2
Koroto gagaidi Yerusalema goi
Paulo ina talavaita sikamoitamoe
Paulo ina talavaita sikamoitamoe
1 Niga tala yawou aivasi sikavava, yau be Banabasi†aGui 4:36, 9:27, 11:22,25,30, 12:25, 14:12,14,20, 15:2,12,22,25,35-39; 1Ko 9:6; Gal 2:9,13; Kol 4:10. aiyuwoina katukomna kana Yerusalema goi go, Taito†b2Ko 2:13, 7:6,13-14, 8:6,16,23, 12:18; Gal 2:3; 2Ti 4:10; Tai 1:1,4. nakae akabi taiyao kana. 2 E tomota geya silatuwokoiguta ana, go sem atuko ana Yerusalema Yaubada ina kaiwóduwo yaigu pasina. Maeko goi koroto gagaidi madi wowoina aditava yau taiyao katugúguna go, nakonakae Vala Dedevina ataalavaite Totuyoyowo yaidi, e alumavivisi korotoyadi yaidi. Latuwogu bego guna paisewa sikamoitamoe, govila bei guna paisewayana boi be nakae tuta simamaima geya keuwoinamo. 3 Koroto gagaidiyadi sinovegu go, geya sisanabodeguta, go sem ima tugugunayana goi guna tosavaiyuwo Taito tauyana Giriki‡Giriki: Da Giriki Totuyoyowo. korotoina go, tuwo tauyadi geya silovineta bego tauyana sakavaina ikupo. 4 E moe isowóduwo unana tonumisa polapola maniyedi ima tugúguna goi sisiugau; latuwodi Taito sakavaina ikupo. Idi nuwonúwana bego kidi Totuyoyowo neta sinumisa, e itoboinedi Yaubada ina Katukeda ana lovina sisabokuliyedi. Ago Atukeda ana lovinayadi goi Guyau Yeisu bogina italigeida ida spwagógana Tauyana taiyao pasina go, amo topolayadi sisiu bego ida taligavayana siyausi, sigite nakona Atukeda ana lovinayadi kasabokuliyedi gea geya. Tauyadi latuwodi bego tonumisa liliuda Atukedayana goi sipakomneida. 5 Ago idi nuwonúwana goi geya kada go giyaiina katagona geya. Moe bego Vala Dedevina ana vatulúkwana mooitamoina‡Vala Dedevina ana vatulúkwana mooitamoina: Ame vatulukwanayana nakona kidi Diyuu be nakae kidi Totuyoyowo idi numisa pasina bogina sieboda tayamo Yeisu taiyao go, Totuyoyowoyadi Yaubada ina Katukeda ana lovina geya sisabokuliyedita. Geya tuwaina livisi ikaaiyaka boda aiyuwo yaidi, tauna sakava ana kúpwana geya itoboineyeta. ikaaiyaka moitamo komi imi numisa ana dedevina manuna. 6 E kidi go koroto gagaidiyadi Vala Dedevina yau ataalavaite geya sikatusavisaviyeta. Nakona tauyadi koroto gagaidi, nakona geya go, yau yaigu moe dogoi besobeso. Yaubada geya inuwonuwoneta tomota adi kaigigita manuna, go sem matana goi tomota liliuda tavavasa.†Atu 10:17; 2Te 19:7; Gui 10:34; Rom 2:11; Epe 6:9; Kol 3:25. E Vala Dedevinayana yau ataalavaite geya sikatusavisaviyeta, 7 go sem sigite bego Yaubada inumisegu bei Valayana atalavaite kidi sakavaidi geya adi kupwanamo‡aKidi sakavaidi geya adi kupwanamo: Ame Totuyoyowo. Kidi sakavaidi geya sikupoidita. Kidi Diyuu geya. yaidi goi nakae boi Pita inumise italavaite kidi sakavaidi kuuponidi‡bKidi sakavaidi kuuponidi: Ame Diyuu. Avatauwa neta Diyuu, sakavaidi bei sikupoidi. yaidi. 8 Moitamo. Yaubada ina Vala tayamo go, ima paisewa ituli ituli. Boi Pita ikawoi bego kina Yeisu ina vamoléyana tauyadi sakavaidi kuuponidi yaidi go, yau nakae ikawoigu bego yau Yeisu ina vamoléyana Totuyoyowo yaidi. 9 Tuwo kidi Yemesa, Kepasi be Iyoni, tauyadi siduuduwedi tovakumgo toolagaidi, Yaubada ina kanuwóiya paisewa manuna sikinane bogina ivinigu. Tuwo ima paisewa sikamoitamoe, e mama nuwovavasa Banabasi be yau siseikaniyema bego kai kana Totuyoyowo yaidi Vala Dedevina katalavaite go, kidi itoboine sina tauyadi sakavaidi kuuponidi yaidi sitalavaite. 10 Go idi nuwonúwana tayamo gagaina bego kidi Diyuu nuumisaidi tookaidi kanuwaisidi bei kavaitedi. Go moe dogoiyana bogina latuwogu toina nakae aguinuwe.
Paulo Pita ikamatanako Diyuu nuumisaidi
be Totuyoyowo nuumisaidi idi kabivekoveko unana
be Totuyoyowo nuumisaidi idi kabivekoveko unana
11 E niga tutayana Kepasi imekoima Antiyoki goi kai taiyao kakaaiyaka go, ina sinapu agite bogina ibágala. Tauna akamamaetali. 12 Moitamo. Mainao Kepasiyana ina sinapu dedevina. Nakae kidi Totuyoyowo nuumisaidi taiyao sikabivekoveko be nakae taiyao sikakáika idi numisa tayamo pasina. Go tutayana Yemesa Diyuu nuumisaidi maniyedi ietunedi sima, e Kepasiyana igitedi, imatoitedi inuwonúwana kana, ‘Nakona bei sigitegu siboboregu.’ Tauna Totuyoyowoyadi yaidi goi itaavilei be nakae ikasilaaliyedi.‡Kidi Diyuu idi sinapu ame nakae: Geya itoboinedita Totuyoyowo taiyao sikaaiyaka geya, go sem yaidi goi sitavilei be nakae sikasilaliyedi. Abivekoveko Totuyoyowo taiyao moe bomana unana kidi Totuyoyowoyadi sakavaidi geya sikupoidita be nakae Yaubada ina Katukeda ana lovina geya sisabokuliyedita. 13 Ago Kepasiyana ina pola kidi Diyuu nuumisaidi liliudi sigite, tuwo ina polayana goi sisiuko. Tauna idi polayana pasina Banabasi nakae isuláiga, e ivatotowonedi! 14 Kidi sitavilei Totuyoyowoyadi goi go, yau geya, go sem tutayana agite idi sinapu goi Vala Dedevina ana vatulúkwana mooitamoina ana kenao sivasulaigi, e tomota liliudi matadi goi Kepasiyana akamatanako adigo kagu,
‘Kepasi, kom Diyuu ae? U nakae. Go tuta maniyena Totuyoyowo idi sinapu kusabookuliye go, Diyuu ida sinapu geya ae? U nakae. Tauna manakae Totuyoyowo numisaidiyadi kulovinaedi simaladiyuu bego itoboinedi Diyuu taiyao sikabivekoveko? Kom baagalim! Moe nakae geya itoboinemta kuguinuwe!
15 Kita ida bíbina kunu goi Diyuu, tauna kita Yaubada ina Katukeda bogina taayagoi. Kita geya toogoyoida‡Toogoyoida: Kidi Diyuu idi nuwonúwana bego avatauwa Yaubada ina Katukeda geya sisabokuliyeta, e amo tauyadi toogoyoidi. Tauna neta sakavaidi geya sikupoidita o Sabati goi sipaaisewa, tauyadi toogoyoidi. Nakona kidi tomota dedevidi go, neta sakava ana kúpwana geya siguinuweta, e tauyadi toogoyoidi kidi Diyuu idi nuwonúwana goi. nakae Totuyoyowo yaidi goi geya. Kidi Atukedayana geya siyagoiyeta go, kita taayagoi. 16 E kita Diyuu nuumisaida bogina tayagoi geya vatau tayaamo Yaubada ina Katukedayana ana guinuwa‡aYaubada ina Katukeda ana guinuwa: Ame ava guinuwa Diyuu siguuinuwedi bego tomota siyagoi tauyadi Diyuu. Guinuwayadi aba kinana tomota tayamo Diyuu. Nakae áika, sakava ana kúpwana, o maliyalina ana wowoina. Ame guinuwayadi Diyuu siguuinuwedi bego tomota siyagoi kidi Diyuu go, boda liliudi Totuyoyowo. pasina ivayoko kina kiboobosina ina kanasíuna manuna,†aSam 143:2; Rom 3:20. go sem moe Guyau Yeisu aba numisa ina kabikáwana pasina.‡bGuyau Yeisu aba numisa ina kabikáwana pasina: Enao aiyuwo sikaaiyaka bego ame takaigavile. Tayamo moe mae nakae. Aiyuwoina itoboineda kada, ‘Ida numisa Guyau Yeisu yaina goi ikivavaseda.’ Moe bogina tayagoi. Tauna kita Diyuu Totuyoyowo nakae; Guyau Yeisu yaina bogina tanumisa bego ina kabikawanayana pasina Yaubada ivayokoida kita kiboobosida ina kanasíuna manuna.†bRom 3:22. Go moe geya Yaubada ina Katukeda ana guinuwa pasina ivayoko kita kiboobosida geya. Moe moitamo. Atukedayana ana guinuwa pasina geya vatau tayaamo Yaubada ivayoko kina kiboobosina ina kanasíuna manuna.
17 E kita Diyuu latuwoda ida spwagógana Guyau taiyao pasina Yaubada ivayokoida kita kiboobosida ina kanasíuna manuna go, ina Katukeda ana guinuwa pasina geya. Moeko goi bogina takamoitamo bego kita toogoyoida Totuyoyowo geya sinumiseta nakae; tanumisa bego Yaubada ivayokoida kita kiboobosida. Ana kaigigita Yaubada ina Katukeda takapipilave, e Totuyoyowo taiyao takáika go, manakae? Itoboineda kada, “Guyau goyo ana tovaita”? Geya, geya toina! 18 Guna nuwonúwana ataligei. Atukedayana ana guinuwa moe aliupa nakae Diyuu be Totuyoyowo yaida goi. Neta aliupayana boi bogina atauwe go, niga ayowomnei, e moe nakae Atukedayana ivayokoigu bego yau Atukeda ana tokapipilova! 19 Gwa. Guna poisógana Atukedayana manuna Atukeda ina kenao akalave o tadigo kada, “Akámasa Atukedayana yaina.” Moe bego maa yawoigu akaaiyaka Yaubada umana. Ame nakae: Guyau yau taiyao bogina kerose goi situpatukoima guna spwagógana Tauyana taiyao pasina bego ame tuta yawoigu vau goi Yaubada anetava asabookuliye. 20 E geya tuwaina yau yawoigu aloovinae go, Guyau yaigu goi ikaaiyaka yawoiguyana iloovinae. E yawoigu ame tuta sakavaigu goi akaaiyaka moe guna numisa Yaubada Natuna yaina goi akaaiyaka unana Tauyana imatakoiyegu, tuwo toinina ikasale ámasa goi, yau guna katumapu.
21 Kidi Atukedayana siinumise Yaubada ina kanuwóiya sikatae go, yau geya akataeyeta. Moe moitamo. Neta Yaubada ina Katukeda ana guinuwa goi ivayokoida kita kiboobosida ina kanasíuna manuna, e moe nakae Guyau ikamasa beso.’
E moe nakae Pita alatuwoko.
†a2:1 Gui 4:36, 9:27, 11:22,25,30, 12:25, 14:12,14,20, 15:2,12,22,25,35-39; 1Ko 9:6; Gal 2:9,13; Kol 4:10.
†b2:1 2Ko 2:13, 7:6,13-14, 8:6,16,23, 12:18; Gal 2:3; 2Ti 4:10; Tai 1:1,4.
‡2:3 Giriki: Da Giriki Totuyoyowo.
‡2:5 Vala Dedevina ana vatulúkwana mooitamoina: Ame vatulukwanayana nakona kidi Diyuu be nakae kidi Totuyoyowo idi numisa pasina bogina sieboda tayamo Yeisu taiyao go, Totuyoyowoyadi Yaubada ina Katukeda ana lovina geya sisabokuliyedita. Geya tuwaina livisi ikaaiyaka boda aiyuwo yaidi, tauna sakava ana kúpwana geya itoboineyeta.
†2:6 Atu 10:17; 2Te 19:7; Gui 10:34; Rom 2:11; Epe 6:9; Kol 3:25.
‡a2:7 Kidi sakavaidi geya adi kupwanamo: Ame Totuyoyowo. Kidi sakavaidi geya sikupoidita. Kidi Diyuu geya.
‡b2:7 Kidi sakavaidi kuuponidi: Ame Diyuu. Avatauwa neta Diyuu, sakavaidi bei sikupoidi.
‡2:12 Kidi Diyuu idi sinapu ame nakae: Geya itoboinedita Totuyoyowo taiyao sikaaiyaka geya, go sem yaidi goi sitavilei be nakae sikasilaliyedi. Abivekoveko Totuyoyowo taiyao moe bomana unana kidi Totuyoyowoyadi sakavaidi geya sikupoidita be nakae Yaubada ina Katukeda ana lovina geya sisabokuliyedita.
‡2:15 Toogoyoida: Kidi Diyuu idi nuwonúwana bego avatauwa Yaubada ina Katukeda geya sisabokuliyeta, e amo tauyadi toogoyoidi. Tauna neta sakavaidi geya sikupoidita o Sabati goi sipaaisewa, tauyadi toogoyoidi. Nakona kidi tomota dedevidi go, neta sakava ana kúpwana geya siguinuweta, e tauyadi toogoyoidi kidi Diyuu idi nuwonúwana goi.
‡a2:16 Yaubada ina Katukeda ana guinuwa: Ame ava guinuwa Diyuu siguuinuwedi bego tomota siyagoi tauyadi Diyuu. Guinuwayadi aba kinana tomota tayamo Diyuu. Nakae áika, sakava ana kúpwana, o maliyalina ana wowoina. Ame guinuwayadi Diyuu siguuinuwedi bego tomota siyagoi kidi Diyuu go, boda liliudi Totuyoyowo.
‡b2:16 Guyau Yeisu aba numisa ina kabikáwana pasina: Enao aiyuwo sikaaiyaka bego ame takaigavile. Tayamo moe mae nakae. Aiyuwoina itoboineda kada, ‘Ida numisa Guyau Yeisu yaina goi ikivavaseda.’