1 Basenadiotoga me Isileli i souyedi 'awalawa Itifita 'wainega, mulieta malamala 480 i 'a'ava Vanuga 'Eba Velu'ui 'ana 'aiyogona i velamu. Tutuyanina 'waineye Kini Solomoni yana vetoveimea 'ana malamala aitonu i 'a'ava, mulieta weta'i 'ana veluga 'waineye 'ana wagava Sivi, bei i velamu.

7 Kileu 'eba 'aiyogona vanuganina faifaina i 'idewadi 'awasasanina bei kileu bababadi i 'i'iboboboga 'waidie. Bei i yadayadalidi, i 'a'avana i nunawedi vanuganina i yogoyogoniga 'waineye. Fai 'ani'ie, begaidi kebu 'adi fata yadi folova butu'aina i na nogai Yaubada yana Vanuga 'Eba Velu'ui nageneye, bani'odiga 'eba 'aitutu, tamuyoko 'alo 'eba folova kainumu 'ifwaidi butu'aidi.

11-12 Tutuyanina 'waineye 'Auvea i veifufu Kini Solomoni 'waineye i vo, Vanuganina 'u yogoyogoniga faifaina a na veifufu. 'Ai'edi yaku vona 'u na nogaidi wata yaku veimea matatabuna 'u na vematayakeyakedi, ava'ai a vona'awaufaufa tamamu Devida 'waineye a na 'idewadi 'waimuye. 13 We'e yau kebu a na 'iawemiga, yaku tomotoga me Isileli 'awasasamie a na mia-vagata.”

14 Tutuya 'ifwaidi i 'a'ava Kini Solomoni Yaubada yana Vanuga 'Eba Velu'ui i yogona'a'avai.