4
A niaring ta ra marum upi ra maramaravut
Kai nina i lue ra kakailai; ta ra pagol; a kakailai kai David.
Kaugu takodo na God, una torom tagu ba iau kail u;
U tar valangalanga iau ba i ga tup iau;
Una mari iau, ma una valongore kaugu niaring.
 
Avat a tarai, aivia ra bung boko ava pukue kaugu minamar upi ra vavirvir?
Aivia ra bung ava mainge ra mangamangana vakuku ma ava anan upi ra vaongo? Sela.
Ma avat a nunure ba ra Luluai i tar tibe vaire pa ra dovot na tena lotu upi kana iat;
Ra Luluai na valongore ba iau ora.
 
Avat a variru, ma koko avat a varpiam;
Avat a nununuk ta ra bala i vavat iat ba ava vava, ma avat a ngo. Sela.
Avat a tul tar ra lavur takodo na tinabar,
Ma avat a nurnur tai ra Luluai.
 
Mangoro dia biti: To ia na ve tar ta bo na magit ta vevet?
Luluai, a talapar i ra matam na pupua taun avet.
U ga vagugu ra balagu,
Ma ra tinavua i kadia kon ma kadia vain pa i vagugu diat.
 
Ina va ma ina diop ma ra malmal,
Tago u kaka, Luluai, u vabakite bulu iau.