15
Sei irau ileep igharau Yoova ve isuŋ pani?
Mbouŋ to David
1 Yoova, sei ta irau ileep tomani ghom ila niam patabuyaaŋ to suŋuuŋ?
Ve sei irau ileep izi loloz tsio patabuyaaŋ Zion, ve isuŋ payo? *Mbo 24:3+
2 Tamtamon tau le sosor eta mako, ve laghooŋ tooni poia mon.
I ighamgham ŋgar duduuŋa
ve isasavia saveeŋ onoon mon toman loolo. *Mt 5:8; Ep 4:25
3 I ivaghamunia tamtamon ezazi mako,
ve igham ŋgar saghati eta pa zeetŋa mako.
I iŋgal saveeŋ pa toŋvetaz tooni mako, ve isinai zi mako. *Igham 20:16
4 Zeran sasaghati tau Maaron ighur muuri pazi na, i paam ighur muuri pazi.
Ve yes tau tiroi pa Yoova ve titaghon ŋgar tooni na, i ipapait zi.
Saa saveeŋ tau i imbua, ene irau loolo iveghaini mako. Ighe ipataŋan pani pa taghoniiŋni, ene poia. Eemon i aat itaghon saveeŋ mbuaaŋ tooni.
5 Ve isaav ighe zeetŋa tigham bun ila tooni, saawe to tiyatu, yes tiyat maet duduuŋ tau tighamu na. I irau ipoi pa maet geege ite paam izala paavo mako.
Ve isaav ighe tamtamon tighe tigholi, leso iŋgal saveeŋ pa yes tau lezi sosor mako, ene i irau iyok pazi mako. *Igham 22:25
Yes tau titaghon ŋgar naol tane, ene aat tiyooz ariaaŋ.
Gabua eta irau igham zi tirur ne mako. *Igham 22:24, 23:8; 2Pe 1:5+