110
Same de'e Devida i kilumi
1 Mad 22:44; Mak 12:36; Luk 20:42,43; Fol 2:34,35; 1 Kol 15:25; Efe 1:20-22; Kolos 3:1; Ibu 1:13; 8:1; 10:12,13'Auvea Yaubada i vona 'aku Toveimea 'waineye i vo,
Veimea a velemuga bega 'u na miabui 'aku 'atagiega,
i na nagoga 'ana tugusa 'amu gaviavo a na vetoketoke-'iawedi bega 'u na veveimeyedi.*'Ana mogitana vona Ibeliu, 'amu gaviavo a na yatodi 'agemu 'ana 'eba yato dibudie. ”
2 'Auvea yamu 'eba veimea i na 'ivebwaiki,
Ielusalema 'wainega†'Ana mogitana vona Ibeliu 'waineye Saioni, Ielusalema tamu 'ana wagava, we'e mogitana 'awasasanina Yaubada yana Vanuga 'Eba Velu'ui bei i tovotovoi. i na souyeni i na vaganago
nika 'amu gaviavo 'u na veveimeyedi.
3 Tutuyanina 'u na nago vetalaga faifaina,
yamu tomotoga taunidi i na tauyedi 'waimuye, taiadi 'wa na nagoi.
'U na vaigavu talauma tabutabudi 'waidiega.
'Aiata 'aitamogana 'aitamogana yamu toketokena a na luluve'ivauya,
bani'odi numula i obuobu abamega 'awa'awai 'aitamogana 'aitamogana 'waidie.
'Omu 'u vetovelomu-vagata, bani'odi tovelomu bwaikina Melekisadeki.”
5 'Auvea 'amu 'atagiega i tovotovoi i na 'i'ibababalemu.
Tutuyanina i na nuasako-'afo'afoga kini fuedi i na kualedi.
6 Tomotoga 'adi 'aila'a tulina tulina i na vematavulogidi,
tomotoga fuedi i na luvewafadi, tomogodi fwayafwaya i na luvaia.
'Ana tovedumwe'ai'aivo 'unu'unudi‡Tamu 'ana saivila, Yaubada toveimea fuedi i na tutukudakudadi. i na tutufuafuadi fwayafwaya matatabuna 'waidie.
7 Tutuyanina i na nunago 'edeye, we'e ufa 'waidie i na le'wale'waga i na yemuyemu,
yana toketokena i na luluve'ivauya i na vetoketoke.
110:1: Mad 22:44; Mak 12:36; Luk 20:42,43; Fol 2:34,35; 1 Kol 15:25; Efe 1:20-22; Kolos 3:1; Ibu 1:13; 8:1; 10:12,13
*110:1: 'Ana mogitana vona Ibeliu, 'amu gaviavo a na yatodi 'agemu 'ana 'eba yato dibudie.
†110:2: 'Ana mogitana vona Ibeliu 'waineye Saioni, Ielusalema tamu 'ana wagava, we'e mogitana 'awasasanina Yaubada yana Vanuga 'Eba Velu'ui bei i tovotovoi.
‡110:6: Tamu 'ana saivila, Yaubada toveimea fuedi i na tutukudakudadi.