1 Kini
'Eba kiavemageta
Buki de'e nageneye nani 'aitonu faifaidi i veveifufu.
Kumekumetana (daba 1-2) Kini Devida yawaina i 'a'ava mulieta natuna Solomoni tamana 'ana 'ivi i 'ewai bega i ve-kini.
'Ana veluga, (daba 3-11) Solomoni i veto'edakumeta Isileli nageneye wata yana 'eba veimea i vebwaika. Wata i veveifufu Yaubada yana Vanuga 'Eba Velu'ui i yogoni Ielusalema nageneye.
'Eba ve'a'ava 'waineye, (daba 12-22) i veveifufu 'aila'a 'ailuga faifaidi, me Isileli i 'idi nika 'aila'a 'ailuga i souyedi. 'Aila'a kumekumetana me Isileli yavalata weyaginega, 'aila'a 'ana veluga me Iuda bolimana weyaginega, 'aila'anidi 'adi 'ailuga ma yadi kinivo.
Kininidi 'ifwaidi Yaubada yana vona i ve'ililibuyeni bani'odi Kini Devida, we'e 'ifwaidi i vedumwe'ai'aieni ma'itufa i 'odu'odu yaubada vekavekali 'waidie.
1 Kini 'ana 'idi
Kini Devida yawaina i 'a'avana nika natuna Solomoni i vekini. (2:10-12)
Solomoni i velu'ui Yaubada 'waineye nuamageta faifaina. (3:3-5, 7-14, 15-28)
Solomoni yana 'eba veimea i vebwaika. (4:20-21,25)
Solomoni i velu'ui Yaubada 'waineye wata Vanuga 'Eba Velu'ui i yogoni. (5:1-6, 6:1, 7, 11-14; 8: 1, 3-6, 10-11, 22-23, 27-30, 41-43)
Kwini Siba Kini Solomoni i fogei. (10:1-9)
Kini Solomoni Yaubada i vedumwe'ai'aieni. (11:1-5, 7-13, 26-33, 35, 40)
Kini Solomoni yawaina i 'a'ava nika natuna iavetana Lioboama i ve-kini. (11:42-43)
Tomotoga i 'idi 'aila'a 'ailuga i souyedi, Isileli wata Iuda. (12:1-20)
Kini Eabi Yaubada i vedumwe'ai'aieni we'e ma'itufa i 'odu'odu yaubada vekavekali 'waidie. (16:30-33)
Yaubada yana tolu'ivona Ilaitia 'wabula natudi iavetana i 'ivaiseni. (17:1, 8-16, 17-24)
'Auvea Beli yana tolu'ivonavo i vetoketoke-'iawedi 'Oya Kamela 'waineye. (18:1-2, 17-46; 19:1-21)
2
Kini Devida yawaina i 'a'ava
10-11 2 Sam 5:4,5; 1 Ifu 3:4 Kini Devida me Isileli i veveimeyedi malamala 40 nagedie mulieta yawaina i 'a'ava i ve'ufai Ielusalema.*Ielusalema tamu 'ana wagava Devida yana 'Atamana. Tutuyanina i veveimea, malamala 7 i miamia 'atamana Ebiloni, mulieta malamala 33 nagedie i mia Ielusalema 'waineye. 12 1 Ifu 29:23Mulieta natuna Solomoni i ve-kini tamana tutulina, me Isileli i veveimeyedi we'e Yaubada yana veimea i kiavetoketokei.