2
I̱ hamene mbaliniru-o ina Anduane Homogo Yasu Keriso dai bulenenagabi ibu heba hole mo ngoai holenenagabi i̱na tí heba bi lolene henge ngagoni. Md 24.31, 1 Te 4.13-17 Anduane Homogonaga Horo Mbira pongo bo winigo áyu íbu nga lalu larago hale howa tí abale mini burugu lowa mogo nalalimu. Mbiralime Ngode Datagaliwabehanda ani bulebira lalu mbiwia hayaguabi mbiralime ibunaga mana lawai halu howa ani laya lalu layaguabi maru tigua bebani gili bialu howa ani laya lalu layaguabi hale nahalimu. Md 24.4, Eb 5.6, 1 Yo 4.1 Ti marume uruni layadagua tara tara lalu tí mo hondo helo holemeni. Horo Mbira pongo bo winigo ogoni abale tagira naibulebira. Wali agalime Ngode Datagaliwabe handabe manga howa erembira mulebiragobi ibunaga mana lowini ngaru Mo Yo Handagane Mbirali ibu hapani holebiragobi ogonidagua ala tagira ibulebira. Mo Yo Handagane ogoni ibu mani heli dindi pelolene wulebira. Yo 17.12, 1 Ti 4.1, 1 Yo 2.18, 4.3, Mo 13.11-14 Ani ibalu wali agalinaga bi pupu wiagane bibahende ngarubi wali agalime dama tara taranagaore mitangi buwa mo tene hagane ngarubi Mo Yo Handagane ogonime uruni waitigi howa hengedape holebira. Ibuni uruni bibahende bolangua hai howa daligaore halu Ngode Datagaliwabenaga andahabi anda puwa, I̱ Ngode Datagaliwabe kogoni, lalu dagiani birulebira. Dan 7.25, 11.36, Ese 28.2, 1 Ko 8.5, Mo 13.6
I̱ tí heba harungi uruni bibahende bulebiragonaga langiai harugodago tí mitangi nabi dege kamibe. Ani kamiyagua mani tu wiragola Mo Yo Handagane Mbirali ha pani holebira. Áyu ogoningi ha pani nahelo ibunaga hariga hangai kago ogoni nde ogo aledalo tí manda biai kami. Bi mana lo ngaru Mo Yo Handaganeme áyu ohowa biabe bialu ka. Mbira bia pani holebira lenego nabilo hangai haga kago ibu haru poragola bia pani holebira. 1 Yo 2.18, 4.3 Bi mana lo ngaru Mo Yo Handagane Mbirali ogoni ha pani kagola Anduane Homogo Yasu ibalu ibunaga ne harigaha howa bu he̱ latagi haragome ogoni homelo bolebira. Ani bialu Anduane Homogo ibuniha wá taraore holene kagome ogoni bo wahai holebira. Yob 4.9, Ais 11.4, Dan 7.10, Hi 10.27, Mo 19.15 Bi mana lo ngaru Mo Yo Handagane Mbiralime dama Heyolabenaga hongo yalu ibuwa agalime nabiagane alebi nahendene alebi tara tara ke̱ halu bule ibulebira. Md 24.24, Yo 8.41, Eb 2.2, Mo 13.11-13, 18.23, 19.20 10 Ani bialu ibugua ko tara tara bibahende ngarume wali agali koha polebiraru mo hondo halu hariga koha pelolebira. Ti koha polebirago irane pele mulene yu helo tigua henene lolene ngagohondo turu howa gubalini nahaga kago yu tiga nabi ka. 2 Ko 2.15, 4.3
11 Ogoni birago hondowa Ngode Datagaliwabehanda tigua ke̱ holenenaga mana yu tiga bilo ko hangu bulene hongohe tiha howa biabe bilo ibilayagoni. Md 24.5, 24.11, Lm 1.24, 1 Ti 4.1, 2 Ti 4.4 12 Ani biragola wali agali henene lolene yu tiga nabi mana ko ngaru dege turu howa biaga karuni bibahende Ngode Datagaliwabehanda godi lalu pani mulebira. Lm 1.32
Ngode Datagaliwabehanda dabenego ogo
13 Hamene mbaliniru-o Anduane Homogohanda tí gubalini haga kagonaga iname horo bibahendengi Ngode Datagaliwabehondo ka̱i̱ loleneore nga. Ngode Datagaliwabe Dinini ibunaga hongome tí loma bia ho helolebi tígua henene lolene yu tiga bu halimulobi Ngode Datagaliwabehanda tí piganeore pele ngule dabo helene. Lg 1.75, Yo 15.16, Eb 1.4, 1 Te 4.7, 5.9, 2 Te 1.3 14 Ogoninaga iname Bi Mana Debene tíhondo lawai harimagoha howa Ngode Datagaliwabehanda tí olene. Ibugua Anduane Homogo Yasu Kerisonaga baya taraore holene tíbi yu halimulo ngule olene. 15 Anigo ina hamene mbaliniru-o mana henene ngaru iname tí heba harimangi howa lawai harimagobi beba mbirani bi gilibu ibilalu howa lawai harimagobi ogoni hongo howa yani halimu. 1 Ko 11.2, 16.13, Pb 4.1, 2 Te 3.6 16-17 Ina Aba Ngode Datagaliwabe ibugua ina gubalini halu biamogo bulene nawi howa biamogo bialu inahondo ela ho haabo holenebi mini dunu biaho holenebi ngiya. Ibubi inanaga Anduane Homogo Yasu Keriso ibunibi tígua bayale bulene ngaru biai halimulo bayale lolene ngago lai halimulobi libugua tínaga bu miniha elahe holeneme to̱lai howa tí mo hongo helo hamelo kama. 1 Ko 1.8, 1 Te 3.13, 1 Pi 5.10

2:1: Md 24.31, 1 Te 4.13-17

2:2: Md 24.4, Eb 5.6, 1 Yo 4.1

2:3: Yo 17.12, 1 Ti 4.1, 1 Yo 2.18, 4.3, Mo 13.11-14

2:4: Dan 7.25, 11.36, Ese 28.2, 1 Ko 8.5, Mo 13.6

2:7: 1 Yo 2.18, 4.3

2:8: Yob 4.9, Ais 11.4, Dan 7.10, Hi 10.27, Mo 19.15

2:9: Md 24.24, Yo 8.41, Eb 2.2, Mo 13.11-13, 18.23, 19.20

2:10: 2 Ko 2.15, 4.3

2:11: Md 24.5, 24.11, Lm 1.24, 1 Ti 4.1, 2 Ti 4.4

2:12: Lm 1.32

2:13: Lg 1.75, Yo 15.16, Eb 1.4, 1 Te 4.7, 5.9, 2 Te 1.3

2:15: 1 Ko 11.2, 16.13, Pb 4.1, 2 Te 3.6

2:16-17: 1 Ko 1.8, 1 Te 3.13, 1 Pi 5.10