1 5:1 Matiu 5:48Mulor laun arlar ana lalaun ane God, anasa mulo na natnat e God, pa i maris kol mulo. 2 5:2 Hibru 10:10; Kisim Bek 29:18Mulor laun ana marmaris, arlar larning e Karisito i maris dala, pa i saran tar anuna lalaun sur dala, arlar ana artabar ning i toboh wakak tetek e God.

3 Gong ta pamuk a toltol i kes potor tamulo, gong ta dur a toltol, pa gong otleng mulo nuknuk sur a galis a gongon. Anasa na toltol ne bel i sot sur a totoh a tarai ane God lar toli. 4 Gong mulo atong ta laulau a warwara, o ta longlong a warwara, pa gong mulo morot ana laulau a morot. A warwarala ne bel i wakak sur mulor atongi, ika mulor atong wakak tetek e God. 5 5:5 1 Korin 6:9-10; Kolosi 3:5Mulor tasman a utna ne: La ning la tol a pamuk a toltol, o a dur a toltol, pa la ning la nuknuk sur a galis a gongon, bel lar kibas a matanitu ane Karisito pa e God. Anasa la ning la nuknuk sur a galis a gongon, la ning a tena lotu tetek a asasongo na godla. 6 5:6 Kolosi 2:4, 8; Rom 1:18Gong mulo noren tar tik sur ir asongo mulo anal warwara oros ka. Anasa a toltolla ning ir dat pas ka a balakut ane God tetek la ning bel la longor teteki. 7 Larning, gong mulo tur taum onla ana nunla na toltol laulaula.

8 5:8 Epeses 2:13; Kolosi 1:13; 1 Pita 2:9; Jon 12:36Nating mulo kes ana mormorom, ika ne a Leklek ka akes tar mulo ana talapor. Pa mulor laun arlar ana natnat a talapor. 9 Anasa a wana lalaun anun esining i kes ana talapor i manglarne: a wakak a toltolla, a tostos a toltolla, pa momolna. 10 Pa mulor tai sur a toltol ning a Leklek i gas onoi. 11 Gong mulo tol a toltolla ning a tarai a mormorom la sira toli ning bel ta wana. Ika mulor apuasa anunla toltolla. 12 Anasa a toltolla ning la sira tol kumnani, a utna na meme kol, pa dalar meme ning dalar warwara onoi. 13 5:13 Jon 3:20-21Ika a talapor i apuasa a toltolla rop sur ir hanot talapor. 14 5:14 Aisaia 26:19; Rom 13:11Anasa ning a talapor i atalapor a ututnala, dir oroi lalan la. I maining di atongi larne,

15 5:15 Kolosi 4:5Mulor tai alar wakak anumulo a ngas a lalaun, pa gong mulo arlar ana longlongla, mulor arlar ana tarai a tastasmai. 16 Ana pukakiarla rop, ning i langolango sur mulor apuasa anumulo a tortorot, mulor toli, anasa a pukakiarla ne, a laulau a pukakiarla. 17 I maining, gong mulo longlong, ika mulor tasman a nuknuk anuna Leklek.

18 5:18 Luk 21:34Gong mulo gang a wain pa mulo sipak onoi, anasa ir alaulau mulo. Ika, mulor bukus ana Talngan Tabu. 19 5:19 Kolosi 3:16Pa mulor awara artalai taum ana saksak miting na Saksakla ane Dewit, na saksak a lotu, pa saksakla ning a Talngan Tabu i tabar mulo onoi. Pa mulor saksak na rakan aleklek a Leklek ting na balamulo. 20 5:20 Kolosi 3:17Pa ana pukakiarla rop, mulor atong wakak ana ututnala rop tetek e God a Tamandala, ana risana e Iesu Karisito anundala a Leklek.

21 5:21 1 Pita 5:5Mulor anatarna pas mulo artalai, anasa mulo hanrawai e Karisito.

22 5:22 Kolosi 3:18; 1 Pita 3:1Mulo na tinaulai a gurara, i wakak ning mulor anatarna pas mulo tetek anumulo na tarai larotning mulo toli tetek a Leklek. 23 5:23 1 Korin 11:3; Epeses 1:22Anasa a barsan i a pukul a keskes a tinaulai, arlar oe Karisito i a pukul a tarai a lotu, pa la a palaona, pa i anunla a Tena Alaun. 24 A tinaulai a gurarala lar anatarna pas la tetek anunla na tarai ana ututnala rop, arlar ana tarai a lotu la anatarna pas la tetek e Karisito.

25 5:25 Kolosi 3:19; 1 Pita 3:7Mulo otleng, na tinaulai a tarai, mulor mang sur anumulo na gurarala, arlar larning e Karisito i maris a tarai a lotu, pa i saran tar anuna lalaun sur la, 26 5:26 Taitus 3:5sur la anuna tarai momol. Pa i gos totoh la ana malum pa anuna warwara. 27 5:27 2 Korin 11:2; Kolosi 1:22I toli larne sur ir ben pas anuna tarai teteki, arlar ana nuna wakak a hane ning bel ta dur onoi, pa bel i karkar a palaona, pa bel ta laulau a utna onoi. Ir totoh pa bel dir tiu sot pasi on ta rongo. 28 Mangotleng larning, na tarai lar mang kol sur anunla na gurara, larotning la mang sur a palaonla ot. Esining i mang sur anuna hane, i mang suri ot. 29 Bel tik i sira bilbilor a palaona ot. I tai alari, pa i tamtabari, arlar oe Karisito otleng i toli tetek anuna tarai a lotu. 30 Anasa dala na didiah palaona e Karisito. 31 5:31 Matiu 19:5A Buk Tabu i atongi larne, “Ine a kamna ning a barsan ir han kusun e tamana pa e tana, pa ir kes taum oe nuna hane, pa diar hanot takai ka ana palaondiau.” Stat 2:24