1 4:1 Rom 7:23Asa a kamna ning mulo harum pa mulo arlak artalai? I kamna ana numulo na laulau a nuknuk ning la harum ting na numulo a lalaun. 2 Mulo mang sur a ututnala, ika bel mulo tong akesi. Mulo umkol a tarai, pa mulo ram, ika bel mulo kibas asaning mulo mang suri. Mulo arlak pa mulo harum. Bel mulo kibas asaning mulo mang suri, anasa bel mulo nunung e God suri. 3 Ning mulo nunung, bel mulo kibas asaning mulo nunung suri, anasa a nuknukimulo bel i tostos. Mulo nunung ka sur a utna ning ir agasgas mulo ot.

4 4:4 Rom 8:7; 1 Jon 2:15Mulo ka han kusun e God, arlar ana hane ning i han kusun anuna barsan, pa i tol a toltol a pamuk. Ning mulo mang sur a toltol mite na rakrakan hanua, mulo na hirua ane God. I mangasa, bel mulo tasmani? Esining i aslang pas a rakrakan hanua sur dia halna, ir hanot a hirua ane God. 5 Mulo nuki mang a Buk Tabu i warwara oros ka? I atongi mang, “A Ingun ning e God i saran tari tandala, i mang sur dalar kes nahai e God.” 6 4:6 1 Pita 5:5Ika e God i saran tar a marmaris ning i itna kol tandala. I maining a Buk Tabu i atongi larne,

7 4:7 Epeses 6:12Mulor anatarna pas mulo, pa mulor mur e God. Mulor tur na harum rakrakai oe Satan, pa ir han kusun mulo. 8 4:8 Sekaraia 1:3; Malakai 3:7; Aisaia 1:16Mulor han milau e God, pa e God ir han milau mulo. Mulo na tena tol a toltol laulau, mulor gos na kumulo, pa mulo ning naur a nuknukimulo, mulor atotoh na balamulo. 9 Mulor balmaris, mulor domos, pa mulor tangis. Mulor lingir anumulo a langlagar sur a tinangis, pa mulor lingir anumulo a gasgas sur a balmaris. 10 4:10 Jop 5:11; 1 Pita 5:6Mulor anatarna pas mulo na matana Leklek, pa ir aleklek mulo.

11 Na tastasik, gong mulo atong saksakan artalai mulo. Esining i atong saksakan ta tasnalik, pa i warkurai i, i atong laulau a Warkuraila ane God pa i warkurai a Warkuraila ning. Pa ning u warkurai a Warkuraila, bel u muri, u nuki mang u itna tana. 12 4:12 Rom 2:1; 14:4E God ka saran tar a warkurai, pa i ka a Tena warkurai. I ka i warkurai a tarai sur a lalaun, o sur a hinirua. Ika u, esi na ngas a barsan sur warkurai a halim?

13 4:13 Luk 12:18-20Mulor longor, mulo ning mulo sira atongi mang, “Onone o latu, milar han uting na ta hanua, pa milar kes tingia takai a rau. Milar lololou pa milar sisiurai sur milar tol otnan al mani.” 14 4:14 Gutpela Sindaun 27:1; Buk Song 39:5, 11Ika bel mulo tasman asaning ir hanot latu. Anumulo na lalaun i arlar ana sa? Mulo arlar ka ana laukap, ning i hanot pas ka, pa i rorom ulak. 15 Ika, i wakak sur mulor atongi larne, “Ning a nuknuk a Leklek, milar laun pa milar toli larne o larning.” 16 Ika anone, mulo ka iaunan pas mulo pa mulo aitna pas mulo ana anumulo na warwara. A toltol larning i laulau. 17 4:17 Luk 12:47Esaning i tasman a wakakna sur ir toli, ika bel i toli, i tol a toltol laulau.