2
* Ep 4:22; Je 1:21Kuren la mina lok pes laxaloklok kakapmek basinge nemi. La nemen bok ba mita xaxarang, kopla mina lili aage levelinga, la mina reven peves, kopla mina lox asi tara mi levelinga. * Mt 18:3; 1 Ko 3:2Ketla minak lok ngan laxamdak mumulum, no di vavara inin amisik levendan tus at loroonan. Do mina inin amisix i, minaba mukun at lununu atnimi la minaba lok kaka lorooro avolo. I ngan Lovoang Kaala i tong i xeretna,
“Nemi xa miga long terex i do lebelen tuntun at Leeme Silok i lox avukat.” Sam 34:8
Luuat Too
* Mt 21:42; Ais 28:16Mina vot parap Leeme Silok, neni Luuat Too no limixin diga lu xepe min do goxo epovo ri lok tugugu. Ketla ne Moroa ga soxolik kaka i ngan luuat, luunun teren i silok aleng la i epovo ri lok tugugu. * Ep 2:21-22; Pas 19:6; Ais 61:6; Li 1:6; Ro 12:1Nemi bok mira lok ngan pam larauat too rip kip gu, la ne Moroa xa i xip loogu laplavang minemi, kusu nemi minaba gugu ngan lavamaasa at ne Moroa. La minam taba i mi leventamtaba at loroonan mo ne Moroa naba siam kaka i xeneng at ne Iesu Karisito. * Ro 9:33; Ep 2:20I ngan Lovoang Kaala i tong asu levelinga at ne Moroa xeretna,
“A soxolik kaka luuat i ruuna luunun i silok aleng la anaba lok li i ngan luuat ti lemesuluk at lemenemen Saion la do nege na nunu ren, neni kopmen tinotno noxo ruuna ka lainmangan.” Ais 28:16
* Mt 21:42Mo luuat neni i silok at levendoxoma atnemi limixin mi nunu ren. Ketla tinedi dixo nunu ren, i lok ngan Lovoang Kaala i lok keretna,
“Mo luuat luvuttadi xipkip gu diga sok tixirixes kepe i, ga ravasu ngan Luuat Kis la lugugu ren i silok aleng.” Sam 118:22
* Ro 9:33La loxot bok at Lovoang Kaala i vaase xeretna,
“Na Luuat Kis naba lok limixin kusu dina sak kikixin la naba lox asubu nedi.” Ais 8:14
Dik sak kikixin atla xopmen dina nunu at levelinga at ne Moroa. Anai i epovo mi lavavara at ne Moroa rinedi.
* Ais 9:2; 40:20-21; 1 Pi 2:5; Ta 2:14; Gu 26:18; Ep 5:8Ketla nemi lavaanat soxolik ka. Nemi lavamaasa at Loorong Silok, la nemi lubung mixin melemelengan la nemi limixin at ne Moroa akmokso. Neni ga soxolik ka nemi xusu minaba lox asuusu leven gugu nunuan teren. Neni ga ro xaka nemi boro xeneng at lamain bonot la uto xeneng at laxasep maraanu ren. 10  * Ro 9:25Ketla avot at na, nemi goxo ngan limixin at ne Moroa, ketla amonga nemi mi lok ngan limixin teren. I ngan bok gano nemi mi goxoklen lebelen tuntun at ne Moroa, ketla amonga, mira ruuna ka vam lebelen tuntun teren.
Lavasaxaruki At Ne Moroa
11  * Sam 39:12; Ga 5:17,24; Je 4:1Larapen tangas orong tarak. A sing nemi mi lodoxoma axap tarak. Nemi mi lok ngan mun limixin kadiong de at na lavatbung menemen. Kuren la mina ru asepsu basinge leveloklok kakapmek at labantuxu, atla neni na leveloklok i vesep eburu mi labaroonan atnemi. 12  * Mt 5:16; Lu 19:44La minap tuvuk avukat at lemeren nedi lavamolon. Mo do dina sok taba parang nemi mi toloklok kakapmek, nedi dinaba ven kibis ba leveloklok nunuan atnemi la dinaba emi asu mi ne Moroa at laaleng potpot teren.
13  * Ta 3:1Minang tonga res atnedi axap luvuttadi amgomgo, limixin di lok katling di, mila Leeme Silok i vara i xuren. Minang tonga res at loorong at lenep kangka atnimi, neni lamgomgo at limixin axap. 14 La minang tonga res bok atnedi luvuttadi amgomgo at levennep silok, loorong ik sak tiki nedi xusu dina lox asongot nedi dik lok laxakapmek la dina emi asu minedi dik lok luvukat. 15  * 1 Pi 3:16Mila ne Moroa i vara i do minak lok leven gugu nunuan kusu minaba sep pepe levelinga gamasa at luvuttadi rangtangku. 16  * Ga 5:13Minap tuvuk avukat ngan limixin sepsepmus at ne Moroa. La nemen gat mita se bopbop pe laxakapmek atnemi mi leveloklok sepse at lemeren mun at limixin. Ketla minap tuvuk ngan lavaanat saxaruki at ne Moroa. 17  * Ro 12:10; Ler 24:21; Mt 22:21Mina lok ngangao bok at limixin axap, la mina balamu limixin nunu. La mina lok ngangao at ne Moroa la at loorong bok.
Lampoovo At Losongsongot At Ne Iesu
18  * Ep 6:5Nemi lavasaxaruki. Minak lok mu asu levendoxoma at lubung amgomgo atnemi la mina lox asu rinotno loklok ngangao atnemi rinedi, kopmen do mina lok ngangao xusuk atnedi di lox asuusu lebelen tuntun tinemi, ketla tinedi bok do di tu mi loboat. 19 Moroa naba lox anarong nemi do dina lox asongot nemi mumu mun loklox avukat atnemi na mu asu lodoxoma ren. 20  * 1 Pi 3:14,17; 1 Pi 4:14Ketla mi noxo lok kaka loklox anarong do dina sep nemi xusu laxakapmek nemi miga lox i. Ketla do mina lok ka mun i at loxonaleng mina lok loklox avukat la dina lox asongot nemi xusu nen, Moroa naba lox anarong ba nemi do mina tu tuxuruxun at na levenaleng di lox asongot nimi.
21  * Mt 16:24; Jo 13:15La ne Moroa ga ro xaka nemi mumu i na langas at losongsongot, mila ne Karisito axa ga suma losongsongot tinemi la ga lok taba nemi mi na langas, kusu minaba mumu asu lenaim teren.
22  * Jo 8:46“Neni goxo lok bok tekakapmek, la teta goxo ronga asu bok tekaxarang ga ravasu at lungusno ren.” Ais 53:9
23  * Ais 53:7; 1 Pi 3:9At loxonaleng diga paase aksaksa rin, neni goxo vorang di mi teloklok bok kuren. La at laaleng neni ga lok kaka loklox asongot, neni goxo lok tepanga. Ketla neni ga lok li levendoxoma axap teren at ne Moroa neni Laradi Rongtonga Linga la na lugugu ren in manton tino. 24  * Ib 9:28; Ro 6:2,11; Ais 53:5Ne Karisito axa neni ga xip leveng kakapmek atnedik keneng at labantuxu ren uto at laxaba kusu nedik tanaba sepmus basinge loklok kakapmek atnedik la ata rooro tik lok leveloklok ik mokso. La nemi mi lox avukat pam mumu mun laranin kooxing teren. 25  * Ais 53:6; Isi 34:5-6; Mt 9:36; Jo 10:14Nemi miga lok ngan laxasipsip diga soronga. Ketla ananga, migaramlong pam kusu mina mumu asu Lamgomgo atnemi la neni Laradi Loklok Tatao bok at lorooro at loroonan atnemi.

*2:1: Ep 4:22; Je 1:21

*2:2: Mt 18:3; 1 Ko 3:2

*2:4: Mt 21:42; Ais 28:16

*2:5: Ep 2:21-22; Pas 19:6; Ais 61:6; Li 1:6; Ro 12:1

*2:6: Ro 9:33; Ep 2:20

*2:7: Mt 21:42

*2:8: Ro 9:33

*2:9: Ais 9:2; 40:20-21; 1 Pi 2:5; Ta 2:14; Gu 26:18; Ep 5:8

*2:10: Ro 9:25

*2:11: Sam 39:12; Ga 5:17,24; Je 4:1

*2:12: Mt 5:16; Lu 19:44

*2:13: Ta 3:1

*2:15: 1 Pi 3:16

*2:16: Ga 5:13

*2:17: Ro 12:10; Ler 24:21; Mt 22:21

*2:18: Ep 6:5

*2:20: 1 Pi 3:14,17; 1 Pi 4:14

*2:21: Mt 16:24; Jo 13:15

*2:22: Jo 8:46

*2:23: Ais 53:7; 1 Pi 3:9

*2:24: Ib 9:28; Ro 6:2,11; Ais 53:5

*2:25: Ais 53:6; Isi 34:5-6; Mt 9:36; Jo 10:14