90
Same de'e Mosese Yaubada yana tofolova i kilumi.
1 'Auvea, tubulelelegima 'adi 'aila'a 'aitamogana 'aitamogana,
'waimuye 'a miamia 'u 'i'ibabalema.
2 'Omu Yaubada miamia-vagaimu,
nagami 'u miamia, mulieta fwayafwaya wata 'oya taiadi 'u 'idewadi.
3 Tomotoga 'u vonevonedi 'u vo, 'Wa na wafa nika 'wa na vilami 'wa na vefwayafwaya,”
'u sisivedamanedi i vilaviladi i vevefwayafwaya, fai 'wainega i mai.
4 2 Fit 3:8'Omu 'waimuye malamala 1,000 'wa da vo bani'odi 'aiata 'aitamogana,
'alo 'ifwaidi 'awasasa lovane 'ana vemanawe.
5 'Abiwalowalogayega tomotoga yawaidi 'u 'ewa'ewadi
'wa da vo bani'odi 'enoneganega 'ana nuanua i da 'a'awa'u'uma matayo'oi.
Tomotoga yadi mia 'u da vo mosomoso i da tabotabo,
6 'adi 'isa yauyauvidi,
tutuyanina inala i na luyauyauta i na 'a'awagi'adi i na ve'alawafawafa.
7 Yamu nuasako toketokena 'wainega 'a vemwaikuda,
yamu kamogala 'wainega 'a kololo-'afo'afo.
8 Yama sauluva sakoidi 'u 'ise'isedi,
igodi 'a givegivediga,
siwe matatabuna 'u 'isa'a'avadi.
9 'Omu 'u nunuasakoyema tutuyanina ma yawaimeye,
yama mia 'ana ve'ale'usa 'u da vo bani'odi tamu aitoi yawaina i da tauyavuleni.
10 'A miamia malamala 70,
voke 'ifwaidi tomotoga toketokedi 'adi malamala 80.
Yama miananidi 'waidie veviga wata vita fueotogidi 'a veveluagadi,
kebu tutuya manamanawenaga nika yawaima i 'a'a'ava.
11 Kebu tamu aitoi i da 'asetai yamu nuasako yana toketokena,
'ai'edi yamu nuasako 'a na 'aseta-'atumaia 'ako 'a na kololoyemu.
12 Yama mia 'ana ve'ale'usa faifaina 'u na vevema
nika yama nuanua i na magetadi yamu venina 'wainega.
13 'Auvea, 'u da vilamu 'u da mai 'waimeye,
kebu 'u na 'ivogavogana,
'ima yamu tofolovavo 'u da 'isanuakalikaliema.
14 'Awa'awai 'aitamogana 'aitamogana yamu nuakalikali miamia-vagaina 'u da vevema,
nika ma yama kamoai.
Bega ma yama sosoana 'a na leilei 'waimuye tutuya matatabuna.
15 'Omu vita 'u velevelema malamala fuedi nagedie,
we'e ma'itufa sosoana manamanawena 'u na velema.
'Ama vita 'u na 'ewadi, we'e malamala 'atumaidi 'u na velema.
16 'Ima yamu tofolovavo, 'u da tauyema yamu folova toketokedi 'a da 'isedi,
we'e natumavo yamu toketokena magemagetana i na 'iseni.
17 'Auvea, 'omu yama Yaubada, 'u da vevesauluva 'atumaina 'waimeye,
'u da 'ivaisema bega yama folova i na vuaga.
E'e mogitana, 'u na kiavevuagidi.