞉no꞉ man a꞉no꞉lo꞉ gi o꞉lia꞉ doma꞉ki dulugu so꞉lo꞉l. 4 Gala 2.20Ya꞉su eyo꞉ nili Do Godeya꞉lo꞉ asulab au kudu ha꞉nakiyo꞉, nili mogago꞉ dimido꞉ a꞉no꞉ hala꞉ma꞉ki, ene mela꞉no꞉wo꞉ mo꞉kanulaki dimi. Nio꞉ henfelo꞉ man mogago꞉ usamilo꞉ a꞉lab a꞉no꞉ sili alifoma꞉ki, Ya꞉su eyo꞉ a꞉la꞉dimido꞉. 5 A꞉la꞉fo꞉ko꞉lo꞉ niliyo꞉ Godeya꞉ wiyo꞉ ho꞉leno꞉ tambo wabuda꞉mela꞉no꞉. Hendele.
To nafa hendeyo꞉ imilig ko꞉lo꞉lab
6 Amayo꞉! Kelisowa꞉lo꞉ ha꞉fo꞉ disa꞉lan man a꞉namio꞉, Gode eyo꞉ kaluka꞉isale gio꞉ eno꞉le doma꞉ki ho꞉ido꞉ ko꞉sega, giliyo꞉ kalu gilo꞉ ho꞉ido꞉ a꞉no꞉ bo꞉bo꞉ge gola ba꞉dakiyo꞉, to ko꞉li widab a꞉no꞉ kudu ha꞉nait ko꞉lo꞉ ne mada iligo꞉. 7 Ilig 15.1,24To ko꞉li a꞉widab ko, to nafaleyo꞉ o꞉mba. Kalu nolba꞉yo꞉ Ya꞉suwa꞉ to nafa a꞉no꞉ ko꞉li nodo sa꞉lab ko꞉lo꞉, gio꞉ babale asuluma꞉ki gab.
8 1Kol 16.22Ko꞉sega tolo꞉ widan kalu niya꞉le, ma꞉mula꞉ kalu Hebene a꞉la꞉ta꞉ga꞉lo꞉ yab a꞉ma꞉ya꞉le, to nafa ko꞉lo꞉ nilo꞉ tamin amilo꞉ wido꞉ a꞉no꞉ nodola꞉sa꞉ga꞉, gimo꞉wo꞉ to ko꞉li a꞉widalega, Gode eyo꞉ kalu i a꞉no꞉ wa꞉deaki, de hena mela꞉no꞉ melea꞉ki asulab. 9 To nafa a꞉no꞉ niyo꞉ sio꞉ ko꞉lo꞉ wa꞉ka sa꞉ma꞉nigo꞉l. Kalu abeyo꞉ to nafa gililo꞉ tamin amilo꞉ tilidabu a꞉no꞉ nodola꞉sa꞉ga꞉, gimo꞉wo꞉ to ko꞉li a꞉widalega, Gode eyo꞉ kalu a꞉no꞉ wa꞉deaki de hena mela꞉no꞉ mesea꞉ki asulab.
10 1Tes 2.4To we niyo꞉ widakiyo꞉, kaluka꞉isaleya꞉yo꞉ nemo꞉ sagalema꞉ki wido꞉lba. Gode eyo꞉ nemo꞉wo꞉ sagalema꞉ki wido꞉l. Niyo꞉ kaluka꞉isale ko꞉lo꞉ sagalema꞉ki widai kibo꞉bowo꞉, ne Kelisowa꞉ nanogdo꞉ dian kalu hendeleyo꞉ mo꞉domo꞉lo.
Fo꞉l e iliga꞉felo꞉ kalu doma꞉ki Godeya꞉ ho꞉ido꞉
11 Madi 16.17Ni nao nado i, gio꞉ fanda asuluma꞉ki so꞉lo꞉l. Ya꞉suwa꞉ to nafale ko꞉lo꞉ nilo꞉ wido꞉ a꞉no꞉ kaluwa꞉ asulo꞉wa a꞉la꞉ta꞉ga꞉ mio꞉ma. 12 Niyo꞉ to we nili ma꞉muwa꞉ man a꞉namilo꞉ mo꞉di a꞉la꞉ta꞉ga꞉, kalu nolba꞉yo꞉lo꞉ nemo꞉wo꞉ mo꞉wido꞉. O꞉ngo꞉ma. To nafa we Ya꞉su Kelisowo꞉ nelo꞉wa fa꞉la꞉dowaki, nemo꞉wo꞉ kalaba wido꞉.
13 Ilig 8.3Yuwa꞉ ele kudu ha꞉na꞉likilo꞉ man nilo꞉ dimidan a꞉no꞉ gio꞉ tamin amio꞉ dabu. Niyo꞉ Godeya꞉ ene sa꞉s kaluka꞉isale o꞉mo꞉wo꞉ hida꞉yo꞉ ko꞉li ko꞉lilo꞉ dimiaki, tambo yasa danela꞉ma꞉no꞉ asulaki dimida꞉len. 14 Ilig 22.3Nili ma꞉muwa꞉ ele difa꞉ a꞉no꞉ ne mada halaido꞉ kudu ha꞉na꞉len. Yuwa꞉ ele man a꞉no꞉ asululia꞉sa꞉ga꞉ kudu ha꞉na꞉likiyo꞉, niasi kaluka꞉isale nolo꞉ ne tinio꞉ ko꞉lo꞉ elen. 15-16 Ais 49.1,Gala 2.7Ko꞉sega, ne o꞉sa꞉la꞉lia꞉no꞉ a꞉namio꞉, Gode eyo꞉ nemo꞉ ha꞉fo꞉ disa꞉lakiyo꞉, ene nanog dima꞉ki da꞉feyo꞉. A꞉la꞉ta꞉ga꞉ niyo꞉ to nafa Yu kaluka꞉isalema imo꞉wo꞉ walama꞉kiyo꞉, Godeya꞉ ene inso꞉ Ya꞉suwo꞉ nemo꞉ wido꞉. Ho꞉len nemo꞉lo꞉ wido꞉ amio꞉, ne kalu no o꞉lia꞉yo꞉ nenelema꞉nikiyo꞉ mo꞉ane. 17 Ho꞉len a꞉namio꞉, iliga꞉felo꞉ kalu Godeya꞉lo꞉ tamin amilo꞉ da꞉feyo꞉ a꞉no꞉ Ya꞉lusalem elen ko꞉sega, niyo꞉ iyo꞉lo꞉ mo꞉ba꞉ba꞉ni ane. Ne Alabia hen a꞉naka tigini ha꞉na꞉sa꞉ga꞉, tif amio꞉ Damaskas amisa꞉na a꞉ma꞉la꞉ mio꞉.
18 Ilig 9.26-27Dona otaleno꞉ ta꞉ta꞉ga꞉yo꞉, ne Bidayo꞉ ba꞉ba꞉niki, Ya꞉lusalemo꞉ a꞉na ane. Ne Bida o꞉lia꞉lo꞉ seno꞉, ho꞉leno꞉ do꞉ a꞉la꞉ta꞉ga꞉ bila꞉fo꞉ dowo꞉. 19 Ne Ya꞉suwa꞉ ene ao, Ya꞉ma꞉s ko꞉ ba꞉ba꞉ ko꞉sega, iliga꞉felo꞉ kalu nol a꞉no꞉ mo꞉ba꞉ba꞉. 20 To nilo꞉ sa꞉sa꞉lo꞉l we hendele a꞉la꞉likiyo꞉, Godeya꞉ siwa꞉la so꞉lo꞉l.
21 Ilig 9.30Ne Ya꞉lusalem a꞉na sa꞉ga꞉yo꞉, Silia hena a꞉la꞉ta꞉ga꞉ Silisia hen a꞉namida꞉ ane. 22 Ho꞉len a꞉namio꞉, sa꞉s kaluka꞉isale Yudia hen amilo꞉ sab i a꞉ma꞉yo꞉ ne semo꞉ ba꞉ba꞉ ko꞉lo꞉lab. 23 Ko꞉sega iliyo꞉ nilo꞉ dimida꞉len a꞉no꞉ malolabiki a꞉la꞉dabu, “Tamin amilo꞉ Keliso kaluka꞉isale nilo꞉ mogagila꞉sen kalu a꞉ma꞉yo꞉, Godeya꞉ to elo꞉ mogagila꞉sen a꞉no꞉ o꞉go꞉ e wida꞉lab” a꞉la꞉malolo꞉ meabiki dabulo꞉bo. 24 A꞉la꞉fo꞉ko꞉lo꞉ Godeya꞉lo꞉ nemo꞉lo꞉ dimido꞉ a꞉na ilikiyo꞉, iliyo꞉ Godeyo꞉ wabulu sio꞉.