23
Iosia i vona'awaufaufa 'Auvea yana veakutagona i na ve'ililibuyeni
1 Kini Iosia vala i vetunei Iuda wata Ielusalema yadi to'edakumetavo 'au'auveadi i na maia 'waineye. 2 Bega kini i nago 'Auvea yana Vanuga 'Eba Velu'ui 'waineye, me Iuda, me Ielusalema 'ana tomotogavo, tovelomuvo wata Yaubada yana tolu'ivonavo, tomotoga matatabudi ma 'adi wagava i nagoga tomotoga-'avo'avovo 'waidie, taiadi i luku nageneye. Bei Kini Iosia 'Auvea yana Veakutagona matatabuna i lu'iawawai 'waidie, vonanina 'ana buki tofolovavo i veluagaiga Vanuga 'Eba Velu'ui nageneye. 3 Kini Iosia i tovoi Vanuganina 'ana didiga 'waineye, ma yana ve'ililibu i vona'awaufaufa-vagata 'Auvea mataneye i na vevematayakeyakeni, yana veimea wata yana awave'eda'eda i na 'i'idewadi, yana veakutagona buki nageneye taiadi. De'e bani'odi 'Auvea yana veakutagona Kini Iosia i awavemogitaneni. Wata bani'odi tomotoga matatabudi i vona'awaufaufa veakutagonanina i na vematayakeyakeni.
4 2 Kin 21:3; 2 Ifu 33:3Wata Kini Iosia tovelomu bwaikina Ilika, tovelomu 'ifwaidi wata Vanuga 'Eba Velu'ui 'ana tolumadu'aivo i vonedi bega kukua 'eba 'odu Beli, Asela wata 'ubwana faifaidi, i na 'ewadi 'Auvea yana Vanuga 'Eba Velu'ui 'wainega i na nawedi Ielusalema kali mulie, bei Kidiloni 'Awakovana Kini Iosia i tunudi, mulieta 'wavuyona i 'ewai i naweni Bedeli.
Kini Iosia i nago Iuda wata Isileli 'awalawa matatabuna i luvivili, i 'isedi tomotoga i 'odu'odu kumaea 'waidie, bega yadi 'eba 'odu'odu matatabuna i luvela'ovidi wata kumaeanidi yadi tovelomu i veugeugedi.
Iosia yawaina i 'a'avana, we'e 'ifwaidi kinivo mulineye i lakama, kebu 'Auvea i da ve'ililibuyeniga siwe i sakosakona mataneye.