95
Nodone Gesami Hea:su.
1 Misa! Nini da Hina Godema nodone sia:na:di.
Ninia da nini Gaga:su Gode Ema nodone gesami hea:la:di.
2 Ninia da Ea midadi misini, Ema nodone iasu ia:di,
amola hahawane nodone gesami hea:la:di.
3 Bai Hina Gode da Gadodafa
amola ‘gode’ huluane amo baligisa.
4 E da osobo bagade huluane amola osobo magufu gelabo gaga:i gududafa
amogainini heda:le, agolo gagai gadodafa amoga doaga:le,
amo huluane ouligisa.
5 E da hano wayabo Hi hahamoi amola soge Hi hahamoi
amo huluane ouligisa.
6 Misa! Ninia da Hina Gode nini hahamosu dunu,
Ema muguni fili guduli amola dialuma beguduli,
Ema nodone sia:ne gadola:di!
7 *Hibulu 3:7-11Hibulu 3:15; 4:7E da ninia Gode! Amola E da nini gilisi dialebe dunu amo noga:le ouligili,
ninima ninia hanai liligi amo iana.
8 †Gadili Asi 17:1-7; Idisu 20:2-13Wali, Ea sia:be amo nabima! Dilia aowalali da Meliba sogega amogai esala,
ilia da amo haga Masa hafoga:i sogega esalebe agoane
asigi dawa:su gawamaga:i, amo agoane mae hamoma.
9 Amogai ilia Na ilima hamobe ba:i.
Be amomane, ilia da Nama adoba:i.
10 Ode 40 agoane Na da amo dunu ilia hamobe amoga hihini ba:lusu.
Na da amane sia:i, “Ilia da Nama hagasa!
Ilia da Na hamoma:ne sia:be amo nabimu higasa.
11 ‡Idisu 14:20-23; Hibulu 4:3-5; Mousese ea Malasu 1:34-36; 12:9-10Na da ougiba:le, dafawane hamomusa: sia: amane ilegei,
“Dilia da soge Na diligili helefima:ne imunusa: ilegele sia:i,
amoga da hamedafa doaga:mu.”
*95:7: Hibulu 3:7-11Hibulu 3:15; 4:7
†95:8: Gadili Asi 17:1-7; Idisu 20:2-13
‡95:11: Idisu 14:20-23; Hibulu 4:3-5; Mousese ea Malasu 1:34-36; 12:9-10