Mo꞉fo꞉s Andeb We
Yo꞉n
E Sa꞉sa꞉lo꞉
Asuluma꞉no꞉ towo꞉ we
Mo꞉fo꞉s andeb we Yo꞉n eyo꞉ misa꞉ ka꞉isale o꞉lia꞉ ene so꞉wa i o꞉lia꞉mo꞉ sa꞉sa꞉liga꞉fo꞉. Baibo꞉l amilo꞉ asulo꞉ di kalu nol a꞉ma꞉yo꞉ a꞉la꞉asulaki, mo꞉fo꞉s we sa꞉s misa꞉ kalu o꞉lia꞉ tilidabu kaluka꞉isale a꞉namilo꞉ sab o꞉lia꞉mo꞉ sa꞉sa꞉liga꞉fo꞉ a꞉la꞉asulo꞉. Mo꞉fo꞉s sa꞉sa꞉lo꞉ us wenamilo꞉, to alan sio꞉wo꞉ a꞉la꞉ ko꞉lo꞉ da꞉lab. Agelo꞉ we, kaluka꞉isale egelebo꞉ ha꞉fo꞉wo꞉ disa꞉ma꞉ki, sa꞉sa꞉lo꞉. A꞉la꞉ta꞉ga꞉ to andebo꞉, madalilo꞉ tolo꞉ widan kalu o꞉lia꞉ man ililo꞉ widab a꞉no꞉ dinafa alobana bo꞉ba꞉ki, mo꞉fo꞉s we a꞉na sa꞉sa꞉lo꞉.
1
Misa꞉ kalu sa꞉s amilo꞉ dowo꞉wo꞉ ne ko꞉lo꞉, mo꞉fo꞉s we Godeya꞉lo꞉ da꞉feyo꞉ ka꞉isale gi o꞉lia꞉ gini so꞉wagalin o꞉lia꞉mo꞉ sa꞉sa꞉liga꞉to꞉l. Niyo꞉ gimo꞉wo꞉ mada hendele ha꞉fo꞉wo꞉ disa꞉ ko꞉lo꞉ o꞉lo꞉l. A꞉la꞉ta꞉ga꞉ kaluka꞉isale to hendelelo꞉ asulab a꞉ma꞉yo꞉lo꞉ gimo꞉wo꞉ ha꞉fo꞉wo꞉ disa꞉la꞉lab.* Ka꞉isale a꞉la꞉do꞉ sa꞉lab a꞉ma꞉ ha꞉go꞉ we. Sa꞉s imilig nowo꞉ o꞉m. A꞉la꞉ta꞉ga꞉ so꞉wagalin a꞉la꞉do꞉ sa꞉lab a꞉no꞉, tilidabu kaluka꞉isale sa꞉s a꞉namilo꞉ sab a꞉no꞉ ko꞉lo꞉ sio꞉. Mo꞉wo꞉ to hendele a꞉no꞉ nio꞉ o꞉lia꞉ dofo꞉liki, mela꞉no꞉ mela꞉no꞉ mela꞉ib. Niliyo꞉ to hendeleyo꞉ kudu ha꞉naki, nolo꞉ mada alan asulalikiyo꞉, Gode o꞉lia꞉ ene Inso꞉, Ya꞉su Keliso o꞉lia꞉ma꞉ ha꞉fo꞉ disa꞉lan man o꞉lia꞉ nofolan man o꞉lia꞉, ha꞉sa mesa꞉no꞉ man o꞉lia꞉ a꞉no꞉, ni o꞉lia꞉ doma꞉ki dulugu so꞉lo꞉l.
3Yo꞉n 1.3So꞉wagalin gilo꞉wo꞉ Godeya꞉lo꞉ to sio꞉ aumbo꞉, to hendeleyo꞉ kudu ha꞉nab a꞉la꞉do꞉ sio꞉wo꞉ ne da꞉da꞉ga꞉ mada sagalo꞉. 1Yo꞉n 2.7Ka꞉isale gimo꞉wo꞉ to nowo꞉ sa꞉ma꞉nigo꞉l. To we ho꞉gi ko꞉lo꞉ sa꞉ma꞉nigo꞉ba. Tamin amilo꞉ to saefa꞉ gilo꞉ dabu a꞉no꞉ ko꞉lo꞉ so꞉lo꞉l. A꞉la꞉fo꞉ko꞉lo꞉ giliyo꞉ nowo꞉lia꞉yo꞉ ha꞉fo꞉wo꞉ disa꞉la꞉bi. Ha꞉fo꞉ disa꞉lan man a꞉ma꞉ ha꞉go꞉ we. Nio꞉ Godeya꞉lo꞉ to saefa꞉ a꞉no꞉ kudu ha꞉na꞉labo꞉ o꞉m. To tamin amilo꞉ gilo꞉ dabu a꞉no꞉ we. Giliyo꞉ nowo꞉mbo꞉wo꞉ ha꞉fo꞉ disa꞉ma꞉no꞉ man a꞉no꞉ ko꞉lo꞉ kudu ha꞉naki dowa꞉bi.
1Yo꞉n 4.1-3Madali tolo꞉ widan kaluwo꞉ henfelo꞉ amio꞉ o꞉go꞉ modo꞉ ko꞉lo꞉ dalale sa꞉lab. Kalu i a꞉ma꞉yo꞉ Ya꞉su Kelisowo꞉ henfelo꞉ amio꞉ kaluleyo꞉ mo꞉fa꞉la꞉dowo꞉ a꞉la꞉liki tilida꞉da꞉sa꞉ga widab. Kalu i a꞉no꞉ dikili sa꞉la꞉liki, Ya꞉su o꞉lia꞉ gis dia꞉lab. A꞉la꞉fo꞉ko꞉lo꞉ nililo꞉ nanog di a꞉no꞉ walabena꞉ki, go꞉no꞉na꞉ma꞉la꞉yo꞉ dinafa asula꞉bi! Ko꞉sega gilo꞉ nanog di ililib aumbo꞉ go꞉no꞉no꞉ tambo dia꞉niki, dinafa bo꞉fo꞉lubi.
Kalu abeyo꞉ Ya꞉su Kelisowa꞉lo꞉ to wido꞉ o꞉leaumbo꞉ hendeleyo꞉ mo꞉ta꞉li siliki, eyo꞉ ko꞉li nowo꞉ ko꞉lo꞉ a꞉widalega, kalu a꞉no꞉ Gode o꞉lia꞉yo꞉ mo꞉ege dofo꞉lab. Ko꞉sega kalu abeyo꞉ Godeya꞉ mano꞉ tilida꞉da꞉i ha꞉na꞉lab a꞉no꞉ Do Gode o꞉lia꞉ Inso꞉ Ya꞉su o꞉lia꞉yo꞉ e o꞉lia꞉ ege dofo꞉lab. 10 Kalu abeyo꞉ gilo꞉wa fa꞉la꞉dowakiyo꞉, to nafa o꞉leo꞉ngo꞉wo꞉ mo꞉widalega, giliyo꞉ kalu o꞉ngo꞉wo꞉ migi widaki, ayamio꞉ tililia꞉ ha꞉na꞉so꞉bo. 11 Kalu abeyo꞉ madali widan kalumo꞉ sagalab a꞉no꞉ ene man mogago꞉ a꞉no꞉ gi asuwa꞉tab ko꞉lo꞉, ge e o꞉lia꞉ mogago꞉wo꞉ dimidab.
12 A꞉la꞉fo꞉ko꞉lo꞉ niyo꞉ to modo꞉ nolo꞉ gimo꞉ sa꞉ma꞉no꞉ asulo꞉l ko꞉sega, niyo꞉ mo꞉fo꞉s amio꞉ mo꞉sa꞉sa꞉liga꞉fa꞉no꞉ asulo꞉l. Nio꞉ negele silikiyo꞉ sagalo꞉ doma꞉niki, ne kona ya꞉ga꞉ migi kudu tola꞉ma꞉no꞉ asulo꞉l. 13 Godeya꞉lo꞉ da꞉feyo꞉ ka꞉isale a꞉ma꞉ inso꞉wa꞉yo꞉ sagalo꞉ towo꞉ gimo꞉ sa꞉sa꞉liga꞉tab.

*1:1: Ka꞉isale a꞉la꞉do꞉ sa꞉lab a꞉ma꞉ ha꞉go꞉ we. Sa꞉s imilig nowo꞉ o꞉m. A꞉la꞉ta꞉ga꞉ so꞉wagalin a꞉la꞉do꞉ sa꞉lab a꞉no꞉, tilidabu kaluka꞉isale sa꞉s a꞉namilo꞉ sab a꞉no꞉ ko꞉lo꞉ sio꞉.

1:4: 3Yo꞉n 1.3

1:5: 1Yo꞉n 2.7

1:7: 1Yo꞉n 4.1-3