1 5:1 Jon 21:15-17; Aposel 20:28Onone ar warwara tetek mulo na ningnigo ana lotu, ning iau otleng a ningnigo arlar omulo. Ning e Karisito i kilang a kankan, ia ka oroi tari, pa lamur ning ir hanot, ar kimkibas ana nuna matatar.

2 Mulor tai alar a liur a sipsip ane God, ning di saran tari tetek mulo sur mulor tai alari. Gong mulo titol anasa a tarai ka la angongos tar mulo, mulor titol anasa mulo ot mulo mang sur mulor agasgas e God. Gong mulo titol ka sur a mani. Mulor titol ana tnan gasgas. 3 5:3 2 Korin 1:24; Pilipai 3:17; Taitus 2:7Gong mulo warkurai rakrakai la ning di ka saran tar la sur mulor tai alar la. Anumulo a lalaun ir arlar ana wakak a manar tetek a liur a sipsip. 4 Ning a Ningnigo na tena tai alar anuna sipsipla ir hanot, mulor kibas a kukuh na matatar ning a matatarna bel ir rarop.

5 5:5 Epeses 5:21; Jems 4:6Mang otleng larning, mulo na barman, mulor sira anatarna pas mulo tetek la ning la nigo tamulo. Mulo rop mulor anatarna pas mulo artalai, ine anumulo a wakak a mermer. Anasa a Buk Tabu i atongi mang,

6 5:6 Matiu 23:12; Luk 14:11; Jems 4:10I maining mulor anatarna pas mulo nahai a rakrakai a kuna e God, sur ning a taim ir sot arlar ana nuknukna, ir aleklek mulo. 7 5:7 Matiu 6:25-30Mulor saran rop tar anumulo na mamahat tetek e God, anasa i sira tai alar mulo.

8 5:8 1 Tesalonika 5:6Mulor tumarang pa mulor warkurai tostos anumulo a lalaun, anasa anumulo a hirua, e Satan, i han taltal arlar ana laion, ning i ngur, pa i tai sur al tarai sur ir ien la. 9 5:9 Epeses 6:11-13; Jems 4:7Mulor tur rakrakai ana tortorot pa mulor sairasi, anasa mulo tasmani mang na tastasimulo te na rakrakan hanua rop la kilang na kankan arlar omulo.

10 Ika e God i a God na marmaris, pa oe Karisito i kabah pas mulo sur mulor kes taum onoi ana nuna matatar ning bel ir rarop. A kankan ning mulo kilangi, bel ir bongnani, pa lamur i ot ir awakak ulak pas mulo, ir arakrakai mulo pa ir nangan mulo sur mulor tur rakrakai. 11 A rakrakaina ir kes tikin. Amen.

12 5:12 Aposel 15:22, 37-40; 12:2, 25; 13:13E Sailas i nangan iau ning a tumus a natar a pas ne tetek mulo. E Sailas a tasiklik ana tortorot, ning a tortorot kol onoi. Te na pas ne, a mang sur ar wunan mulo par atai talapor mulo ana marmaris momol ane God. Mulor tur rakrakai onoi.

13 5:13 2 Timoti 4:11A tarai a lotu ning la kes te e Babilon*5:13 E Babilon i tur aslang e Rom, pa i warwara larlar ana toltol mite na rakrakan hanua ning i bukus tumo e Rom. , la saran anunla na marmaris tetek mulo. La a tarai na aslang ane God taum omulo. E Mak, a natuklik ana tortorot, i otleng i saran anuna marmaris tetek mulo. 14 Ning mulo arpastek, mulor maris artalai mulo taum ana argoro na marmaris.

A balmolmol tetek mulo rop ning kaning mulo oe Karisito.