11
Naur a momol a tena warwara talapor
1 11:1 Esekiel 40:3; Sekaraia 2:1-2Di saran tar a por tak, i arlar ana rakai di sira mak onoi pa di atai iau mang, “Ur han pa ur mak a rumai artabar ane God, pa logo na tun artabar, pa ur was la ning la lotlotu tingia. 2 11:2 Luk 21:24; Tatatai 13:5Ika ur noren sen a pukna tumo lapiu na rumai artabar, gong u mak tari. Anasa di ka saran tari tetek a tarai ning bel a tarai ane God, pa lar pas dur a totoh a hanua ane God arlar ana diat a bonot pa pisir naur a kalang. 3 Par saran tar a rakrakai tan anuk naur a tena warwara talapor hok, diar mermer ana kaen a tobo pa diar warwara na propet pas ana takai a rip pa naur a mar pa diono na bonot (1,260) a pukakiar.”
4 11:4 Sekaraia 4:3, 11-14Naur a tena warwara talapor ne, dia naur a rakai a oliw pa naur a turtur a lam, ning dia tur na matana Leklek anuna rakrakan hanua. 5 11:5 2 Samuel 22:9; Buk Song 97:3Ning tik i mang suir alaulau diau, a iah ir hanot miting na pahandiau pa ir ien sen anundiau na hirua. Ning tik i mang suir alaulau diau, ir mat larot ning. 6 11:6 1 King 17:1; Kisim Bek 7:17-20; 1 Samuel 4:8Naur a barsan ne dia tong akes a rakrakai sur diar sairas a bakut, sur gong a kiar i punga ana taim ning dia warwara na propet. Dia tong akes otleng a rakrakai sur diar keles a malum sur a suluk, pa diar dapis a rakrakan hanua ana urmatana ngas a akadik rop ana taimla ning dia nuki.
7 11:7 Daniel 7:21; Tatatai 12:17; 13:7; 17:8Ning dia ka arop sen anundiau a warwara talapor, a rokoio na inagoi ir han kas kusun a tnan tung ning bel al araropna. Ir harum taum ondiau, pa ir tolsot pas diau pa ir umkol diau. 8 11:8 Luk 13:34Pa minatindiau ir borbor ka ting na ngas ana tnan hanua di atong larlari oe Sodom pa e Ijip, a hanua ning di sai ahat otleng anundiau a Leklek ia. 9 Pa tarai miting na hananuala rop, pa miting na mangis a tarai rop, pa miting na urmatana ngas a warwarala rop, pa miting na matanitula rop lar oroi a minatindiau ana natol a pukakiar pa takai a tuka kamis pa bel lar longor sur dir por diau. 10 Pa taraila mite na rakrakan hanua lar gas ka ondiau, lar asangan anunla na gasgas ona artabar tetek la artalai, anasa naur a propet ne dia akadik a tarai te na rakrakan hanua.
11 11:11 Esekiel 37:5, 10Ika lamur tana natol a pukakiar pa takai a tuka kamis, e God i wus kas tar a wuwu na lalaun ondiau. Pa dia laun pa dia tur, pa tnan matmataut i kibas la ning la oroi diau. 12 11:12 2 King 2:11Pa dia longor a tnan elngen takai misaot na langit i atai diau mang, “Mu han kas ute.” Pa dia han kas ana bakut usaot na langit, pa nundiau a hiruala la oroi sen diau.
13 11:13 Tatatai 6:12; 16:18Ono otning, a tnan mamais i hanot. Pa takai a pukna miting na tnan hanua ning i tarege, pa siuk a pukna bel. Pa mais a rip a tarai la mat, pa la ning la laun la matmataut kol, pa la atong leklek pas e God ning i kes saot na langit.
14 11:14 Tatatai 9:12Munaur a akadik ka rop. Pa takai akadik ulak milau ir hanot.
A ararop a tawuru
15 11:15 Kisim Bek 15:18; Buk Song 10:16; Daniel 2:44; 7:14A ararop a angelo miting na mais a angelo, i wus anuna tawuru, pa galis a tnan elngena tarai saot na langit la atongi mang,
“A matanitu ana rakrakan hanua ka keles sur a matanitu anuna Leklek anundalai, pa anuna Karisito anunai.
Ir kes na king tikin, bel ir rarop.”
16 Naur a bonot pa pisir diat a ningnigo, ning la kes ting na anunla na keskes a king salanigo ta e God, la punga hanrawai ona patarinla ting na piu, pa la lotu tetek e God. 17 La atongi mang,
“Mila atong wakak tetek u a Leklek e God ning u rakrakai kol,
u laun nigo pa u laun onone,
anasa u ka kubas pas a tnan rakrakaim
pa u ka turpasi sur ur kes ting na keskes a king pa ur warkurai.
18 11:18 Buk Song 110:5; Rom 2:5; Tatatai 20:11-13; Buk Song 115:13Na matanitu masik la balakut,
pa anum a balakut otleng ka hanot.
A taim ka hanot sur ur warkurai la ning la mat,
pa ur saran a arlou tetek anum na tena titol oros, a propetla
pa anum na tarai, pa la ning la hanrawai a risam,
la ning bel al risanla pa la ning la leklek,
pa ur kamar sen la ning la alaulau a rakrakan hanua.”
19 11:19 Hibru 9:4; Tatatai 8:5; 15:5; 16:21Lamur a rumai artabar ane God saot na langit i sapang, pa ting na rumai artabar anunai, di oroi anuna bok a kunubus. Pa pil, a unga, a pungpugur, a mamais, pa tnan kiar a ais i hanot.
11:1: 11:1 Esekiel 40:3; Sekaraia 2:1-2
11:2: 11:2 Luk 21:24; Tatatai 13:5
11:4: 11:4 Sekaraia 4:3, 11-14
11:5: 11:5 2 Samuel 22:9; Buk Song 97:3
11:6: 11:6 1 King 17:1; Kisim Bek 7:17-20; 1 Samuel 4:8
11:7: 11:7 Daniel 7:21; Tatatai 12:17; 13:7; 17:8
11:11: 11:11 Esekiel 37:5, 10
11:12: 11:12 2 King 2:11
11:13: 11:13 Tatatai 6:12; 16:18
11:14: 11:14 Tatatai 9:12
11:15: 11:15 Kisim Bek 15:18; Buk Song 10:16; Daniel 2:44; 7:14
11:18: 11:18 Buk Song 110:5; Rom 2:5; Tatatai 20:11-13; Buk Song 115:13
11:19: 11:19 Hibru 9:4; Tatatai 8:5; 15:5; 16:21