84
A nianga tupas no tunotuno nong i kure ira ut na ninge: da ting ira mangana gita me Get ing da inge iakan ra ninge. Ira bulumur ta Korah diet ga pit iakan ra ninge na lotu.
1 Nng 43:3; 132:5Watong, Nong u Dadas Harsakit,
i maririsuan no num katon na kinkinis.
2 Iau manga masingan bia ni kis narako tano tamat na hala na lotu tano Watong.
Ma no nugu nilon bakut iau tataau uram hono lilona God.
3 Watong, Nong u Dadas Harsakit, nugu King ma nugu God,
no maankapa balik i te silihe auno tiga hala,
ma no saliuliu mah i te gil no posine
waing naga pabang kaia hutet tano num suuh na tun hartabar.
4 A haraidaan na kis ta diet ing diet la kiskis tano num hala.
Diet la pirpirlat hatikane ugu.
5 Nng 122:1; Jer 31:6A haraidaan na kis ta diet ing ira udiet dadas i hanuat meram ho ugu,
diet ing diet masmasingan wara hinahaan uram Saion.
6 Ing diet saakit tano mamasina salil Baka,
i kikios gi hanuat a katon ta ira mataan taah.
Ma ira luena bata na halabon ira pup na taah.
7 Ais 40:31; Lo 16:16Tano pakana bung diet hanahaan diet kap sigar dadas,
tuk bia tikatikai na harapuasa ra matmataan ta God aram Saion.
8 Watong, God Nong u Dadas Harsakit, taram no nugu sinasaring.
God ta Iakop, hadade iau.
9 Stt 15:1; 1Sml 16:6; Nng 2:2God, nu nes no king, no numehet bahbahit.
Nes kilam nong u ga gilamis leh ie, ma nu haidanei.
10 Nng 27:4Tiga bung narako tano num hala na lotu i manga bilai
ta ing tiga arip na bung bia ni kis ta tiga mes na subaan.
I manga bilai bia iau gor kobat tano hala na lotu tano nugu God
ta ing iau gor lon narako ta ira hala ta ira ut na sakena,
11 Ni 21:23kanong no Watong God i hoing no kasakes ma a bahbahit ie.
No Watong i la tartar ra harmarsai ma ra urur.
Taie ta bilai na linge bia no Watong pa na tar ta ira tunotuno ing diet la murmur ra takodasiana ngaas.
12 Watong, Nong u Dadas Harsakit,
a haraidaan na kis tano tunotuno nong i so no uno nurnur taam.