1 Niganana Bada Sela i sagu bi Eiblaḡam lisinemo bai i giugiuwapaena mainana i tubuḡa te gomana olotona i bewa. 2 Laḡan kauwa i tava, te Maimaituwa bai i giugiuwena i tubuḡa bi tana i bwaga bi i wai bewa te Eiblaḡam natuna olotona i tubuḡa, ena magula laḡannemo. 3 Sela i wai bewa bi mwanena gomana i wai isana Aisik. 4  ✡ Pak 17:12; Giu 7:8Aisik i tubuḡa laḡan wai 8-nemo tamana kwapibwali mataila i voiye natuna lisinemo, Maimaituwa i giugiuwena mainana. 5 Eiblaḡam ena kwalabu 100 bi niga kauwina i tubuḡa.

8 Kamaina bi gomana i didiga bi ena seda laḡannemo tamana Eiblaḡam soi dididiga i voiye. 9 Laḡan ḡemota Idip waivinina Eiga natuna Ismael, Aisik vaitena a wai beyakulu. Tedi a wai beyakulu laḡannemo Ismael tana Aisik i sulasula waineḡa. 10 Ḡome Sela mai i kitekitedi, tana Eiblaḡam i giuwena gado, “Niga taupaulana natuna vaitena kwa kwavidi sa nawa. Niga waivinina natuna mote ḡemoḡemotina te yaḡolo Aisik vaitena gagasim matabudi simai budeliyedi bi simai guyauyedi.”

11 Niga giuna Eiblaḡam i vaiye bi i wai nuwaboya banina tana natuna Ismael. 12 Bi Maimaituwa Eiblaḡam i giuwena gado, “Mote niga taupaulina ma natuna kumai nuwaboyedi. Bi Sela ba i giu kauwa banina Aisik lisinaḡa kaka yaḡolo em dam ya didiga. 13 Bi kota em taupaula Eiga natuna mainana yaḡolo dam ya kadidigi.”

14 Laḡan i sako olaolalemo Eiblaḡam kani bi gauba kwagina wanawanavuna Eiga i wai avali bi i giukamaḡe. Ḡome Eiga i gosedi bi kalakalalelemo i nawa yabayababa Biyasibamo.