14
Lami mana bodao
1 Amo ikavava, akandobala, Lami agite mana bodao Saiyoni koyaina yatana goi siitáoya.†aSam 2:6; Ibe 12:22. Bodaoyadi ana badabada 144,000. Dabadi goi Lamiyana yoina be nakae Tamana yoina sikaaiyaka.†bIsi 9:4; Nuw 7:3. 2 Agite ikavava, yábana goi butukáwana tayamo anove, ana taiyakeka bwae gagaidi sidududu†Nuw 1:15, 19:6. nakae be palapala gagaina butukáona nakae. Butukawanayana anove ana taiyakeka api adi tolauwoyao idi api silauláuwo nakae. 3 Anove go, bodaoyadi sikaaiyaka, Yaubada kebana esaaesaina matana goi be dogoi maa yawoidi adi taivasi be nakae tomoyamoya matadi goi vesi vau siivesiye. Geya vatau tayaamo mana tagona vesiyana ivesiye; kidi tomota 144,000 aditava madi tagona sivesiye. Moe tauyadi boi Yaubada da poyapoya yaidi goi bogina itakonedi. 4 Amo tauyadi balomaidi maavadaidi nakae tomota neta nai geya go, geya simasisigoyogoyoita. Moitamo. Tauyadi nakae tomota neta geya siroerateta, e geya sisakululuta yaubada polapola yaidi, tauna geya adi bailamo. Moe tauyadi nako goi Lami inonoina, e sisabookuliye. Da poyapoya yaidi goi Yaubada itakonedi, kidi Tauyana be Lami umana. Kidi dibayoya ana keuwokumgo nakae siikasale Yaubada be Lami yaidi. 5 Geya tayaamo pola siivatoi.†aSam 32:2; Sap 3:13; Iyo 1:47; 1Pi 2:22. Moitamo. Tauyadi geya adi pikwanamo.†bEpe 5:27.
Anerose adi taito idi talavaita
6 Amo ikavava, anerose tayamo agite yábana osasaina goi iyovayova. Aneroseyana Vala Dedevina go, aiyako vaatayaina imememe italavaite da poyapoya liliudi yaidi. Tauyadi moe kantri liliudi, dala liliudi, aníyana liliudi be nakae boda liliudi yaidi goi.†Nuw 5:9, 7:9, 11:9, 13:7, 17:15. 7 Livalayana niyana gagaina goi itaalavaite idigo kana,
‘Mami matoita Yaubada ina togaga ana káeyana kokamoitamōe! Takínona ana tuta bogina ima be tomota liliudi da poyapoya itakinoidi. Tauna kotugavīla go, Tauyana ina togaga ana káeyana kokamoitamōe! Tauyana yábana, poyapoya, négwasa be nakae bwae liliudi imadagidi, tuwo yaina kosakulūlu!’
8 Amo ikavava, aneroseyana mlina anerose aiyuwoina ivámliya ima idigo kana,
‘Babiloni‡Babiloni: Enao aito sikaiyaka livala ame ana yagoina manuna. Tayamo moe ame asa yoina Babiloni, ame tauna. Aiyuwoina moe ame livalakaibala Roma manuna. Aitonina moe ava kasa o ava nuwonúwana neta Yaubada sivakaleye. bogina ivailai! Asayana gagaina bogina ivailai dókana!†Ais 21:9; Yer 51:8; Dan 4:30; Nuw 16:19, 17:2, 18:2,21. Ina sinapu masisi goyogoyoina moe oine nakae go, bodao liliudi ivaanimdi oineyana goi, tauna sinapuyana sivatotowone. Ego amo oineyana pasina Yaubada ina egamogamogu asayana bei ibabane.’
9 Amo ikavava, aneroseyadi aiyuwo mlidi goi anerose aitonina ima niyana gagaina goi idigo kana,
‘Avatauwa neta sisaakululu woiwoiyana be nakae ina tokwalu yaidi o ina katukatu dabadi goi o nimadi goi sikaupaakiyedi, 10 e tauyadi nakae bei Yaubada ina oine sinim. Oineyana moe Yaubada ina egamogamogu go, oineyana toogagaina bei isiwoi ina liuna keigaina goi.†aAis 51:17. Tauna tauyadi yeu sabeninimina be poiseni mokauna goi geda gagaina bei sibabane†bAbv 19:24; Isi 38:22. anerose kimaasabaidi be Lami matadi goi. 11 Ago yeuyana siilotowo aubowoina bei ituko vata†Ais 34:10; Nuw 19:3. go, maliyalina be sabamgo geya itoboinedita gedayana goi siwaiwasi, go sem ikaiyako vata. Tauna nakae bei isowóduwo tauyadi yaidi neta woiwoiyana be ina tokwalu yaidi sisaakululu o yoina nimadi o dabadi goi sikaupaakiyedi.’
12 Moeko goi kita Yaubada ina kimasabayao ada mou goi taaramāitana,†Nuw 13:10. kita Yaubada ina lovina takabikaaonedi be nakae Yeisu ina kabikáwana aba numisa tavatootowone.
13 Amo ikavava, níyana tayamo yábana goi anove idigo kana,
‘Ame nakae kugīni kam,
“Ame tuta be nakae tuta simamaima avatauwa neta ida Tomoya taiyao sispwagógana go, sikámasa, adi dedevina bei sibabane.” ’
‘U nakae! Itoboine bei adi mou goi siwaiwasi. Moitamo. Idi guinuwa dedevidi Yaubada bei inuwaisidi’, Baloma Kimaasabaina kaena.
Tomalatomota ina takínona
14 Amo ikavava, akandobala to gaota poowouna agite go, yatana goi tayamo tomalatomota†Nuw 1:13; Dan 7:13. maisiyana iitusobu. Dabana goi lovina dabayogigina goura esaaesaina ikaaiyaka go, nimana goi sisi sooinina kaudoodogaina‡Sisi sooinina kaudoodogaina: Ame sisi tayamo maanawena go, kaudoodogaina tukówana aivauna maisiyana. Ina paisewa moe witi ana kaba kúpwana. Witi moe maanawena limou nakae. iikavale.
15 Amo ikavava, anerose aivasina Vada Kimaasabaina goi isowóduwo ima niyana gagaina goi tomotayana gaota yatana goi iitusobu ilatuwoko idigo kana,
‘Awoinu poyapoya goi bogina imatuwo, tauna dibayoya ana tuta bogina ima. Tauna kūna im sisi goi kudibayōya.’†Iyl 3:13.
16 Tuwo moitamo, Tauyana gaota yatana goi iitusobu itáoya, ina sisi iikavale poyapoya goi itala, e poyapoyayana ina dibayoya ilamgogo.
17 Amo ikavava, anerose ainimaina Vada Kimaasabaina yábana goi isowóduwo ima go, tauyana nakae mana sisi sooinina be kaudoodogaina.
18 Niga anerose ainima tayamoina insensi ana kaba kasala kikina Bateta Kimaasabaina goi isowóduwo ima. Tauyana yeu ana tolovina. Niyana gagaina goi iduduwo anerose mana sisi ilatuwoko idigo kana,
‘Oine keuwoina poyapoya goi bogina sibólika. Tauna im sisi goi sipulina kutaupeupēdi be kusevēdi.’
19 Tuwo moitamo, ina sisi goi ivatowo oine keuwoina poyapoya goi itaupeupedi. Ikavava, oine keuwoina sipulidiyadi isevedi go, ikalisobuyedi oine ana kaba vavetaveta gagaina goi. Aba vavetavetayana moe Yaubada ina egamogamogu nakae. 20 Aba vavetavetayana asa moetala goi ikaaiyaka. Tuwo oine keuwoina aedi goi sivavetevetedi go, aba vavetavetayana goi ikaika idau mluwa nakae.†Ais 63:3; Tkk 1:15; Nuw 19:15. Ana niku ovatayamo go, idau ina aduwanau toina. Moe kilomita 296 nakae.
†a14:5 Sam 32:2; Sap 3:13; Iyo 1:47; 1Pi 2:22.
†14:6 Nuw 5:9, 7:9, 11:9, 13:7, 17:15.
‡14:8 Babiloni: Enao aito sikaiyaka livala ame ana yagoina manuna. Tayamo moe ame asa yoina Babiloni, ame tauna. Aiyuwoina moe ame livalakaibala Roma manuna. Aitonina moe ava kasa o ava nuwonúwana neta Yaubada sivakaleye.
†14:8 Ais 21:9; Yer 51:8; Dan 4:30; Nuw 16:19, 17:2, 18:2,21.
†a14:10 Ais 51:17.
‡14:14 Sisi sooinina kaudoodogaina: Ame sisi tayamo maanawena go, kaudoodogaina tukówana aivauna maisiyana. Ina paisewa moe witi ana kaba kúpwana. Witi moe maanawena limou nakae.
†14:15 Iyl 3:13.
†14:20 Ais 63:3; Tkk 1:15; Nuw 19:15.