8
1-2 Sol ubi bainürr i Stibenón emkólóp.
Yesun Amkoman Angun Pamkolpam Wirri Müp Nókyenóp
Ngibürr Godón gida mamoan pam kari gyaur koke kwarilürr Stibenka. I oya büb muru ingrinóp gapókdó, akó wirribóka yón amto kwarilürr oya. Stibenón ne ngürr emkólóp, sos pamkolpam wirri müp alión we bókyenóp Zerrusalem wirri basirrdü. Da i blamana ugón barselórr Zudia akó ⌊Samarria⌋ prrobins kugupidü, a wata Zerrusalemóm Yesun 12 ⌊apostol⌋ kwarilürr.
A Sol ama sos pamkolpam kolae bain ugón bókyanórr. Wa müót-müót wamlórr, Yesun amkoman angun pam akó kol ogyarr-ogyarr amarru yarilürr, ama tümün müótüdü arrbünüm. Apostolab Tórrmen 22:4-5; 26:9-11
Pilip Samarriam Yarilürr
Yesun ne barngerrón amkoman angun pamkolpam kwarilürr, dakla Godón bóktan büdrrat koralórr, i ne basirr bórrgrratkü ogoblórr. Pilip wa darrü wirri basirrdü abzilürr Samarria prrobinsdü, da Yesunkwata bóktan ola amgol yarilürr wagó, wa ene ⌊Kerriso-e⌋. Abün pamkolpama Pilipün bóktan arrkrruóp, akó esenóp wa ne ⌊wirri tulmil⌋ okaka izazilürr tóba bóktan arüng akyanóm, da i blamana darrpan gyagüpitótóke morroal arrkrru kwarilürr wa ne poko bóktan yarilürr. Kolae samupükü ne abün pamkolpam kwarilürr, ene kolae samua taegwarrpükü baus kwarilürr ibükagab. Abün büb bidal akó kolae wapór pamkolpama dólóng bainónóp.
Da ene wirri basirrdü kari bagürwóm koke yarilürr.
Pilip, Pamkolpam akó Saemon, Ibü ⌊Baptaes Ninóp⌋
Ene wirri basirrdü, darrü wapi pam asi yarilürr, ngi Saemon. Wa errkya koke bókyanórr wapi elklaza tómbapón. Wa gübarirr aengan ngintinóp blaman Samarria pamkolpam. Wa igó ikub bagür yarilürr wagó, wa wirri pama, 10 da blaman pamkolpama oya amkoman yangunóp, wirri ngi pam akó kari ngi pam. I bóktan kwarilürr wagó, “Oyaka go Godón arüng asine.” Da i oya igósidi “Wirri Arüng Pam”bóka ngilianónóp. 11 Da i tibiób güblang akó ilküp oyaka irrbünóp, oya bóktan arrkrrum akó tórrmen asenóm, zitülkus wa ibü gübarirr aengan ngibtan errkya koke bókyanórr tóbanóm wapi tulmili. 12 A Pilipün amkoman nóma yangunóp, Morroal Bóktan amgolde Godón Kingzan Balngomólankwata akó Yesun ngiankwata, wa ibü baptaes nyónónóp, pam akó kol. 13 Saemon tüób ta inzan Pilipün bóktan amkoman yangunürr, da oya baptaes yónürr. Ene solkwat, Pilip enezan wamlórr, wa ta inzan akyalórr, akó wa gübarirr aeng yarilürr Pilip ne wirri tulmil akó ⌊arüng tonarr⌋ tómbapólórr.
God Samarria Pamkolpam Tóba Samu Nókyenóp
14 Yesun apostola igó nóma umul bainóp Zerrusalemóm wagó, Samarria pamkolpama Godón bóktan amkoman kuri ipüdórre, da i Pita akó Zon zirrnapónóp ola. 15-16 Godón Samu ibüka babul yarilürr, zitülkus Pilip ibü wata Lod Yesun ngidü baptaes ninóp. Da Pita akó Zon nóma abzirri, i ibünkü tóre ekorri Godón Samu apadóm. 17 Ene kakóm, i tibiób tang emelórri ibüka, da God ibü tóba Samu we nókyenóp. 18 Saemon igó nóma esenórr wagó, God pamkolpam tóba Samu kuri nókyerre, Yesun apostol nisa tibiób tang nóma emelórri ibüka, wa ibü mani küp nüliónürrma, akó bóktanórr wagó, 19 “E kürü ini arüng ugó kókyenam, ka pamkolpamdó tang iade amel namulo Godón Samu akyanóm.”
20 A Pita bóktanórr wagó, “Marü mani küpa ⌊metat bólmyan urdü⌋ kena müdó, igó gyagüpi tótókde wagó, God ne ⌊gyaur kla⌋ gailda pamkolpam, ma mani küpi kuri amiga! 21 Marü darrü morroal babula kibü zaget kugupidü, zitülkus marü moboküp dümdüm kokea Godka. 22 Da Lodka tübyalüng moba kolaean tonarrdógab, da tóre ekoke. Aprrapórr wa arrgone marü ini moboküpdü ne kolae gyagüpitótóke. 23 Zitülkus módóga, ka igó ngakandóla, marü gyagüp kolae akó kolae tonarra tai kuri mümigi.”
24 Saemon bóktan yalkomólórr wagó, “Gyaurka, tóre ekoamke kürünkü Lodka, da ma ne poko bóktóna, kürüka koke iade tómbapóne!”
25 Pita a Zon pamkolpamdó nóma büdrrat namülnürri Lodónkwata, Lod ibüka ne poko tómbapón yarilürr, ene kakóm i alkomórri Zerrusalem, Yesunkwata ⌊Morroal Bóktan⌋ amgolkü abün basirr-basirr Samarria prrobinsdü.
Pilip akó Itiopia Wirri Pam
26 Darrpan ngürr Lodón darrü anerrua Pilipka bóktanórr wagó, “Ma ugó bupa, da ugó wam we kwatódó, kyarr wóra nólgab busoda. Ene kwat Zerrusalemgabiase kókó Gaza wirri basirrdü.” Ene wa ⌊ngüin-koke bwóba⌋. 27 Da wa tótók we bókyanórr kókó kwat-kwat, wa darrü yunak* Yunak, oya küp módóga: pugum küp asilürrün pam. Ngibürr bwób, wirri pama ngaen tibiób zaget pam inzan nangónónóp, igósüm ene zaget pama koke ut kwarile tibiób kol akó ópal olmalpükü. emrranórr, Itiopia Itiopia Aprrikamase. pam. Ene wirri ngi pama Itiopia kantrrian kwinan mani küp ngabkan yarilürr. Itiopia pamkolpama ibü kwin kandakebóka ngilianónóp. Ene yunaka Zerrusalem wamórr Godón ⌊ótókóm⌋. 28 Wa nóma tolkomólólórrma Zerrusalem wirri basirrdügab, Pilip oya esenórr tótókde, ⌊osab amorrat kla⌋ kwitüdü mórrande. Ene pama Aesayan pebadógab atang yarilürr, darrü prropet. 29 Godón Samua Pilipün yalórr wagó, “Ma ugó wam, da osab amorrat kla minggüpanan wamólónke.” 30 Da wa we busorr ola. Wa minggüpanan nóma yarilürr, wa ene pam arrkrrurr peba atangde, ngaen Aesaya ne bóktan wialómórr. Pilip oya imtinürr wagó, “Ma ia ⌊küp apaddóla⌋ ma ne poko atangdóla?”
31 Itiopia pama bóktan we yalkomólórr wagó, “Ka ia umul baino? Wata darrü pam asi yarile kürüka küp okaka amzazilüm!” Wa Pilipün ngyaunürr tóbaka osab amorrat kla kwitüdü kasilüm, da wa we mórran-mórran bainürr.
32 Ene yunaka ini poko atang yarilürr Godón Wibalómórrón Bóktandó wagó,
“Oya ⌊sipzan⌋ idüdóp bódabón pokodó.
Sip kupoazan zamngólda bóktan-koke, ngüin alük paman obzek kwata,
wa darrü poko kokean bóktanórr.
33 Pamkolpama oya büódan ngitinóp, da wirri pama oya koke ok inóp tóbakwata bóktanóm kot pokodó.
Darrü pam babul yarile azazilüm oya olmalbobatalbóka,
zitülkus ini tüpdü pamkolpama oya arról elakónóp.” Aesaya 53:7, 8
34 Yunaka Pilipün imtinürr wagó, “Ma kürü küzazil, ia ini prropeta ia noabóka apónda? Ia tóbabóka, ta ia darrü olom?” 35 Pilip bóktan we bókyanórr, yunaka ne bóktan poko atang yarilürr singül kwata, da müsirrga yólürr oyaka Morroal Bóktan Yesunkwata. 36 I kwatana aurrnürri kókó nae ne yarilürr. Yunaka Pilipünbóka wagó, “Nae yóni. Da ma ia kürü baptaes koke kino? Ia darrü kla asine kürü piküp ainüm baptaes apadóm?” Ngibürr Grrik bóktane tange wibalómórrón pebadó, atang poko 37 asine. Igó bóktanda wagó, “Wa oyaka wagó, ‘Darrü kla babula, ma ne amkoman nóma yanguno moba amkoman moboküpi Yesunkwata bóktan.’ Yunaka bóktan yalkomólórr wagó, ‘Ka amkoman igó yanguna wagó, Yesu Kerriso Godón Olome.’ ”
38 Yunaka osab amorrat kla piküp yónürr ola. Nizana naedó bótaorri, da Pilip oya we baptaes yónürr. 39 I naedógabi nóma tügasirri dorrodó, Lodón Samua Pilipün dümdüman ugón sipadórr oyakagab. Yunaka Pilipün myamem koke esenórr, a wa ma wamlórr tóba kwata bagürwómpükü. 40 Pilipün Lodón Samua ama Azotus basirrdü yabzilürr. Da olgabi we bókyanórr agóltagól, Yesunkwata Morroal Bóktan büdrratkü, tai kókó Sesarria wirri basirrdü abzilürr.

8:3 Apostolab Tórrmen 22:4-5; 26:9-11

*8:27 Yunak, oya küp módóga: pugum küp asilürrün pam. Ngibürr bwób, wirri pama ngaen tibiób zaget pam inzan nangónónóp, igósüm ene zaget pama koke ut kwarile tibiób kol akó ópal olmalpükü.

8:27 Itiopia Aprrikamase.

8:33 Aesaya 53:7, 8

8:36 Ngibürr Grrik bóktane tange wibalómórrón pebadó, atang poko 37 asine. Igó bóktanda wagó, “Wa oyaka wagó, ‘Darrü kla babula, ma ne amkoman nóma yanguno moba amkoman moboküpi Yesunkwata bóktan.’ Yunaka bóktan yalkomólórr wagó, ‘Ka amkoman igó yanguna wagó, Yesu Kerriso Godón Olome.’ ”