78
Gumazamiziba God gamizɨ a bar me baseme
Asap nɨghnɨzir aghuim isɨ gumazamizibar anɨngasa onger akar kam osiri.
Me onger akar kam kamagh a dɨbori, Maskil.
1 Nan gumazamiziba, kɨ ian sure damuamin mɨgɨrɨgɨaba ia deragh da baragh.
Nan akamɨn otivir mɨgɨrɨgɨaba, ia deragh kuariba arigh da baragh.
2 Matyu 13:35Kɨ akar isɨn zuibar bizir mogomemɨn itibav kɨmam.
Eghaghanir kaba fomɨra ikegha iza datɨrɨghɨn otifi.
3 Akar kaba en inazir afeziaba fomɨra dav mɨkemegha gɨfa.
Ezɨ e bizir kaba baregha dagh fo.
4 E akar kaba uan boribar ghuangsɨghan kogham.
Borir igiar datɨrɨghɨn otivamiba, e kamagh me geghanam,
Ikiavɨra Itir God, a gavgavir ekiam iti.
A ingangarir ekiabagh amua, mirakelɨn arazarazir avɨribagh ami.
5 God Akar Gavgaviba isa Israelian gumazamizibagh anɨngi.
Jekopɨn ovavir boriba akar kabar gɨn mangasa, a da isa me ganɨngi.
A fomɨra en inazir afeziaba kamaghɨn me mɨkeme,
“Ia bar deraghvɨra nan Akar Gavgavibar uan boribar sure damu.”
6 Eghtɨ men borir gɨn otivamiba uaghan dagh fogh,
egh me uaghan uan boribagh eghanam.
7 Me kamaghɨn damuva, nɨghnɨzir gavgavim Godɨn ikɨ,
egh bizir an amiziba gɨn amangan kogham.
Me bar an Akar Gavgavibar gɨn mangam.
8 Me uan inazir afeziabar arazibar gɨn mangan markɨ.
Men inazir afeziaba orazir puvatɨgha Godɨn akam batoke.
Egha nɨghnɨzir gavgavim an itir puvatɨgha,
an akaba zurara dar gɨn zuir puvatɨ.
9 Fomɨra Efraimɨn adarazi piba ko bariba inigha mɨsoghasa zuima,
mɨdorozim otozɨ me are.
10 Me Godɨn Akar Dɨkɨrɨzir Gavgavim batuegha, an akamɨn gɨn zuir puvatɨ.
God men apangkuvighavɨra iti.
11 A men damazibar amizir mirakelba ko,
bizir an amiziba, me da gɨn amada.
12 Ua Me Ini 7:8--12:32God en inazir afeziabar damazibar Isipɨn kantrin aven,
a Soanɨn nguibamɨn mirakelbagh ami.
13 Ua Me Ini 14:21-22God ongarim abɨghizɨ ongarim vong ko vongɨn tughav itima,
a Israelian akua an torimra ghua vongɨn oto.
14 Ua Me Ini 13:21-22An aruebar ghuariamɨn tongɨn ikia men faragha zui.
Egha dɨmagaribar avimɨn angazangarimɨn aven ikia men faragha zui.
15 Ua Me Ini 17:1-7; Dɨboboniba 20:2-13A gumazamiziba puvatɨzir danganimɨn dagɨaba abɨzi, dɨpar nguazimɨn aven mar itiba otifi.
Egha dɨpam uan gumazamizibagh anɨdima me da api.
16 A dɨpabagh amizɨ, da dagɨamɨn azenan otiva,
fanemɨn mɨn ivemara ghuaghiri.
17 A kamaghɨn amima, me gumazamiziba puvatɨzir danganimɨn ikia,
akaba batoghavɨra ikia, Godɨn Bar Pɨn Itimɨn damazimɨn arazir kurabagh amuavɨra iti.
18 Ua Me Ini 16:2-15; Dɨboboniba 11:4-23; 11:31-35Me God isɨ ingangarim datɨgh an gan foghasa,
egha dagher me bar ifongezir kam bagha bar puvɨra an diava arai.
19 Me God dɨpova ghaze,
“Gumazamiziba puvatɨzir danganir kam, God ti dagher avɨriba e danɨngam, o?
20 A guizbangɨra faragha dagɨam mɨsoghezɨ dɨpam azenan otogha afora uaghiri.
Ezɨ a datɨrɨghɨn bret ko asɨzim e danɨngam, o?”
21 Ikiavɨra Itir God kamaghɨn me baregha an adarim bar ekevezɨ,
an avim Jekopɨn adarazi bagha anemadazɨ a izaghiri.
22 Me kamaghɨn nɨghnɨzi puvatɨ:
A uan gavgavimɨn men akuraghtɨ me deragh ikiam.
Egha me nɨghnɨzir gavgavim an itir puvatɨ.
23 An nɨghnɨzim men ikiavɨra itima,
a pɨn overiam mɨkemezɨ a kuiaghirɨ.
24 Jon 6:31Egha a uan Nguibamɨn manan daghem isa gumazamizibagh anɨdi.
Gumazamiziba damasa, a me bagh manan daghem*Mana, a dagher manmagh garim. Nɨ foghsɨ, Ua Me Ini 16:31ɨn an gan. anemadazɨ a iri.
25 Enselba apir dagheba, God dar avɨriba isa me ganɨngizɨ,
me da amegha bar izefe.
26 God uan gavgavimɨn, aruem anadi naghɨn ko sautɨn amadaghan izir amɨnim amadazɨ
a ivai.
27 A nguazir mɨnemniaba ko, ongarir gigimɨn mɨn,
kuarazir avɨriba amangizɨ da izaghiri.
28 God kuarazir kaba amangizɨ da danganir me itimɨn,
bar men purirpenibar mɨriabara iri.
29 Dagher gumazamizir kaba iniasa ifongeziba, God da me ganɨngi.
Ezɨ me da apa ghua bar izefe.
30-31 Me apima dagheba men akatoribar ikiavɨra itima,
God men atara
Israelian gumazir igiar gavgavibav soghezɨ me ariaghire.
32 God bizir kabagh ami, ezɨ me arazir kurabagh amua ghuavɨra iti.
A mirakelbagh ami, ezɨ me nɨghnɨzir gavgavim an itir puvatɨ.
33 A mati gumazim uan akamɨn amɨnim giverazɨ an otogha ghua pura gɨvazɨ moghɨn,
A bar zuamɨra me gasɨghasɨghizɨ me ariaghire.
34 God men maraziv soghezɨ me ariaghirezɨ,
men marazi guizbangɨra navibagh iragha ua God bagha ize.
35 Ua Me Ini 15:13; Godɨn Araziba 7:8; Aisaia 41:14; 63:9Me ua nɨrɨgha ghaze,
e Godɨn Bar Pɨn Itimɨn aven moga egha deragha iti.
Ezɨ a en akuragha uam e ini.
36 Mɨgɨrɨgɨar me amir kaba, da bar guizbangɨra puvatɨ,
me a gifarava a mɨgei.
37 Aposel 8:21Me an akabar gɨn zuir puvatɨ,
egha a me ko Dɨkɨrɨzir Akar Gavgavim abɨki.
38 Ezɨ a men apangkuvighavɨra ikia,
men arazir kuraba gɨn amadagha,
me gasɨghasɨzir puvatɨ.
A dughiar avɨribar uan adarim amɨnivagha
men akazir puvatɨ.
39 Onger Akaba 103:14-16; Jon 3:6-8; Jems 4:14An nɨghnɨzim, me gumazibara,
men ikɨrɨmɨrim dughiar ruarimɨn itir puvatɨ.
Men ikɨrɨmɨrim mati,
amɨnim dughiar bar otevimra varagha ghugha gɨfa.
40 Me gumazamiziba puvatɨzir danganimɨn,
dughiar avɨribar an akam batosi.
Me dughiar avɨribar a gami an navim oseme.
41 Me zurara Godɨn gavgavim gɨfofoghasa, a gavgavis ti o puvatɨ?
Egha arazir kabagh amua,
Israelian Godɨn Bar Zuezim gamizɨ,
an navim bar osemegha men atari.
42 God men akuragha men apanibar dafariba da ua me inizir gavgavir kam,
me a gɨnɨghnɨzir puvatɨ.
43 A mirakelɨn arazir kaba,
Isipɨn kantrin aven, Soanɨn nguibamɨn dagh ami da otifi.
44 Ua Me Ini 7:17-21A Isipian fanebagh amizɨ ghuzim dar otozɨ,
gumazamiziba damamin dɨpaba puvatɨ.
45 Ua Me Ini 8:1-6; 8:20-24A berezir avɨriba ko, mɨtivir avɨriba me bagha da amangizɨ,
bereziba me givima, mɨtiviba men azenibagh asɨghasɨki.
46 Ua Me Ini 10:12-15An apiziba ko, odeziba amangizɨ,
da iza men azenibar aghuir dagheba ko zuravariba bar ada ame.
47 Ua Me Ini 9:22-25An amozir ofɨzir dagɨabar mɨn gariba amangizɨ,
da men wainɨn ikarɨzibagh ira bar dagh asɨghasɨki.
An ais gamizɨ
a men fighɨn temebagh ira bar dagh asɨghasɨki.
48 An aisɨn amozir ofɨzir ekiaba amangizɨ da iza,
men bulmakaubagh asɨghasɨki.
An onɨmaribagh amizɨ,
da asɨzir igharazibagh asɨghasɨki.
49 An adarir bar ekiam men ikia men anɨngaghegha,
bar moghɨra me gasɨghasɨghasa enselɨn avɨriba amangi.
Ezɨ me iza me gasɨghasɨgha
osɨmtɨzir bar ekiam me ganɨngi.
50 A men atara me ataghizɨ me itir puvatɨ.
An arɨmariar ekiam me ganɨngizɨ me arɨa bar ariaghire.
51 Ua Me Ini 12:29Isipian adarazir otarir ivariaba, a vaghvagha bar me mɨsoghezɨ me ariaghire.
52 Ua Me Ini 13:17-22A sipsipbagh eghuvir gumazimɨn mɨn,
uan gumazamizibar faragha ghua, men akua gumazamiziba puvatɨzir danganimɨn ghu.
53 Ua Me Ini 14:26-28A me ko zuima me atiatir puvatɨgha deraghavɨra ghuava otifi.
Ezɨ men apaniba, ongarim bar moghɨra me avara.
54 Ua Me Ini 15:17; Josua 3:14-17A me inigha ghua uan nguazir a ua bagha inabazimra me atɨ.
Nguazir mɨghsɨar kam, a uan gavgavimɨn a ini.
55 Josua 11:16-23Israelia izezɨ, a ikɨzir igharazibar gumazamiziba batuegha, nguazir kaba abɨgha
da isa Israelian anababagh anɨngi.
Ezɨ me pura, men dɨpeniba inigha deragha dagh apiaghav iti.
56 Gumazir Dapaniba 2:11-15Me Godɨn gavgavim gɨfofoghasa, a gavgavis, ti puvatɨ?
Egha me Godɨn Bar Pɨn Itimɨn akaba batogha ghaze, a gavgaviba puvatɨ.
Egha an Akar Gavgavibar gɨn zuir puvatɨ.
57 Men inazir afeziaba faragha amizɨ moghɨn, me an akaba batogha nɨghnɨzir gavgavim dar itir puvatɨ.
Me mati barir pim ikɨrazɨ, gumazim asi bariba ikɨzɨrɨgha zui.
58 Me mɨghsɨabar ghua asebar ofa gamir dakozibar ingarizɨ, God puvɨra men atari.
Me marvir guabar ingarizɨ, Godɨn navim me bagha bar ikufi.
59 God bizir kabar gara adarir ekiam ikia,
egha bar Israelian aghua.
60 Josua 18:1; Jeremaia 7:12-14; 26:6A Dɨpenir Silon nguibamɨn itimɨn ikia, e ko iti.
A datɨrɨghɨn Purirpenir kam ataki.
61 1 Samuel 4:4-22An apanibar amamangatɨzɨ me an Akar Dɨkɨrɨzir Gavgavim itir Boksiam inigha ghu.
Boksiar kamɨn me an gavgavir ekiam ko, an guamɨn angazangarir ekiamɨn gari.
62 A uan gumazamizibar atara,
me ataghizɨ men apaniba me mɨsoghezɨ me ariaghire.
63 Men otarir igiaba mɨdorozimɨn aven bar ariaghirezɨma,
men amizir igiaba ikiamin gumaziba puvatɨ.
64 Apaniba men ofa gamir gumazibav sozi me ariaghɨrima,
men amuiba men apangkuva men azian iburaghburaki.
65 Ekiam akuavia osegha,
mati gumazir igiam wainɨn dɨpam amegha gavgavigha tintinibar dia mɨgei.
66 A uan apanibav sogha me abɨnigha men agɨntɨghizɨ me ghuegha,
aghumsɨzir dafam isa kamaghɨra iti.
67 A Josepɨn adarazir ovavir boribar aghua.
A Efraimɨn anabamɨn adarazi amɨsevezir puvatɨ.
68 A Saionɨn Mɨghsɨar a ifongegha uabɨ itim ko Judan anabam,
a ua bagha a ginaba.
69 A Saionɨn Mɨghsɨar kamɨn uan Dɨpenimɨn ingarizɨ,
a gavgavigha overiamɨn mɨn pɨn iti.
A mati nguazir a ingarizir kamɨn mɨn anetɨzɨ,
a gavgavigha ikia mamaghɨra iti.
70 1 Samuel 16:11-12; 2 Samuel 7:8; 1 Eghaghaniba 17:7Godɨn ingangarir gumazim Devit, uan sipsipbar gara itima,
God a inigha uan gumazamizibar ganasa anemɨsefe.
71 A sipsipbar garir ingangarim an anogoregha,
Israelian atrivimɨn ikiasa anemɨsefe.
A Godɨn gumazamiziba me geghuv deragh men ganam.
72 1 Atriviba 9:4Devit uan navir aghuimɨn gɨn ghua deragha men gari.
Egha uan fofozir aghuimɨn men faragha ghua bizibagh ami.
78:2: Matyu 13:35
78:12: Ua Me Ini 7:8--12:32
78:13: Ua Me Ini 14:21-22
78:14: Ua Me Ini 13:21-22
78:15: Ua Me Ini 17:1-7; Dɨboboniba 20:2-13
78:18: Ua Me Ini 16:2-15; Dɨboboniba 11:4-23; 11:31-35
78:24: Jon 6:31
*78:24: Mana, a dagher manmagh garim. Nɨ foghsɨ, Ua Me Ini 16:31ɨn an gan.
78:35: Ua Me Ini 15:13; Godɨn Araziba 7:8; Aisaia 41:14; 63:9
78:37: Aposel 8:21
78:39: Onger Akaba 103:14-16; Jon 3:6-8; Jems 4:14
78:44: Ua Me Ini 7:17-21
78:45: Ua Me Ini 8:1-6; 8:20-24
78:46: Ua Me Ini 10:12-15
78:47: Ua Me Ini 9:22-25
78:51: Ua Me Ini 12:29
78:52: Ua Me Ini 13:17-22
78:53: Ua Me Ini 14:26-28
78:54: Ua Me Ini 15:17; Josua 3:14-17
78:55: Josua 11:16-23
78:56: Gumazir Dapaniba 2:11-15
78:60: Josua 18:1; Jeremaia 7:12-14; 26:6
78:61: 1 Samuel 4:4-22
78:70: 1 Samuel 16:11-12; 2 Samuel 7:8; 1 Eghaghaniba 17:7
78:72: 1 Atriviba 9:4