26
Baga Man 26:5-11
Anututa iron pekpek täŋo man
Mosestä Isrel ämawebe ŋode yäwetkuk; Iron Yawe täŋo bukä dubiniken peŋkaŋ Yawe Anutujin iŋamiken ŋode yäŋahäneŋ; Nanin, Aram komeni kujat peŋpeŋ komeni komeni kuŋat täpätek täŋtäŋ kuŋatkä äboriye mäyap nämo ukät Isip komeken äpmoŋkuŋ. Äpmo ittäŋgän mäyap weŋ bäyaŋpäŋ äma äbot taŋi kehäromi nikek ude ahäŋpäŋ itkumäŋ. Iritna Isip ämatä waki täŋ nimiŋpäŋ komi epänken nipmaŋkuŋ. Ude täŋ nimiŋirä Yawe, naniye täŋo Anutu uken butewaki terak gera yäŋitna Yawe uwä nadäŋpäŋ komi butewaki ba komi epän terak itkumäŋo u nibäŋpäŋ nadäŋkuk. Nibäŋpäŋ nadäŋkaŋ keri kehäromitä Isip nanik nimagutta kudän kudupi mebäri mebäri pewän ahäwäpäŋ Isip komeken imaka umuri umuri täŋkuk. Nimagut yäpmäŋ äbä kome tägagämän, gakŋi gäripi nikekken ŋo nipmaŋkuk. 10  * Sam 22:27-29, 86:9, 95:6; Rom 12:1; 1Ko 10:31 Yawe, ude täŋkuno unita kome nimiŋkuno ŋoken ketem intäjukun ahäwani iŋamkaken yäpmäŋ äbätat ŋo yäŋ kaŋ iwerut.
Ude yäŋkaŋ eruk ketem ironta pewani u Yawe Anutujin iŋamiken peŋpäŋ gwäjiŋ äpmoŋ imut. 11  * Sam 63:5; 1Ti 6:17-18 Ude täŋpäŋ in ba Livaitä äbotken nanik ukät äma ban nanik inkät bok it täkaŋ, imaka tägatäga Yawe Anutujintä tamik täyak unita yäŋpäŋ oretoret täŋpäŋ itneŋ.

*26:10: Sam 22:27-29, 86:9, 95:6; Rom 12:1; 1Ko 10:31

*26:11: Sam 63:5; 1Ti 6:17-18