Habakuk God ko mɨgei
3
(Sapta 3)
Godɨn akam inigha izir gumazim, Israelian akurvaghasa Godɨn azangsɨsi
1 Kar Godɨn akam inigha izir gumazim Habakuk, God ko mɨgeir akaba, ezɨ da onger akar kamɨn mɨn zui. Gumazamiziba onger akar kabar amuva, me azir akamɨn arazimɨn gɨn mangɨ, ighiabar amu. Eghtɨ gumazir onger akabar faragha zuim gumazibav mɨkɨmtɨ, me gitabav mɨsogham.*Hibrun akam deragha vezɨn kamɨn mɨngarim abɨghizir puvatɨ.
2 Jop 42:5-6; Onger Akaba 44:1; 119:120; Jeremaia 10:7O Ikiavɨra Itir God,
nɨ uan gavgavimɨn amizir bizibar akaba,
kɨ da baraki.
O Ikiavɨra Itir God,
kɨ nɨn ingangaribar akaba baregha,
dɨgavir kuram gami.
Nɨ fomɨram amizir bizir bar ekiaba,
nɨ datɨrɨghɨn en dughiamɨn,
nɨ ua dar amuasa kɨ ifonge.
Eghtɨ datɨrɨghɨn itir dughiamɨn gumazamiziba,
uaghan nɨn arazibagh fogham.
Guizbangɨra, nɨn adarim en iti,
nɨ Godɨn apangkuvim.
Ezɨ kɨ nɨn azangsɨsi,
nɨ en apangkuvigh en akuragh.
3 God Idomɨn nguazim ategha uamategha izi.
Godɨn Bar Zuezim, a Paranɨn Mɨghsɨamɨn dɨkavigha izi.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
An gavgavim ko, ziar ekiam ko, an angazangarim otogha,
overiamɨn danganiba, bar da avara.
Ezɨ nguazir kamɨn itir gumazamiziba bar an angazangarir ekiamɨn garima,
arazir an ziam fem, bar me gizɨfa.
4 An gavgavir ekiamɨn angazangarim, danganiba bar dagh isira.
Egha angazangarir kam, an dafarimɨn ikegha onɨmarimɨn mɨn taghtagha tintinibar zui.
An dafarimra, an gavgavim moga itir danganim.
5 An arɨmariar igharagha garir avɨriba amadazɨ,
da an faragha ghue.
Eghtɨ arɨmariar bar ekiar gumazamizibar amutɨ me arɨmɨghiramiba,
da an gɨn izam.
6 A ghua tuzɨ dughiamɨn, nguazim bar moghɨra ivazvasi.
Egha a ghua kantribar gumazamizibar garir dughiamɨn,
me atiatiava agoa puvɨra nɨsi.
Egha a fomɨra itir mɨghsɨar ekiar bar gavgavibagh amizɨ, da pura dɨpɨra uaghiri.
Egha a mɨghsɨar muziarir a fomɨra isɨn aruizibagh amizɨ,
da isɨvagha uaghiri.†Hibrun akam deragha vezɨn kamɨn mɨngarim abɨghizir puvatɨ.
7 Kɨ Kusanɨn kantrin gumazamizibar garima, men averpeniba bar moghɨra ikuvizɨ
me bar atiatingi.
Ezɨ Midianian purirpeniba, pura tintinibar irezɨ
me puvɨra atiatia nɨsi.
8 O Ikiavɨra Itir God, nɨ amɨnir ekiam amadazɨma,
a iza faneba ko, ongarim gamizɨma,
da dɨkavigha puvɨra ingari.
Nɨ ti men atara kamaghɨn ami, o?
Nɨ dɨkavigh izɨ uan gumazamizibar akuragh
men apaniba abɨnamin dughiar kamɨn,
amozimɨn ghuariar ekiaba mati, nɨn mɨdorozir hoziaba ko karisba.
9-10 Nɨ uan pim asigha a dafagha, anekɨrigha gɨfa.
Nɨ barir avɨriba isa bariba azuir mɨtarir mɨsevim gaghui.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
Egha mɨghsɨaba nɨn garir dughiabar, me nɨsi.
Nɨ amozir ekiaba akuri da nguazim gɨra anebɨsi,
ezɨ faner ekiabar dɨpaba emɨra izi.
Ezɨ aperiar ekiaba dar otiva izaghiri.
Ezɨ dɨpar nguazimɨn aven itiba uaghan tɨngagha,
buav anaga overiamɨn suisi.
11 Nɨn bariba akɨzɨrɨgha zuir dughiamɨn,
dar angazangarim bar ekefe.
Nɨn afuzim akɨgha zuir dughiamɨn,
an onɨmarimɨn mɨn taghtasi.
Ezɨ aruem ko, iakɨnim dar gara,
voroghɨra mɨtɨghav iti.
12 Nɨ adarir ekiam kantriba bar dar ikia,
egha nɨ nguazim gisɨn arua,
nguibaba bar da dɨkabɨni.
13 Nɨ tizim bagha arazir kabagh ami?
Guizbangɨra, nɨ uan gumazamiziba ko, atrivir nɨ mɨsevezimɨn akurvaghasa ifonge,
egha nɨ arazir kabagh ami.
Egha nɨ gumazir kurabar gumazir dapanim mɨsuegha, bar an adarazi gasɨghasɨki,
mati gumazim dɨpenir siriamɨn ikegha anekaragharigha, bar izaghira an dɨpenir akɨnibar tu.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
14 Apaniba en agɨraghtɨ e pura tintinibar arɨ mangasa,
me amɨnir bar dafamɨn mɨn izi.
Apaniba e dɨkabɨnasa bar akuegha,
mati gumaziba pazɨ gumazir biziba puvatɨzibar amuasa izima,
gumazir biziba puvatɨziba mongegha iti.
Ezɨ puvatɨ, nɨ apanibar mɨdorozir gumazibar dapanimɨn barir afuziba inigha
dar anarɨram ase.
15 Nɨ uan hoziabagh aperazɨ,
da ongarim dɨka anebɨgha zui.
Ezɨ bizir kam ongarim gamima
a dɨkava nɨgarpɨri.
16 Kɨ bizir kaba bar da baregha agoi.
Kɨ atiatia agoima, nan akam uaghan nɨsi.
Nan agharapaniba amɨraghamɨregha berir amɨrazimɨn mɨn oto.
Ezɨ nan suemning nan amɨrazɨ, kɨ ua gavgaviba puvatɨ.
Kɨ fo, God izɨ apanir e gasɨghasɨghizir kaba puv me damigham.
Ezɨ kɨ dughiar kam mɨzua iti.
Kamaghɨn amizɨ, kɨ pura uabɨn asugha nɨmɨra iti.‡Hibrun akam deragha vezɨn kamɨn mɨngarim abɨghizir puvatɨ.
17-18 Jop 13:15; Aisaia 41:16Eghtɨ fighɨn temeba ban koghtɨ,
wainɨn ikarɨziba, wainɨn ovɨziba dar ituan koghtɨ,
olivɨn temeba, ovɨziba dar ituan koghtɨ,
azenimɨn dagheba puvatɨghtɨ,
sipsipba bar arɨmɨghireghtɨ,
bulmakaubar dɨpenim pura ikɨtɨ,
eghtɨ kɨrara Ikiavɨra Itir God bagh bar akongegham.
Kɨ fo, God, a uamategh na iniam.
Kamaghɨn amizɨ, osɨmtɨzir kaba otivamin dughiamɨn,
kɨ bar akuegh navir amɨrizimɨn ikiam.
19 2 Samuel 22:34; Onger Akaba 18:33Ikiavɨra Itir God, a nan Ekiam, a gavgavim na ganɨdi.
A nan suemning gamizɨ, aning gavgavigha, mati asɨzir dian sueba,
Egha a na gamima, kɨ deravɨra mɨghsɨabagh isɨn arui.
(Gumazir onger akar kabar faragha zuim,
gumazibav geima,
me gitabav sosi.)
gumazibav geima,
me gitabav sosi.)
*3:1: Hibrun akam deragha vezɨn kamɨn mɨngarim abɨghizir puvatɨ.
3:2: Jop 42:5-6; Onger Akaba 44:1; 119:120; Jeremaia 10:7
†3:6: Hibrun akam deragha vezɨn kamɨn mɨngarim abɨghizir puvatɨ.
‡3:16: Hibrun akam deragha vezɨn kamɨn mɨngarim abɨghizir puvatɨ.
3:17-18: Jop 13:15; Aisaia 41:16
3:19: 2 Samuel 22:34; Onger Akaba 18:33