93
Anduane Homogo ibu kini kagonigo ogo
Anduane Homogo ibu kini kagoni.
Ibunaga mini mo yaraga holenebi hongo gibihe holenebi karulowa kagoni.
Dindi timbuni o ngagoni ibunime wabu winiyadagua
ema bialu girigurabi mbira bule ndoore ngagoni.
Anduane Homogo-o bambaore mbirale bibahende nawiangi Iba 45.6, 90.2, Dug 5.19
í̠na handame ho haabo hene kegoni.
Í̠ ala henerunagabi áyu kamarunagabi
mani holebirarunagabi kini haluhe haabo kegoni.
 
Anduane Homogo-o iba solowararu uli unuraoreha berenerume
ai áyu bi timbuniore hongo howa tilitula lalu la ho nga.
Anduane Homogo í̠na mbirale bibahende dahuliya andagani ngagoni
í̠naga hongo gibihe kegome yani howa handayaho kegoni.
Iba solowara tilitula lalu kadu bararaga bialu karuni
hongo emene bamedago lowa í̠ hongo gibiorehe kegoni.
Iba solowara yaribu buyu ibalu iba angeni hongo howa haealo bade haga bialu karuni
emene bamedago lowa í̠ hongo gibiorehe kegoni.
 
Anduane Homogo í̠naga mana lo ngeruni bibahendeore wialu wiaabobore bulebira. Iba 19.7, 29.2, 96.9, 1 Ko 3.17
Í̠naga anda loma biniore kagoni ibu haho wiaaboore holebira.

93:2: Iba 45.6, 90.2, Dug 5.19

93:5: Iba 19.7, 29.2, 96.9, 1 Ko 3.17