9
Tutuya i mimaiga 'ana Kini
1 Mad 4:15Tutuya dudubala wata venuafouviga kebu i na 'eno-vagata. Basenadi Yaubada me Sebuloni wata me Nafitalai i venani-'avo'avovoyedi. Siwe tutuya 'ifwaidi i na 'a'avana, 'awalawanidi i na silakaidi bega ma 'adi ve'ililibu. Sebuloni wata Nafitalai yadi fwayafwaya 'eda bwaikina lilivaneye, 'edanina balabala wata Ufa Iolidani kamwadiamo, i nagoga 'ana tugusa mali tomotoga taunidi kebu Diu 'awalawa Galili nageneye i miamiani.
2 Mad 4:16; Luk 1:79Tomotoganidi i nunagoi dudubala nageneamo,
mageta mataududulina i na 'iseni.
We'e egavo dudubala 'wau'waugaotogina nageneye i miamianiga,
magetanina i na magesedi.
3 'Auvea, 'omu tomotoga 'adi 'aila'a 'u na kiavebwaiki,
'u na kiavesosoanidi sosoana mogitana 'wainega.
Yadi sosoana matamuye bwaikaotogina,
'wa da vo bani'odi tomotoga i da sososoana tutuya 'aile'wa 'waineye,
wata bani'odi tolugaviavo 'adi gaviavo yadi kukua i elodiga i da veveusedi.
6 Kwamana i tubuga 'ida faifaida,
Yaubada natuna iavetana i veleda,
kumanina 'ada toveimea.
'Ana wagava i na goleni,
Toawave'eda'eda yana ve 'eba nuavogana,
Yaubada toketokena,
Tamada miamia-vagaina.
Toveimeanina 'wainega mia niwalova i sousouyeni.
7 Luk 1:32,33Yana veimea wata mia niwalova kebu i na 'a'avaga i na vevebwaika,
yana 'eba veimeanina i na 'eno-vagata.
Kini Devida yana 'eba veimea i na 'isave'avini wata i na kiavetoketokei
sauluva tonovidi wata magemagetadi 'waidiega.
'Asiau 'wainega i na nagoga, tutuya 'ana 'eba ve'a'ava 'waineye.
'Auvea kumanina tomia abama yadi Tovemata'ai'ai i na 'idewadi, fai yana nuakalikali bwaikaotogina yana tomotoga faifaidi.