1 Yu no ken amamas long bikpela lain pikinini. Sapos ol i bikhet, ol i no bihainim lo bilong Bikpela. 2 Maski ol i kamap planti, yu no ken amamas long ol, sapos ol i no pret long Bikpela na i aninit long em. 3 Yu no ken ting, bihain bai ol pikinini i lukautim yu na bai ol i bekim ol hatwok bilong yu. Tru tumas, wanpela gutpela pikinini i winim ol tausen pikinini i save bikhet. Sapos wanpela man i gat planti pikinini na ol i no save bihainim lo bilong Bikpela, orait mobeta dispela man i bin i dai na i no gat pikinini olgeta.

4 Ples i ken go het sapos i gat wanpela stretpela man o meri i stap. Tasol sapos i gat planti manmeri i no bihainim lo, bai ples i bagarap olgeta. 5 Planti bilong ol dispela samting, mi bin lukim long ai bilong mi yet. Na planti samting moa, mi yet mi bin harim. 6 Kros bilong Bikpela tasol i kamap olsem wanpela paia namel long ol manmeri i no harim tok bilong em.*Dispela i bin kamap long Kora wantaim ol lain bilong en (lukim Namba 16.35 na Song 106.18) na long ol manmeri i no bilip long God na ol i traim strong bilong en (lukim Song 78.21-22). 7 Ol Stt 6.4, GST 14.6 arapela strongpela man bilong bipo i laik winim Bikpela, olsem na em i no marimari long ol. 8 Bikpela i bin belhat tru long ol wanples bilong Lot.†Ol wanples bilong Lot, em ol lain bilong taun Sodom na Gomora. Lukim Stat 19.24-29. Ol i mekim pasin hambak tru, olsem na em i no sori liklik long ol. 9 Bikpela Kis 23.23-33, 33.2, Lo 7.1, GST 12.3-7 i no marimari long ol Kenan. Em i rausim ol, long wanem, ol i bagarap pinis long pasin bilong sin. 10 Na tu, em i no bin marimari long ol 600,000 manmeri i wokabaut long ples wesan. Long wanem, olgeta i bikhet na i sakim tok bilong em.‡Lukim Kisim Bek 12.37 na Namba 11.21. Ol dispela manmeri i bin dai long ples i no gat man, na ol i no kamap long graun Kenan. Lukim Namba 14.20-23. 11 Na sapos wanpela bikhet man o meri i stap, em tu i mas kisim bagarap. Long wanem, Bikpela i save sori, tasol em i save belhat tu. Em inap long marimari na tu em inap long kros nogut tru. 12 Sori bilong em inap kamap bikpela, na kros bilong em tu inap kamap bikpela. Na em bai i kotim ol manmeri inap long ol wok ol i bin mekim. 13 Ol manmeri bilong mekim sin ol i no inap long ranawe wantaim ol samting ol i bin stilim. Na ol gutpela manmeri i no ken les long wetim pe bilong ol. 14-16 Olgeta wok marimari bai i gat gutpela pe bilong en. Na olgeta manmeri bai i kisim bekim inap long ol wok ol i bin mekim.§Sampela olpela buk bilong bipo tru i gat narapela hap tok tu i stap long dispela lain. Dispela tok i olsem, “Bikpela i bin pasim tingting bilong king bilong Isip, olsem na king i no bin save long em. Na ol manmeri bilong graun ol inap long lukim strong bilong Bikpela. Olgeta manmeri i stap long graun bai ol i lukim marimari bilong Bikpela, long wanem, Bikpela i givim lait na tudak long ol.”

17 Yu no ken tok, “Bai mi hait long Bikpela. Husat i stap long heven na i save long tingting long mi? Husat inap luksave long mi namel long planti lain manmeri? Na mi husat tru, namel long olgeta samting Bikpela i bin mekim kamap? 18 Taim Bikpela i kam bilong mekim kot, olgeta samting bai i guria, em skai na heven, na graun na as bilong solwara. 19 Taim em i lukluk i kam daun, ol maunten na as bilong graun tu bai i seksek na i pret. 20 Tasol i no gat wanpela man o meri i tingting long ol dispela samting. Husat i save wari long ol pasin bilong Bikpela? 21 Ol manmeri i no inap lukim strongpela win, na olsem tasol planti wok bilong Bikpela i hait i stap. 22 Husat bai i tokaut long stretpela kot bilong Bikpela? Na husat bai i wet long en? Long wanem, kot bilong Bikpela i stap longwe yet.” 23 Em tasol kain tingting bilong ol manmeri i no gat save. Tru tumas, ol manmeri i longlong na i kranki nabaut, ol i save tingting olsem.

24 Pikinini, harim gut na kisim save, na putim gut yau long ol toktok bilong mi. 25 Bai mi givim gutpela skul long yu, na bai mi autim save i stretpela tru.

26 Ol samting Bikpela i mekim bipo tru i bihainim tingting bilong em. Taim em i wokim ol samting, em i makim pastaim ol hap ol i mas i stap long en. 27 Em i stretim gut olgeta samting bai ol i stap oltaim, na em i tilim wok long ol inap long olgeta taim bihain. Hangre na les i no save painim ol, na ol i no ken pinis long wok bilong ol. 28 Olgeta samting i stap long ples bilong ol yet.*I luk olsem dispela i tok long san na mun na ol sta. Na i no gat wanpela samting i save sakim tok bilong Bikpela. 29 Bihain Bikpela i lukluk long olgeta hap, na em i pulapim graun long ol gutpela samting bilong em. 30 Em i karamapim olgeta hap bilong graun long ol dispela samting, na bihain bai ol dispela samting i mas i dai na i go bek long graun.