30 Omili natuna 'ana wagava Kini Eabi nani fuedi sakoiotogidi i 'idewadi 'Auvea mataneye we'e kinivo kumekumetadi sai'afo. 31 Kininina Nebati natuna Deleboama yana sauluva sakoidi i vevetutuyamedi, we'e taunina mogitana i sakootoga fai me Saidoni yadi Kini Etibeli natuna vevinena Iesibeli i nagia, ma yana subia i 'odu'odu yaubada vekavekali Beli 'waineye. 32 Eabi vanuga 'eba 'odu i yogoni Beli faifaina 'atamana Samelia 'waineye we'e vanuganina nageneye 'eba velomu i 'idewai. 33 Wata Eabi 'ogola manamanawena i vetovoia yadi yaubada vevinena 'ana wagava Asela faifaina, 'ana 'isa 'eba bunumayaga 'waineye i 'odu'odu. Me Isileli yadi kinivo kumekumetadi 'Auvea me Isileli yadi Yaubada i 'ivenuasakoi we'e tutuyanina Eabi i vekini nani sakoiotogidi i 'i'idewadi nika i 'ivekamogalaotogi.