1 Nio꞉ Mo꞉sa꞉sa꞉ ele difa꞉ a꞉no꞉ ba꞉dakiyo꞉, kelego꞉ nafa tif amilo꞉ dia꞉no꞉ a꞉no꞉ ka misili ba꞉ba꞉. Ele difa꞉ a꞉no꞉ mama dede dimido꞉ o꞉ngo꞉ elen. A꞉la꞉fo꞉ko꞉lo꞉ kaluka꞉isaleyo꞉ ele ha꞉ga iliki, ili mogago꞉ dimido꞉ a꞉no꞉ hama꞉kiyo꞉, donayo꞉ tambo amio꞉ no꞉ ho꞉bo꞉wo꞉ Godemo꞉wo꞉ wa꞉ka wa꞉ka a꞉la꞉dimia꞉len. Ko꞉sega kaluka꞉isaleyo꞉ Godeyo꞉ wabudakilo꞉ elo꞉ amilo꞉ ya꞉lab a꞉no꞉, no꞉ ho꞉bo꞉ dimia꞉lab a꞉ma꞉yo꞉ iyo꞉ malilo꞉ nafaleyo꞉ mada mo꞉ta꞉ta꞉sen. 2 Ililo꞉ no꞉ ho꞉bo꞉ imilise dimi a꞉ma꞉yo꞉ iyo꞉ malilo꞉ nafale tambo ta꞉fo꞉ kibo꞉bowo꞉, ililo꞉ mogago꞉ dimida꞉len a꞉no꞉ wa꞉kabiyo꞉ mo꞉asulaki, no꞉ ho꞉bo꞉ dimia꞉no꞉wo꞉ elemabe. 3-4 Hibu 9.13Ko꞉sega o꞉ngo꞉ma. Kaowa꞉ ho꞉bo꞉ o꞉lia꞉ goudiya꞉ ho꞉bo꞉ o꞉lia꞉ma꞉yo꞉ mogago꞉wo꞉ mada mo꞉hala꞉ma꞉ib. A꞉la꞉fo꞉ko꞉lo꞉ donayo꞉ tambo amio꞉ ili mogago꞉wo꞉ hama꞉kiyo꞉, no꞉ ho꞉bo꞉wo꞉ dimia꞉len ko꞉lo꞉, iliyo꞉ a꞉la꞉dimida꞉likiyo꞉ mogago꞉ enedo꞉wo꞉ wa꞉ka asula꞉len.

5 Song 40.6-8A꞉la꞉fo꞉ko꞉lo꞉ Keliso e henfelo꞉ wena mia꞉nikiyo꞉ Godemo꞉wo꞉ a꞉la꞉sio꞉,

11 Kis 29.38Bobalo꞉ so꞉mea꞉sen kalu iliyo꞉ ho꞉leno꞉ tambo nanogo꞉ dimida꞉likiyo꞉, no꞉ ho꞉bo꞉wo꞉ Godemo꞉ wa꞉ka wa꞉ka a꞉la꞉dimia꞉lab. Ko꞉sega no꞉ ho꞉bo꞉ a꞉ma꞉yo꞉ man mogago꞉ a꞉no꞉ mada mo꞉dila꞉lab. 12 Ko꞉sega Keliso e nili mogago꞉wo꞉ hama꞉kiyo꞉, ho꞉len imiliseya ene do꞉mo꞉wo꞉ boba dimi ko꞉lo꞉, boba dimiab a꞉ma꞉yo꞉ dowa꞉i ha꞉na꞉mela꞉ib. Eyo꞉ a꞉la꞉dimida꞉sa꞉ga꞉yo꞉, e ha꞉na꞉sa꞉ga꞉ Godeya꞉ ene dagi ililiba asifo꞉lab. 13 Song 110.1Ya꞉suwo꞉ a꞉na silikiyo꞉, gis kalu elo꞉wo꞉ tambo Gode eyo꞉ e ha꞉g ami dia꞉foma꞉ki, e yasisab. 14 Mo꞉wo꞉ elo꞉ ho꞉len imilig amilo꞉ boba dimi a꞉ma꞉ ilikiyo꞉, kaluka꞉isaleyo꞉ Godeya꞉ siwa꞉l amio꞉ digalo꞉ nafale ta꞉fo꞉ ko꞉lo꞉, i a꞉no꞉ ko꞉ngo꞉ ka mela꞉ib. Gode elo꞉ malilo꞉ kaluka꞉isale ta꞉fo꞉labo꞉ i o꞉m.

15 To a꞉no꞉ hendele a꞉la꞉bo꞉ fanda widakiyo꞉, Mama Malilo꞉ a꞉ma꞉yo꞉lo꞉ towa꞉yo꞉ a꞉la꞉sio꞉,

18 Gode eyo꞉ man mogago꞉wo꞉ hala꞉sa꞉ga꞉ ga꞉lila꞉ amio꞉, mogago꞉ hama꞉kilo꞉ boba wa꞉kabilo꞉ a꞉dimia꞉no꞉wo꞉ mada aundo꞉ma doma꞉ib.

19 Hibu 4.16A꞉la꞉fo꞉ko꞉lo꞉ ni nao nado i, Ya꞉suwa꞉ ho꞉bo꞉ a꞉na ilikiyo꞉, nio꞉ Galala꞉ Mada Malilo꞉le a꞉namio꞉ mo꞉tagilaki tigini ha꞉na꞉no꞉. 20 Madi 27.51Tamin amio꞉ Godelo꞉wa tinakiyo꞉, so꞉g dehedo꞉ a꞉na a꞉la꞉ta꞉ga꞉ tina꞉sen ko꞉sega, o꞉go꞉ so꞉g dehedo꞉ a꞉no꞉ Ya꞉suwa꞉ ene do꞉mo꞉wo꞉ o꞉m. A꞉la꞉fo꞉ko꞉lo꞉ nio꞉ Godelo꞉wa tina꞉nikiyo꞉, mela꞉no꞉lo꞉ a꞉lab tog ho꞉gi a꞉no꞉ Ya꞉suwa꞉ ene kolaefa꞉. 21 A꞉la꞉ta꞉ga꞉ ni amio꞉ bobalo꞉ so꞉mea꞉sen kalu alandeyo꞉ a꞉lab ko꞉lo꞉, eyo꞉ Godeya꞉ ene kaluka꞉isaleyo꞉ bo꞉fo꞉lab. 22 Wkp 8.30,Ese 36.25, A꞉fe 5.26Nio꞉ mogago꞉ dimido꞉ a꞉la꞉asulakilo꞉ sendelowan a꞉no꞉ Ya꞉suwa꞉ ho꞉bo꞉ a꞉ma꞉ tula꞉sa꞉ga꞉ halifa꞉. A꞉la꞉ta꞉ga꞉ nili do꞉mo꞉wo꞉ tambo ho꞉n go꞉go꞉do꞉le a꞉ma꞉ to꞉go꞉de alifa꞉ ko꞉lo꞉lab. A꞉la꞉go꞉ko꞉lo꞉ no꞉no꞉n tilidabu a꞉ma꞉yo꞉ nanogo꞉ diab a꞉la꞉asulakiyo꞉, asulo꞉ nililo꞉ a꞉namio꞉ dikidan mano꞉ mo꞉dowaki, nio꞉ tigini ha꞉na꞉ga꞉, Godeya꞉ anibdeya kagama꞉niki. 23 Niliyo꞉ Gode elo꞉ dinali sio꞉ a꞉no꞉ hendele dimidama꞉ib a꞉la꞉tili asulo꞉l ko꞉lo꞉, nililo꞉ dia꞉no꞉ yasilo꞉l a꞉no꞉, asulo꞉ a꞉la꞉yo꞉ mo꞉dowaki, a꞉na halale kagama꞉niki. 24 Niliyo꞉ kaluka꞉isale nolo꞉ ko꞉lo꞉ asulakiyo꞉, nio꞉ ha꞉fo꞉wo꞉ disa꞉laki a꞉la꞉ta꞉ga꞉ man nafa dimidama꞉nikiyo꞉, negelebo꞉ widaki asulo꞉wo꞉ digidalita꞉ mela꞉no꞉. 25 Hibu 3.13Tilidabu kaluka꞉isale nolo꞉ ualo꞉ mo꞉kegene dowa꞉sen aumbo꞉, giliyo꞉ a꞉la꞉bo꞉ dimida꞉so꞉bo. Ya꞉sulo꞉ mia꞉no꞉ ho꞉leno꞉ ko꞉na꞉ma fa꞉la꞉dowab ko꞉lo꞉, nio꞉ negelebo꞉ kegene dowaki, asulo꞉wo꞉ halale alita꞉mela꞉niki.

26 Hibu 6.4-8Nio꞉ to man hendeleyo꞉ fanda asululia꞉sa꞉ga꞉yo꞉, man mogago꞉wo꞉ asulo꞉ ko꞉ iliki dimidafo꞉ko꞉ ha꞉na꞉lalega, mogago꞉ hama꞉kilo꞉ boba dimia꞉no꞉wo꞉ aundo꞉ma ko꞉lo꞉lab. 27 Ais 26.11Kaluka꞉isale i a꞉no꞉ Gode o꞉lia꞉yo꞉ gis dowab ko꞉lo꞉, Godeya꞉lo꞉ mo꞉walilima꞉nigab a꞉no꞉ a꞉la꞉ta꞉ga꞉ de halaido꞉wa꞉lo꞉ ma꞉nigab a꞉no꞉ ko꞉lo꞉ tagilaki yasi mesa꞉ib. 28 Lo 17.6,19.15Kalu noma꞉yo꞉ Mo꞉sa꞉sa꞉ ele difa꞉ a꞉no꞉ gedeo꞉ ko꞉lo꞉ mo꞉walilab amio꞉, kalu a꞉la꞉ya꞉le otalena꞉le iyo꞉ towo꞉ imilig dowaki fanda sa꞉lalega, kalu a꞉no꞉ mo꞉nofolaki sana sowa꞉sen. 29 Madi 12.30-32,1Kol 11.27-29Kalu abeyo꞉ Ya꞉suwa tilida꞉da꞉sa꞉ga꞉ a꞉ma꞉la꞉ nodolaki, Ya꞉suwa꞉ wilo꞉ wa꞉la꞉ sa꞉ndab a꞉no꞉ o꞉bo꞉ngo꞉ dia꞉iba꞉le? E wa꞉deakilo꞉ falasila꞉ma꞉ib a꞉no꞉ mada alande doma꞉ib. Dinali saefa꞉ ho꞉bo꞉ a꞉ma꞉yo꞉ kalu a꞉no꞉ malilo꞉ ta꞉fo꞉ ko꞉sega, eyo꞉ ho꞉bo꞉ a꞉no꞉ o꞉ngo꞉malo꞉ngo꞉ ta꞉fo꞉. Eyo꞉ ha꞉fo꞉lo꞉ disa꞉lan Mamamo꞉wo꞉ dio꞉ge sio꞉. 30 Lo 32.35-36,Song 135.14Godeya꞉ ene bugo꞉ amio꞉ a꞉la꞉sio꞉, “A꞉ma꞉la꞉lo꞉ wa꞉dema꞉no꞉wo꞉ na꞉no꞉. No꞉no꞉no꞉ falasilakiyo꞉ wa꞉lo꞉ dimia꞉no꞉.” A꞉la꞉ta꞉ga꞉ eyo꞉ to nowo꞉ a꞉la꞉sio꞉, “Alan eyo꞉ kaluka꞉isale enedo꞉wo꞉ mo꞉walilaki aloba꞉ma꞉ib.” To welo꞉ sio꞉ Gode a꞉no꞉ niliyo꞉ o꞉li fanda asulo꞉ ko꞉lo꞉lab. 31 Hendele, mela꞉no꞉lo꞉ a꞉lab Gode eyo꞉ gio꞉ wa꞉dema꞉niki ta꞉lialega, gio꞉ tagio꞉ mada alan dowa꞉bi.

32 Gio꞉ tamina Ya꞉suwa tilida꞉da꞉sa꞉ga꞉, hida꞉yo꞉ diakilo꞉ odo꞉ si a꞉namio꞉, gio꞉ mo꞉gigidaki halale kagayo꞉ ko꞉lo꞉, a꞉no꞉ a꞉asuluma. 33 Ho꞉len nol amio꞉, kalu nolba꞉yo꞉ gio꞉ siwa꞉la dio꞉ge sa꞉laki dikidia꞉len. A꞉la꞉ta꞉ga꞉ ho꞉len nol amio꞉, gimo꞉lo꞉ dimido꞉ o꞉leaumbo꞉ nolbo꞉wo꞉lo꞉ dimiab amio꞉, gio꞉ ha꞉na꞉ga꞉ i o꞉lia꞉ dowaki, hida꞉yo꞉ a꞉no꞉ ua di. 34 Madi 5.11-12,6.20Kaluka꞉isale nolo꞉ dibolowa to꞉lolab amio꞉, giliyo꞉ i a꞉no꞉ nofolaki asufa꞉. A꞉la꞉ta꞉ga꞉ nolba꞉yo꞉ gio꞉ tagi alitaki, kelego꞉ gililo꞉ delen a꞉no꞉ iliyo꞉ madali diab amio꞉, gio꞉ sagalaki ka dima꞉ki ta꞉tale. Mo꞉wo꞉ kelego꞉ nafale gililo꞉ Hebene amilo꞉ da꞉lab a꞉ma꞉yo꞉ ililo꞉ diab a꞉no꞉ tinio꞉ ko꞉lo꞉, kelego꞉ gililo꞉ a꞉no꞉ mela꞉no꞉ mela꞉ib a꞉la꞉bo꞉ gio꞉ fanda asulaki, ka ta꞉fo꞉. 35 A꞉la꞉fo꞉ko꞉lo꞉ gio꞉ asulo꞉ a꞉la꞉yo꞉ mo꞉dowaki, gililo꞉ tili asulab a꞉no꞉ ta꞉ta꞉ga꞉yo꞉ ha꞉na꞉so꞉bo. A꞉la꞉dimidalikiyo꞉ Gode eyo꞉ gimo꞉lo꞉ wa꞉l dimia꞉no꞉wo꞉ alan ko꞉lo꞉ da꞉lab. 36 Gio꞉ tilida꞉daki, mada halale kagama. A꞉la꞉dimidalikiyo꞉, gio꞉ Godeya꞉lo꞉ asulab au kudu ha꞉na꞉la꞉ga꞉, elo꞉ dinali sio꞉ a꞉no꞉ hendele a꞉na dia꞉ib. 37 Hab 2.3-4Gode eyo꞉ ene bugo꞉ amio꞉ a꞉la꞉sa꞉sa꞉lo꞉,