95
Lei subisubia
1 'Wa mai, 'Auvea 'waineye ta na lei,
yada sosoana matatabuna 'wainega ta na subiai,
taunina 'ada to'ita'ita'i toketokena.
2 Ta na mai mataneye ta na vevekaiwa,
wata ta na lei-subisubia 'waineye.
3 Fai 'Auvea taunina Yaubada bwaikaotogina,
taunina kini toketokeotogina mali yaubadavo i veveimeyedi.
4 Nimanega fwayafwaya i 'i'ive'avinidi,
wata 'oya deba'aidie.
5 Malaveta i 'idewai taunina faifaina,
wata nimanega fwayafwaya i 'idewai.
6 'Wa na maia ma yada ve'ililibu ta na 'odu mataneye.
Tugatugada ta na vetufano'uyedi 'Auvea 'ada to'idewadewa 'waineye.
yana tomotogavo i 'i'ita'ita'ieda,
bani'odi to'isave'avina sifi yana sifi i 'i'isave'avinidi.
I lubwainemi 'Auvea yana vona 'wa na nogai 'asiau.
8 Sou 17:1-7; Sal 20:2-13I vo, Kebu 'wa na vedumwe'ai'aiekuga tubumiavo bani'odi 'atamana Meliba,*Meliba. 'Wa na 'iseni Souyagi 17:1-7
wata Masa sali'avu'avuye bani'odi i 'idewai 'waikuye.
9 'Eba 'isa toketokedi a 'idewadi matadie tutuyanina a 'edakumesedi Itifitayega 'a sousouyema,
siwe yadi vesauluva-sako 'waidiega yaku tokemaiga i sitonovi.
10 Fai i vedumwe'ai'aieku begaidi a kamogala-'afo'afo malamala 40 nagedie a vo,
Tutuya fuedi yadi nuanua tulidiamo i nunagoi,
we'e kebu nuanuadi yaku awave'eda'eda i na vematayakeyakedi.’
11 Sal 14:20-23; VeL 1:34-36; Ibu 4:3,5; VeL 12:9,10Begaidi ma yaku nuasako a vona'awaufaufa a vo,
Kebu tamu sai'afo i na luku i na veawai 'awalawanina a tauyeniga 'waineye.”
95:8: Sou 17:1-7; Sal 20:2-13
*95:8: Meliba. 'Wa na 'iseni Souyagi 17:1-7
95:11: Sal 14:20-23; VeL 1:34-36; Ibu 4:3,5; VeL 12:9,10