11
'Auvea yana Kini i na mai
1 Ve 5:5; 22:16'Awaie Kini Devida*'Ana mogitana vona Ibeliu 'waineye, Iese tubunavo. Iese Devida tamana. tubunavo 'waidiega Kini 'ivauna i na souyeni
'wa da vo bani'odi 'aitufwala i da veluilili.
E'e, i na tabo didina i na vebwaika nika i na vuaga.
2 'Auvea 'Anu'anununa i na agei bega
ma yana nuamageta i na vevenua'ivina-'atumai,
yana awave'eda'eda tonovina,
ma yana toketokena,
taunina to'aseta,
ma yana ve'ililibu 'Auvea i na kololoyeni.
3 Kininina i na sosoana 'Auvea 'ana vematayakayaka faifaina.
I na vevenua'ivina-'atumai, kebu 'isa'ava 'alo nogaya'ava 'waidiega.
4 2 Tes 2:8Tovewekowekoma 'waidie i na vesauluva 'atumaina 'eda'eda tonovina 'wainega,
wata veimea mogitana i na 'idewai tovovomwea faifaidi.
Yana vona toketokena 'wainega tosakona i na luvewafadi,
'wa da vo bani'odi fulumai 'wainega fwayafwaya i da nikei.
5 Efe 6:14Yana veimea matatabuna tonovidi, taunina ma 'ana vetumagana
'wa da vo bani'odi sauluvanidi i da vewa'iledi.
6 Ais 65:25Tutuyanina 'waineye 'aisaya walawala'ai kasikasisidi wata 'aisaya tauvanuga taiadi i na mia-luvetubama.
'Ou'ou walawala'ai kasikasisidi, sifi natudi taiadi i na miamia,
sifu walawala'ai kasikasisidi 'ana wagava lefadi, goti natudi ma fuedie i na 'eno'eno,
laioni bulumakau taiadi i na 'ani'ani.
We'e kwakwama siasiaidi 'aisayanidi i na 'i'isave'avinidi.
7 'Aisaya sakoidi bea bulumakau taiadi i na 'ani'ani,
we'e natudiavo ma ediavo i na 'eno'eno.
Laioni mosomoso i na 'ani'ani bani'odi bulumakau yadi sauluva.
8 'O'olonidi i na ovada ta na wafaga, kebu kwakwama siasiaidi i na ovadiga, 'ai'edi 'adi ovu lilivadie i na 'wava'wava.
Kwakwama tulaidi kebu 'o'olo kasikasisidi ilagi i na velediga 'ai'edi i na 'abitonovidi.
9 Aba 2:14Kebu tamu sauluva sakoina wata ilagi i na 'eno'eno, yau 'Auvea yaku 'oya tabutabuna 'waineye.
Fai tomotoga fueotogidi i na 'asetaku,
'aku 'aseta fwayafwaya matatabuna i na susuli,
'wa da vo bani'odi ufa malaveta i da veadagi.
10 Lom 15:12Tutuyanina 'waineye, Kini Devida†'Ana mogitana vona Ibeliu 'waineye, Iese tubunavo. Iese Devida tamana. tubunavo 'waidiega i na vebiola,
tomia fwayafwaya matatabudi 'adi 'ita'ita'i faifaina.
Tomotoga 'aila'a tulina tulina i na deli i na nagoi 'waineye,
yana 'eba mia magemagetana nageneye.