1 Ma Bada Sarah i viaiaini ma i paripari-vainuaḡani nanare i kauei. 2 Ma God mara i vinevineia nanare, Sarah i duama ma i vinatuna. Natuna orotona i tupua, Abraham i magura ma natuna i tupua. 3 Abraham natuna i viwavai Isaac. 4 ✡Gen 17:12; Act 7:8Ma au pom 8 au murina Abraham natuna inina i bori me God i ririweia nanare. 5 Abraham ana madeḡa 100 maranai wei kauai i tupua.

8 Isaac i rata ma i viedai ma Abraham lam ḡaeḡaena i vokaukauei ma i am gogona. 9 Ma Sarah Ishmael i ʼnanai Isaac i vivinamei. Ishmael lamna Abraham natuna ḡelauna, ana taunola Hagar Egyptei i ḡuniḡunia. 10 Ma Sarah Abraham i riwei, “Taunola wavinena ma natuna ma viopuni! Eḡa ata ḡoei da tauna am buderi ina vaia. Natu Isaac ainelana am buderi ina vaia.”

11 Abraham wei riwana i nonori ma i vinuabola kaua aubaina tauna natuna Ishmael. 12 Wate God Abraham i riwei i pa, “Eḡa natum ma alona ma vinuabolei. Am epaia Isaac wavam ina mairiei. Aiwai Sarah i ririwem ma kauei. 13 Wate am taunola wavinena natuna ana epaepaia ana vimaḡai ma ana dam ina rata aubaina tauna tam natum.” 14 Ubaubanai boiboḡi Abraham tamaina i vokaukauei ma waira i ḡui ma Hagar i viavarai. Ma wavine natuna maiteni i paritawanei da i nelabalababa au mutulua.