12
A Kilakila na Hunu
Muri a kilakila vakaturutu i bele na hunu. A ngatavine i varaki na haro. A keva i tabuli polotano na vahana. I kubea a tama ni rata na hada i ravulu a polona i rua. * Mai 4:10I singou, i bolea a nimadihi, i haloho, a vuhuna i pahea a koma. * Dan 7:7Muri a kilakila tara i bele tabu na hunu. A masia a mata dagi i vururu! A mapana i polorua, a pelengana i ravulu. I kube na maka gina a tama hariki i polorua. * Dan 8:10A maka hada ni nagi na tabeke i tolu, lakea a kuna mata i kovo pasi a tabekena hada i taku, ri boru puru na malala. Ra mata iea, i tabuli na ngalana ngatavine, ra i pahea a koma. I davea a ngatavine ge poda, a vuhuna i ngaru ni kania a koma. * Sng 2:9; Ais 7:14; 66:7; Kap 19:15Muri a ngatavine i podea a koma bakovi, ra viri ge matakari a tanga lobo na malala. Ge matakari ria na naro hateka, i manga a viri i matakari e huriki na lebo ni rata na aen. A ngatavine i poda, pali e tuna ni kini paru na limana, ni bole sike na Vure, na gula hariki vona. Lakea a ngatavine i ha lakea na tabeke a Vure i kado puru pali vona, na tabeke i ngeki. I made vonga, ni gi matakari na parava ge 1,260.
E Satan Ni Voro Puru na Malala
* Iud 9Muri a vabinga dagi i bele na hunu. E Mikael turana e huriki a agelo vona ri vaubi turana Mata Dagi, e huriki a agelo vona. A mata dagi turana e huriki a agelo vona, ri koli, pali i uka ma ri gao, i uka ma ri mulangi, lakea ni tono tala ria na hunu. * Vuh 3:1,14; Luk 10:18; Kap 20:2Lakea a Mata Dagi ni voro puru. Ra mata hosi ni gale a hanitu, o e Satan. Ra viri i tami e huriki lobo na malala. Ni voro puru na malala turana e huriki a agelo vona.
10  * Jop 1:9-11; Sek 3:1Muri a longoa a lohona viri i gale dagi na hunu, i ta maea,
“Ngane a Vure i korimule hita pali. A nitora, a harikianga na Vure ne hita i bele pali.
A nitora na Kristo vona i bele pali,
a vuhuna ra viri i padi virihi bala e huriki e turane hita, ni voro puru pali.
Ra viri mona kuduvi i pesi na matana Vure, i padi virihi ria.
11 E huriki e turane hita ri mulangi vona pali
na darana Sipsip,
na ngava muholi ri vakalongo e huriki vona.
Ri mulangi a vuhuna i uka ma ri mangenge ni mate.
12  * Ais 44:23; 49:13I mavonga, mu vivi, mua e huriki mu made na hunu.
Pali mua e huriki mu made na malala, mu made na dari, bara mu bole a vuranga!
A hanitu i puru valai mai mua.
I madihi hateka a hatena,
a vuhuna i lohoka vona a parava vona i popote kunana i tabana.”
13 Na tahuna a Mata Dagi i matakilaka vona ni voro puru na malala, i vano, i valili vona a ngatavine, ra muga i podea a koma bakovi. 14  * Dan 7:25; 12:7Pali a ngatavine ni habi a karapana i rua, i manga a karapana loha dagi, ge bebe ha na Mata Dagi, ge lakea na tabeke i ngeki, na tabeke ni gi matakari ia vona na pida i tolu, a kalavana. 15 Lakea a mata i muta tala a naru, i tua lakea na ngatavine, ta ge vakapasiri ia vona. 16 Pali a malala i koria a ngatavine, i ngapanganga, i todoa a naru, ra i muta talea a mata. 17-18  * Kap 11:7Muri a mata, i madihi hateka a hatena vona a ngatavine, lakea i vano, i vaubi turana e huriki e tuna ranga, re huriki ri longo mai a vinara na Vure, ri luhoi tora a ngava muholi ne Isu. A mata i vano, i pesi na lavu na dari.

*12:2: Mai 4:10

*12:3: Dan 7:7

*12:4: Dan 8:10

*12:5: Sng 2:9; Ais 7:14; 66:7; Kap 19:15

*12:7: Iud 9

*12:9: Vuh 3:1,14; Luk 10:18; Kap 20:2

*12:10: Jop 1:9-11; Sek 3:1

*12:12: Ais 44:23; 49:13

*12:14: Dan 7:25; 12:7

*12:17-18: Kap 11:7