Itete somo Yaubada eda Guyau ya libaen,

Hiti bwaꞌibwaꞌi edi fuya yai, Ifeleti Hoꞌowana tefana yai sa miya, yo yaubada haisa sa fadebasaedi. Amainiya, ami ulu tubu hesa hesana Tela mate Abelaham yo Nahola tamadi.

3 Amainiya Ifeleti yai, Abelaham E foyahi lawen, Kanana Nuꞌuna mahudoꞌina yai, yo ana hiti mulita boludi E fatadadadi, yo natuna E felen, hesana Isako.

4 Na Isako nanatuna E felen, hesadi Iyakobo yo Isowa, yo tuꞌadi haisa Idom nuꞌuna yai Isowa E felen, enehena. Na Iyakobo maꞌana hiti mulita sa lau Idipi.*Ami ita lau Aba Fatubu Bukana yai hinaga

5 Fuya lofalofa mulina yai, Mose yo Elon E faꞌobiyodi tau saguhigu. Habahim, heyaheyaya laꞌilaꞌi E leyama Idipi yai. (Diyesuwa 24:25, yo Auꞌaulaha)

6 Na afa wahamiu E lawe hudoꞌiyedi. Fuyanna Idipi sa lau afulen, Idipi maꞌedi hosi tau awaidi yo hosi edi saliyoti, amainiya sa lau weꞌaidi. Na fuyanna sa mahanoma Gabogabo Balebalelemna sadaina yai, 7 sa anꞌeta laoma, itiye,

“Aee–, u saguhimai!”

Na kamumu E tole, iti yo Idipi dodogadi atiꞌatipudi yai.

8 Nuꞌu pitapitalina yai ami miya ee–, fuya lofalofa, habahim, E lawemiu Amoli Nuꞌuna yai, Diyodan tefa saisaina yai. Sa hiyalaimiu, na E galatatamiu. Edi tanohi ami abi, enehemiu, na E lau funuhidi umi debamiu yai. (Namba 21)

9 Na dodoga luwaga, hesa hesana mate Balaki. Tamana hesana Sipoli. In mate Mowabi edi baꞌisa laꞌilaꞌi. Na hesa hesana Balam, tamana mate Beyoli. Mowabi dodogadi, maꞌedi baꞌisa sa hiyalaimiu. Yo fede, Balaki liba ya fatamali lawen, Balam lebena. Ya faliba bena ya kaumananaemiu. 10 In moho, ibege ya ataꞌatahi lau Balam lisina, be ya liba fasunumaimiu. Itete sidohana E faloholohomiu Balaki lisina yai. (Namba 22–24)

11 Fuyanna, Diyodan hoꞌowana ami lau tefa, be ami mahano laoma Diyeliko Nuꞌuna yai, dodogadi sa hiyalaimiu, doha Amoli, Pelisi, Kanana, Hiti, Giligasi, Hiwi yo Debusi sa hiyalaimiu. In moho, egu sagu yai, ami lei hafihafitidi. (Diyesuwa 3:10)

12 Bumo hinaga E fatamali bwaꞌiyedi, be Amoli yo edi babaꞌisa luwaga sa weꞌaidi. Hige bena emi kepata yai, e emi pidu yai au faꞌwasabudi. 13 Na umaꞌuma tanohidi, yo duhu laꞌi ginaginauli nonohadi E felemiu, mate hige au ginaulidi. Na aho, umaꞌuma uludi nonohadi ami anꞌannidi, wain yo oliwe gabudi, umi hige laꞌi au umahidi.

Yaubada au faꞌatitiyen, yo ma nuwa ofimiu au famuli watan. Ami mumuga edi yaubada doha oitau au peidi yo au nuwa fuiyedi, yaubadadi beyabeyana Idipi, yo Ifeleti Nuꞌudi yai sa famuli watanidi.†Ifeleti mate Hoꞌowa laꞌilaꞌi hesa Mesopotamia Nuꞌuna yai. Aho te, nuꞌuna hesana mate Iraq.

Na Yaubada Wananaha moho au famuli watan.

Ibege Yaubada Wananaha ai nuwa fuiyen, na yaubada haisa ai famuli watanidi.

17 Edi aba lau fayofayoida Idipi yai, Yaubada eda Guyau ya foyafoyahida, yo ena gigibwali ya famahatadi, be te itadi, yo ya ita wata loholohoꞌida nuꞌu haisa somo yai eda aba lau yai.

18 Eda fuya mahanoma tanohi yai te, Amoli dodogadi, tanohi tau miyaina, Yaubada ya lau weꞌaidi. Haba ai hinaga Guyau ꞌe famuli watan, In eda Yaubada.

Nuwana, hige gonowamiu, Guyau au famuli watan. Ibege emi heyaheyaya i nuwa afuledi. Paꞌana In mate Yaubada Esega.‡Yaubada Esega Alina Dimdim yai, aniyona mate Yaubada Tabuna. Haba ya fawaiyunuꞌemiu yena yaubada haisa ami famuli watanidi, yo haba ya faheyayamiu yena nuꞌu haisa yaubadadi ami famuli watanidi.

Beyabeyana ya loholoho lisimiu yai. In moho, haba ya faheyayamiu, yena ami ginauli doha.

Ii–, haba Guyau ꞌe famuli watan.

Au fawananaha fuyoimiu, haba nuwamiu ami hinelidi, be Yaubada ami famuli watan.

Ii–, ꞌE liba dudulai!

Yena wananaha, nuꞌu haisa yaubadadi au abi afuledi, Guyau, Isalaela eda Yaubada, au tauꞌului.

Haba Guyau eda Yaubada ꞌe lau watan, na ena laugagayo hinaga ꞌe lau watan.

Umeꞌehu te eda yali fafaꞌilalana, paꞌana Yaubada ena liba mahudoꞌidi lisida yai, umeꞌehu te ya atahiyedi. Yo fede, in haba tau fawananahana lisimiu yai. Haba eda Yaubada ami kawawananahaꞌen, na tabu au lau afulen!