8
Krisi, ni imbotmbot saamba mi ikamam uraata kini su Anutu kereene uunu
Sua boozomen tau amzzo i, na ka uunu ta kembei: Koozi, iti lende patoronŋana ka tomtom biibi ŋonoono. Ni mbuleene su Anutu ta Biibi ŋonoono na namaana woono ta saamba a. Tana imbot kolouŋana pa Anutu muriini peeze kana kek. Mk 16:19; Ep 1:20; Ibr 1:3, 4:14 Mi ikamam uraata su ruumu leleene ta potomŋana ŋonoono kat ta imbot la beeze ŋonoono ki Anutu ta saamba a. Beeze tana, tomtom tipamender som. Anutu itunu ta ipamender. Ibr 9:11,24
Bibip ta boozomen kizin patoronŋana kan na, tomtom tiur zin be tikam patoronŋana pa sanaana mi patoronŋana pakan tomini. Mi patoronŋana ka tomtom biibi ŋonoono kiti ta kembena. Irao namaana men mi ila ki Anutu na som. Ila raama le patoronŋana tomini. Ep 5:2; Ibr 5:1, 9:12
Kozobe Yesu imbotmbot men su toono, so irao zaana sa pa uraata ta ki patoronŋana i som. Som kat. Pa ka tomtom bizin ta timbotmbot pataaŋa kek. Mi ina zin tau tikamam patoronŋana kembei ta tutu iso na. Tamen zin timbesmbeeze pa Anutu lela beeze toono kana men. Beeze tana, koroŋ ŋonoono som. Ina beeze ŋonoono ki Anutu ta imbotmbot saamba a kunuunu men. Uunu tiŋgi tabe indeeŋe tau Mose ipamender beeze ki Anutu na, Anutu iur sua pini ma isombe: “Beeze ka mos ta aŋso u pa sala abal na, kozo rre, mi to kat.” Kam 40:1+; Ŋgo 7:44; Kol 2:17; Ibr 10:1
Mi koozi, uraata ki patoronŋana ta Anutu iur Yesu pa ma ikamam i, ina ilip kat pa uraata ta zin patoronŋana kan tikamam su toono na. Mi zaala popoŋana ta koozi Anutu ziŋan zin tomtom tiparluplup zin pa i, ta kembena. Ilip kat pa zaala muŋguŋana. Mi ka sua mbukŋan ta ambaimbaiŋan ma ilip tomini. Zaala popoŋana tana ipet pa uraata ki Yesu. Pa ni ta imender piti mi Anutu, mi ilup ti ma tewe tamen. 2Kor 3:6+; Ibr 7:22
Kozobe zaala muŋguŋana ambai kat, so irao Anutu ipekel mini pa zaala popoŋana ti som. Ibr 7:11,18, 10:1 Tamen Anutu ire kembei gorgori tomtom titoto kat zaala muŋguŋana som, mi tikamam ŋoobo mbulu. Tanata Merere iso ta kembei:
Kere. Mazwaana sa kola imar.
Tona nio aŋur zaala popoŋana pizin Israel mi Yuda be niamŋan amparlup yam ma amwe tamen. Yer 31:31+
Zaala tana ko ipa ndel pa zaala muŋguŋana ta aŋur pa tumbun bizin na.
Indeeŋe tau aŋyaaru zin Israel ma tizem Aikuptu na, aŋso zin pa zaala muŋguŋana tana.
Tamen tito som, tana aŋpizil ndemeŋ pizin. Kam 19:5+, 20:1+
10 Zaala popoŋana tabe aŋur pizin Israel i, ko ta kembei:
Kaimer, nio ituŋ ko aŋkam tutu tio ma imbol la ŋgar kizin,
mi aŋbeede la lelen tomini.
Mi nio ko aŋwe Anutu kizin,
mi zin ko tiwe wal tio. Ezek 36:25+; 2Kor 3:3; Ibr 10:16
11 To tomtom sa ko le uraata be ipaute zin tomtom pa Merere mini som.
Mi tomtom sa ko iso pizin toŋmatiziŋ kini ma iso: ‘Aiss, niom sombe kuute Anutu, so ndabok!” na som.
Pa zin ta boozomen ko tiute yo lup.
Zin sorrokŋan, mi ila ila ma zin ta zan bibip i tomini. Yesa 54:13; Yo 6:45; 1Yo 2:27
12 Mi sanaana kizin na, nio ko aŋreege ma ila lene lup,
mi motoŋ la pa mini som.” Ro 11:27; Ibr 10:17
13 Kere. Sombe Anutu izzo pa zaala popoŋana, ina iswe kembei zaala mataana kana iwe muŋguŋana mi ikamam be imap. Mi koroŋ ta kembei, nako molo som to imap kat. Lu 16:16; Ro 10:4; Ga 3:24; Ibr 7:18, 9:10

8:1: Mk 16:19; Ep 1:20; Ibr 1:3, 4:14

8:2: Ibr 9:11,24

8:3: Ep 5:2; Ibr 5:1, 9:12

8:5: Kam 40:1+; Ŋgo 7:44; Kol 2:17; Ibr 10:1

8:6: 2Kor 3:6+; Ibr 7:22

8:7: Ibr 7:11,18, 10:1

8:8: Yer 31:31+

8:9: Kam 19:5+, 20:1+

8:10: Ezek 36:25+; 2Kor 3:3; Ibr 10:16

8:11: Yesa 54:13; Yo 6:45; 1Yo 2:27

8:12: Ro 11:27; Ibr 10:17

8:13: Lu 16:16; Ro 10:4; Ga 3:24; Ibr 7:18, 9:10