2 Wata Mosese me Isileli i vonedi i vo, 'Auvea yami Yaubada 'wa na nuanuani fai kumanina malamala 40 nagedie i 'e'edakumesemi sali'avu'avuye. Bei i sitonovimi nuanuana 'wa na nuaobu wata nuanuana i na 'asetami 'awaie yana veimea 'wa na vematayakeyakedi 'alo kebu. 3 Mad 4:4; Luk 4:4Nagami 'ani'ani i ve'o'oleni mulieta 'ani'ani mana i velemi 'wa 'ani, 'ani'aninina 'omi wata tubumiavo basenadi kebu 'wainega 'wa da 'aniga bega i lubwainemi 'wa na 'asetai tomotoga yadi mia 'ana 'atumaina kebu 'ani'ani'ava 'wainega i da veveluagadiga, we'e mogitana 'Auvea yana vona 'aitamogana 'aitamogana 'waidiega tomotoga yadi mia 'ana 'atumaina i na veluagadi.

12-14 Bola 'wa na 'ani'ani 'ami 'etowava i na 'ewai, yami vanuga 'atumaidi 'wa na yogonidi bei 'wa na mia, wata yami 'aisayavo bulumakau wata sifi i na vefue, yami siliba, golida wata 'ifwaidi yami 'ai'aiwabu i na vebwaika. Tutuyanina 'waineye, taunimi 'wa na 'isave'avinimi i na nunago 'wa na nualaka bega 'Auvea yami Yaubada 'wa na venuafania, kumanina i vagavaimi 'wa souyemi Itifitayega basenadi bei 'wa vetofolova-maimaiga. 15 Kebu nuami i na fani, i kumesemi sali'avu'avu bwaikina wata 'eba kololo 'waineamo 'wa maia, bei 'o'olo kasikasisidi wata dinigala weweda*'Ana mogitana vona Ibeliu 'waineye, bwa'o'o'o, siwe yadi 'awalaweye bwa'o'o'o tomotoga yadi 'eba wafa, we'e 'ida 'waideye bwa'o'o'o sai'afo mweadi. i daledale, yauyauta bwaikina wata fwayafwaya lalana. We'e sali'avu'avunina 'waineye kileu bwaikina 'wainega ufa i velemi. 16 Sali'avu'avuye mana i velemi 'wa 'ani, 'ani'aninina tubumiavo kebu i da 'aniaga. Nuanuana vitanidi 'waidiega i na sitonovimi 'wa na nuaobu bega 'eba ve'a'ava 'waineye i na vesauluva-'atumaina 'waimie. 17 De'e naninidi matatabuna i 'idewadi bega kebu 'wa na vo, Yaku toketokena wata yaku tokemaiga 'waidiega tauniku a 'ive'ai'aiwabuku.’ 18 I lubwainemi 'Auvea yami Yaubada 'wa na nuave'avini, kumanina basenadi yana veakutagona i 'idewai tubumiavo 'waidie wata i damana 'waimie bega 'asiau yana toketokena 'wainega 'wa ve'ai'aiwabu.”