26
Kamaina bi gomala ḡesau i tubuḡa maibena wala Eiblaḡam ena saugemo i tubutubuḡana. Taunana aubaina Aisik i nawa Gelamo Filitiya ḡalibonana Abimelek ena ani miyamo. Kamaina bi Maimaituwa Aisik lisinemo i laumaḡata bi i giuna gado, “Mote kuma nawa Idipmo bi niga dobuna e giugiuwena ḡome kwa miya. Pak 22:16-18Bi tagu ba tam vaitem, te yà kavisuvisum. Tagu niga dobuna isuna te isuna tam bi bilebilem vaitedi kaka yà vitemi. Tagu bai e giugiuwapana tamam Eiblaḡam lisinemo ba yaḡolo yà noḡonoḡoti. Tagu kaka em tubulelesa wapewapedi yà vitem maibena kipola galewemo. Bi niga dobuna isuna te isuna matabuna tedi yà vitedi. Bi tedi dabedimo kaka dobu matabudi yà kavisuvisudi. Tam yà kavisuvisum banina Eiblaḡam egu waiḡake bi egu giuvavasaḡa matabudi i voteyateyaedi.” Kamaina bi Aisik Gela dobunemo i miya.

26:3: Pak 22:16-18