41
Oloi Dunu ea Sia:ne Gadosu
1 Nowa dunu ilia da hame gagui dunuma asigiwane dawa:digisawane esala, ilia da hahawane gala.
Bidi hamosu da ilima doaga:sea, Hina Gode da ili fidimu.
2 Hina Gode da ili gaga:mu, amola ili esaloma:ne fidimu.
E da ili soge ganodini hahawane esaloma:mu.
E da ilima ha lai dunu ilima hasalima:ne hamedafa yolesimu.
3 Ilia da oloi galea, Hina Gode da ili fidimu.
E da ili bu uhinisimu.
4 Na da amane sia:i, “Hina Gode! Na da Dima fawane wadela:le hamoi!
Be nama asigi gogolema:ne olofosu hou hamoma amola na uhinisima.
5 Nama ha lai dunu ilia da na hou higale sia:sa.
Ilia da na bogole, gogole dagoi ba:mu hanai gala.
6 Dunu ilia da na oloi ba:la mabe amo da ogogole ba:la maha.
Ilia da na hou olelemusa: baligidu sia: lalabalasa.
Amasea, ilia da gadili asili, amo sia: soge huluane sisia:i laha.
7 Nama higa:i dunu huluane ilia da ilisu sadoga sia:daha.
Ilia da ilia asigiga na da wadela:lesi dagoi dawa:lala.
8 Ilia da agoane sia:daha, “E da bogomusa: fawane oloi.
E da ea golasu hamedafa bu yolesimu.”
9 * Ma:diu 26:23; Maga 14:18; Luge 22:21; Yone 13:18Na sama ni dogolegeidafa
ani ha:i segele nasu, ea amolawane da ogobele halasa.
10 Hina Gode! Nama asigima amola na oloi uhinisima!
Amasea, na da na ha lai dunu ilima dabe imunu.
Amasea, Di da nama hahawane gala, amo na da dawa:digimu. 11 Ilia da na hame hasalimu. Amasea, Di da nama hahawane gala, amo na da dawa:digimu.
Bai na da moloidafa hou amo hamosa. 12 Dia da na fidimu. Bai na da moloidafa hou amo hamosa.
Dia da na Dia midadi fifi ahoanoma:ne hamomu.
13 † Gesami Hea:su 106:48Hina Gode, Isala:ili Gode, Ema nodone sia:ma!
Ema wali amola eso huluane nodonanuma:ma! Ama! Ama!
Buga Ageyadu
(Gesami Hea:su 42 asili 72)