6
Mbulu ki mbesooŋo ŋonoono ki Krisi
Tana niam kembei amgabgaaba Anutu pa uraata kini. Mi amso ampombol yom ta kembei: Kere yom. Kokena kampeŋana ki Anutu ta kakam kek na iur ŋonoono piom som. 1Kor 3:9; 2Kor 1:24, 5:20; Ibr 12:15 Pa ni iso ta kembei:
Indeeŋe nol ta aŋso aŋkampe yom na, aŋleŋ yom.
Mi indeeŋe aigule ta aŋso aŋkamke yom na, aŋuulu yom. Yesa 49:8
Mi kere. Nol tabe Anutu ikampe iti mi ikamke iti, ina ta koozi! Lu 4:18+; Ibr 3:13
Niam leleyam be tomtom tiyyo kwon pa uraata tiam som. Tana motoyam iŋgalŋgal ituyam: Kokena amkam ŋoobo mbulu sa, to ampakaala zin tomtom pa Anutu, som amkam zin ma titop. Ro 14:13; 1Kor 8:13, 9:12, 10:32 Mbulu tiam ta boozomen iswe kembei niam mbesooŋo ki Anutu. Pa amendernder mbolŋana kat mi ambadbaada pataŋana matakiŋa. Amrre yoyouŋana pa uunu tau amtoto zaala ta Anutu iur piam na. Mazwaana pakan amre kembei leyam zaala sa som. 2Kor 4:9+ Mi tomtom tiballis yam, mi tizebzeebe yam lela ruumu sanaana, mi iwal biibi timaŋgaŋga piam. Mi ambelmbel uraata ma niyam isaana. Mi amkenne kat som, mi peteltel yam. Ŋgo 16:23; 2Kor 11:23+
Mi mbulu tiam na, iŋgeeze men. Mi amkamam kat ŋgar pa Anutu. Niam amkampewe zin tomtom. Mi sombe tikam ŋoobo yam, na amyaramraama ituyam ma keteyam malmal karau som. Niam amwwa raama Bubuŋana Potomŋana mburaana, mi amurur kat leleyam pizin tomtom. Ro 12:9; 2Kor 4:2; Ga 5:22; Kol 3:12; 1Tim 4:12 Mi amzzo katkat sua ŋonoono men. Mi Anutu mburaana ta ipombolmbol yam. Mi mburu malmal kana ta Anutu izarra piam na, ndeeŋeŋana men. Mburu tana iwe kembei ta izi mi siŋgiao be amporou pa. Ro 13:2; 1Kor 2:4; 2Kor 10:4; Ep 6:11+
Niam amkamam uraata ki Anutu na, tomtom pakan tipakur yam, mi pakan tire yam kembei wal sorokŋoyam. Tomtom pakan tiwit uruyam, mi pakan tiŋgal sua piam. Tomtom pakan tire yam kembei mbesooŋo ŋonoono ki Anutu, mi pakan tiso niam ampandelndel zin tomtom. Tomtom pakan tikilaala kat yam, mi pakan tikankaana piam. Mazwaana pakan amso ko ameete. Mi som. Ambotmbot men. Pataŋana pakan, Anutu ipazal yam pa. Mi ni ipun yam ma ametmeete som. Mbo 118:18; Ro 8:35+; 1Kor 4:9; 2Kor 4:9+ 10 Pataŋana ta ambadbaada i, ina ikam yam ma leleyam ipata. Tamen leleyam ambai kat pa mazwaana ta boozomen. Niam na, ambot ŋoobo. Tamen amkamam koroŋ ndabokŋana kat pizin wal boozomen ma tirao pa kat. Niam leyam koroŋ sa som. Tamen leyam koroŋ ta boozomen ma amrao pa. Mt 5:12; 2Kor 7:4; Pil 2:17, 4:4; Kol 1:24
Paulus iso pizin Korin be tiur lelen pini
11-12 O niom Korin, niam iŋgi amurur kat leleyam piom, tanata amkamam sua boozomen ti piom. Mi niom na, ku'urur kat leleyom piam som. 13 Tamen nio aŋre yom kembei lutuŋ bizin. Tana aŋso piom ta kembei: Kuur leleyom piam tomini, kembei ta niam amurur leleyam piom. 1Kor 4:14
Tombot molo pa koroŋ sananŋan ta boozomen
14 Kere yom! Niomŋan zin wal ta tiurla som na, kapargabgaaba yom pepe. Pa mbulu ndeeŋeŋana mi mbulu ki tomololo tutu ko tilup be parei? Mi mat ma zugut tirao timbot mbata be parei? Un 24:3; 1Kor 5:9+; Ep 5:7, 5:11; 1Yo 1:5+ 15 Mi Krisi mi Sadan * Paulus ibeede Belial. Belial na Sadan zaana toro. ko tiyok raraate be parei? Mi sokorei ta irao ilup tomtom ta iurla som na, mi tomtom urlaŋana? 1Kor 10:20+ 16 Mi ko merere pakaamŋan tirao be tigaaba Urum Merere be parei? Som. Mi urum ki Anutu mata yaryaaraŋana ta iti. Ina kembei ta Anutu iso:
Nio ko aŋbot la mazwan mi aŋwwa raama zin.
Mi nio ko aŋwe Anutu kizin, mi zin ko tiwe wal tio. Wkp 26:12; Ezek 37:27; Yo 14:23; 1Kor 3:16, 6:19; Tur 21:3 17 Uunu tina ta Merere iso ta kembei:
 
Kezem wal tana, mi kala kombot ndel.
Mi koroŋ ta so iŋgeeze som, na kakam pepe.
Naso nio aŋkam yom. Wkp 5:2; Yesa 52:11; 2Kor 7:1; Tur 18:4
18 Mi nio ko aŋwe tomoyom,
mi niom kewe lutuŋ bizin mi lutuŋ moori bizin.
Ina Merere mbura keskeezeŋana itunu iso ta kembei. Yesa 43:6; Ro 8:14; Tur 21:7

6:1: 1Kor 3:9; 2Kor 1:24, 5:20; Ibr 12:15

6:2: Yesa 49:8

6:2: Lu 4:18+; Ibr 3:13

6:3: Ro 14:13; 1Kor 8:13, 9:12, 10:32

6:4: 2Kor 4:9+

6:5: Ŋgo 16:23; 2Kor 11:23+

6:6: Ro 12:9; 2Kor 4:2; Ga 5:22; Kol 3:12; 1Tim 4:12

6:7: Ro 13:2; 1Kor 2:4; 2Kor 10:4; Ep 6:11+

6:9: Mbo 118:18; Ro 8:35+; 1Kor 4:9; 2Kor 4:9+

6:10: Mt 5:12; 2Kor 7:4; Pil 2:17, 4:4; Kol 1:24

6:13: 1Kor 4:14

6:14: Un 24:3; 1Kor 5:9+; Ep 5:7, 5:11; 1Yo 1:5+

*6:15: Paulus ibeede Belial. Belial na Sadan zaana toro.

6:15: 1Kor 10:20+

6:16: Wkp 26:12; Ezek 37:27; Yo 14:23; 1Kor 3:16, 6:19; Tur 21:3

6:17: Wkp 5:2; Yesa 52:11; 2Kor 7:1; Tur 18:4

6:18: Yesa 43:6; Ro 8:14; Tur 21:7