119
'Auvea yana veimea
9 Tomogo tubuvauvauna bani'odi i na munega bega yana sauluva i na tonova?
Yamu vona i na veve'ililibuyeniga i na tonova.
10 Yaku nuanua matatabuna 'wainega a lulualemu,
'u da 'ivaiseku bega yamu veimea 'ana 'eda 'wainega kebu a na yogofani.
11 Yamu vona a givedi nuakuye,
bega kebu a na sakona 'waimuye.
12 'Auvea, a subisubiamu,
yamu awave'eda'eda 'u na veveku.
13 Veimea matatabuna 'u velemaga, faifaidi a na veveifufu.
14 Yamu veimea 'ana ve'ililibu 'wainega sosoana mogitana a veveluagai,
we'e ve'ai'aiwabu 'ana sosoana sai'afo.
15 Yamu awave'eda'eda a na nunuave'avinidi,
wata yamu vesauluva a na nuanuanidi.
16 Veimeanidi faifaidi a sosoana-'afo'afo,
wata yamu vona kebu nuaku i na faniga.