28
Yaubada Mosese i voneni bega tamu talalia i na 'idewadewai golida 'wainega. Mulieta tamu 'eba velomu vane 'anikabu faifaina wata mageta 'adi 'eba yato 7 we'e lamuna 'aitamogana i na 'idewadi. Wata i voneni Vadavada Tabutabuna i na 'idewai, tutudaba 'adi 'ailuga nagedie we'e saiboda kaleko badubaduna 'wainega i na 'idia. Kali i na luvivili Vadavada wata naninidi 'ifwaidi taiadi nagedie i na kaliedi. Wata Yaubada Mosese i voneni 'eba velomu i na 'idewai tamu kainumu 'ana wagava balonisi 'wainega bei 'aisaya i na kabukabunidi, wata 'aivoe bwaikina i na 'idewadewai 'eba 'ilekoa.
Tovelomu 'adi vaigavu
1 'Auvea wata Mosese i voneni i vo, Tatamu Eloni 'u na voneni i na mai ma natunavo Nadaba, Abiu, Eleasa wata Itama bega 'u na yato'idiedi me Isileli matatabuna 'waidiega i na vetovelomu faifaiku. 2 Talauma tabutabuna 'u na agilidi tatamu faifaina bega 'ana 'isa 'atumaiotogina wata ma 'ana ve'ililibu. 3 Tofolovavo ma yadi nuamageta 'u na vonedi i na maia, kumanidiavo 'aseta bwaikina a veledi agila faifaina 'adi fata Eloni 'ana vaigavunidi i na 'idewadewadi, 'waidiega i na yato'idieni yaku tovelomu.”