22
Abelaham Filisitani tanohina yai ya miya lofalofa, habahim, muli yai Yaubada, Abelaham ya lauꞌita.
Yaubada, Abelaham ya Lauꞌita
Aba Fatubu 22:1-19
Muli yai, habahim, Yaubada Abelaham ya lauꞌita. Ya libalau lebena, iyen
Abelaham!
 
Na Yaubada alinana Abelaham ya bui, iye,
Yau ite.
 
Habahim Yaubada iyebom,
Natu eseꞌesegam, Isako, wa fanuha wananahai, u foyahi, be u lau Moleya nuꞌuna. Ainiya natum u gabu golu, be ya famala em ainauya, tuꞌa hesa haba E libaen, ai hewana.
 
Bonbonna hola ma hwalahwalalana, Abelaham ya obiyo. Ena ainauya oyagina ya abi nonohai, be donki hewana yai ya au fapatudi. Tau paisowa luwaga yo Isako Abelaham ya foyahidi, sa lau, nuꞌuna somo Yaubada haꞌa ya faliba ana halulu. Lahai fafaihonana yai, Abelaham matana ya falaba hitiꞌi, mate nuꞌuna eda lofalofa yai, ya ita lawen.
Ena tau paisowa ya falibadi, iyen,
Maꞌemiu donki aiteꞌi au miyamiya, na maꞌegu gwama te, ꞌe lau au–, ꞌe lauꞌuꞌula, na ai muli haba ꞌe fuyoma lisimiu.
 
Abelaham ainauya oyagina ya abi, be Isako ya fabahei, na in nigo yo tauꞌala ya abidi, be sa lau luwaluwaga.
Isako ya libalau tamana lisina, iyen,
Tamagu?
 
Abelaham natuna alinana ya bui, iyen,
Natugu, somo?
 
Isako iyen,
Tauꞌala yo oyagi haꞌa ite, na ainauya sipi natuna, somo yai?
 
Abelaham alinana ya bui, iyen,
Natugu, Yaubada, ainauya sipi natuna haba ya nonohai, be te gabu golu.
 
Sa mahano lau Yaubada nuꞌuna ya libalibaen, Abelaham katakatan ya ginauli, na oyagi hewana yai ya toledi, habahim natuna ya auꞌaui, na ya faꞌeno oyagi hewadi yai. 10 Habahim nigo ya abi, na ya gegei, bena natuna ya gwali.
11 Na Yaubada ena anelu galewa yai ya yoga lidi lebena, iyen,
Abelaham! Abelaham!
 
Alinana Abelaham ya bui, iyen,
Yau ite.
 
12 Yaubada iyen,
Tabu nimam u faguli gwama ai hewana. Tabu somo hesa u ginauli ai lisina. Atabahim E sibai, mate Yaubada wa ꞌwasabuwen, paꞌana natum eseꞌesegana, hige u nuhafi.
 
13 Abelaham matana ya falaba hitiꞌi, na ya timuli, mate sipi tamoꞌana ya ita, donana ya fatalaꞌafi oyagi kiukiu lagana yai. Ya lau ya abi, na ya gabu golu, ena ainauya. Ya famala natuna falau damahina. 14 Abelaham nuꞌuna hesana ya tole: “Guyau ena felefele.” Aho te nuꞌuna hesana sa atahi “Guyau ena Felefele Oyana.”
15  Guyau ena anelu galewa yai ya liba fuyo, iyen,
16 Laulau te wa ginauli, be natu eseꞌesegam, hige u oihalaen.
 
Be Yaubada ya angwala, iyen,
17 Egu loholoho haba E felem, na am hiti mulita haba sa tadada doha kipwala galewa yai, yo doha gelegele gabogabo sadaina yai, na adi waiyunu edi duhu balabalamumu haba sa eli halahalaedi. 18 Laulauwewem ai debadi, tanoꞌubu mahudoꞌina haba egu loholoho E feledi, paꞌana egu liba wa awaꞌabiyen.
 
19 Habahim Abelaham yo Isako sa fuyo ena tau paisowa lebedi, be sa fuyo Belesiba. Amainiya, sa miya fiyo.
 
Salaiya ena boliman 127 na ya peꞌi. Abelaham halana ya tan in moho hige ena tanohi be haba ai lisina i boꞌusai. Yo fede tanohi begana ya une nuꞌu ni dodogadi lisidi yai amainiya lahuna ya boꞌusai.
Boliman faihona sa lau habahim natuna Isako, Halan waihinna hesana Lebeka ya fai. Waihinna tamana Nahola, Abelaham hidana. Fuyanna Isako ena boliman 40 Lebeka ya fai. Abelaham ena bolima 175 habahim ya peꞌi, be Isako yo Isamaiyeli sa boꞌusai tinadi fadidina yai.